عاوز اسقط موتور ال hp بتاعه عالي في الشاهين اعمل ايه ... و يا ريت يكون ال hp 150 او اكثر المهم يكون سريع ....اعمل ايه عشان انا مس عارف بيتسقطلها ايه .... شكراااا
عاوز اسقط موتور ال hp بتاعه عالي في الشاهين اعمل ايه ... و يا ريت يكون ال hp 150 او اكثر المهم يكون سريع ....اعمل ايه عشان انا مس عارف بيتسقطلها ايه .... شكراااا
مشكله الشاهين الشاسيه بتاعها مش بيستحمل مواتير كبيره :brn:
1.6 volumex lancia وعليك وعالحرفيين دي تقريبا 120 ومتلعبش فالشاهين جامد يعني اخرك مثلا جنط 17 ومكنه حلوة زي دي وخلي بالك من العربية عشان الحوادث بتاعتها مش حلوة ومبتستحملش خبطه ربنا يكفيك شرها ولو عملت شغل ابقى قلي عشان انا كمان عاوز ازبطها
ميين قاااال !!!!
أمال المواتير ال 2000 سي سي اللي بتتسقطلها دي بتيجي منين !!
بقى ال 128 يتسقطلها 1600 و 1800 ،، و الشاهين تنزل ستوك ب 1600 و ميتسقطلهاش مكن عالي !!!
عيب عليك يا محمد دنتا اجمد من كده في الشاهين !!
مين قال ؟!!
العربية اللي مبتستحملش خبطة دي ،، ما شاء الله عليها ،،
عامل بيها حادثة، مطلع بيها عربيتين "127 و قدامها سكودا فابيا" على الرصيف ،، مطلعهم على الرصيييييف ،، و كنت ماشي على سرعة 80 قبل مفرمل ،، قول على مفرملت ،، كانت سرعتي لا بأس بها ،، و لكن تعجن أي عربية تانية من العربيات الحديثة ،،
رحت اعمل زرجينة الراجل قاللي عربيتك مش عايزة زرجينه من قدام ،، دي عايزة من ورا ،،
أستغربت ،، أتصلت بالحاج ،، قاللي آه مهي اتخبطت مني من شهر ،، عربية بوكس من بتوع الشرطة كبسني من ورا !!
تخيل لما عربيتك ،، اللي انت حافظها ،، تخبطها بوكس من ورا !! و الضرر اللي حصل فيها لا يُذكر لدرجة انك متعرفش تميزه ،، !!!! اما بابا بقى فده حسابه معايا بقى بعدين :E_braces[1]::E_braces[1]:
عامةً العربية بتتعدل و بتبقى جامدة جداً ،،
و أي أستفسارات ممكن اساعدكم فيها ،، ده غير كمان اني أعرف ناس أصدقائي عن طريق النت ،، من تركيا ،، و احد معاه 131 و اخوه معاه 132 و التالت معاه شاهين ،، و واحد تاني كمان معاه شاهين !!
و ال4 معدلينهم ...
عامةً للأخ صاحب الموضوع ،، الاول عربية حضرتك موديل كام !!
ثانياً اعرف ان مفيش مكنة حتتسقط للعربية و تترخص إلا لما تكون "FIAT" لأن عربيتنا موتورها فيات ...
بالنسبة للقديم اللي موتوره دوجان ، ألجديد كله فيات فيات فيات ،، طبعاً كلنا نعرف ان فيه شاهين 1600 أنجيكشان ،،
أضعف الإيمان ان حضرتك تحطه ،، و طبعاً منصحكش ......:36_1_61[1]:
ممكن تدورلك على موتور فيات 2000 سي سي ،، ممكن موتور إلينا و ده تربو ستوك ،، عامةً موضوع المواتير بتاعت الفيات دي كتيره و حتلاقي منها سعات لترية عالية و بتربو ستوك كمان ،،
طبعاً أنجيكشان مش كاربراتير !!
و انا متابع معاك الموضوع ،، و معاك بأي حاجة ممكن اساعدك بيها ،، بس للأسف اعذرني الأيام دي بالذات عشان الامتحانات ،،و الله أخلص أمتحانات و أقولك انا عملت أيه قبل كده ، و ناوي أعمل أيه في اللي عندي ،، و أقولك صحابي كانوا عاملين أيه ...
طبعاً العفشة حتحتاج تعدلها هي كمان،، و للأسف دي أررخخخم حاجة في الشاهين ،، عفشتها ،،
أنا حتى الان مش لاقي مساعدين سبور ،، لقيت يايات كوني سبور ،، عندنا في أليكس ،، ب 2000
جديده مش مستعمله ،،
و طبعاً حنتضر نعدل الفرامل بواحده قطرها أكبر ،، و دي مش حتبقى مشكلة ،، كان في موضوع هنا !!
و ممكن لو انت حتعمل البوليكه دي عند واحد خبرة ،، هو يختارلك تجيب طنابير عربية أيه بظظبط !!
و اللي أعرفه في طقم جاهز بيبتاع طنابير سبور ،، مش المخرمه ،، المخططه ،، الي الطنبور نفسه تلاقي فيه خطوط بميل ...
حتحتاج كمان قبل متسقط الموتور تتاكد ان قواعده تتناسب مع قواعد الموتور القديم .... و دي أول حاجة بتتاكد منها ،،
حكاية تقوية شاسه الموتور حتعتمد على نوع المحرك اللي حتحطه ،، على قوته يعني و سعته اللترية ،، لو حتحط حاجة عالية 2000 مثلاً على طول من غير تفكير حنعمل تقوية للشاسه و حيتصب رصاص على فوارق الشاسيه
حتحتاج سترات بارز ،، عشان تساعدك في تماسك الشاسه اكتر ،، و العربية ككل ...
الجنوط ،، بعد تزويد السعة اللترية للموتور و زيادة القدرة الحصانية ليه ،و تعديل ما يمكن تعديله من العفشة ، مش حتقلقلك أوي ...
ده تقريباً معظم الحاجات اللي حتضطر تلعب فيها و أنت بتغير المكنة ...
طبعاً المكنة حتتسقط بالإيجزوست بتاعها !!
تحياتي للكل ،، و أرجو منك قبول مروري و ردي .!! و آسف للأطالة
السلام عليكم و رحمة الله و بركاته
رجاء لما تسقط الموتور الhp بتاعه عالى , تبقى تشرحلنا عملت ايه بالظبط لأنى عندنا عربية شاهين 1400 مو 1997 بتاع والدتى و ممكن لو الموضوع طلع فى الOk, أبقى أعمله فى عربيتنا الشاهين:F_eyeb1[1]: .
حسام باشا عامل ايه واحشني يا كبير نخش في الخناقه بقا:POINTIy2[2]:
انا قصدي ان هيتسقطلها ماتور وتمام وكل حاجه لكن هتفتح في الشاسيه بعد فتره عشان كدا لازم التعديلات ال انتا ذكرتها فوق دي كلها في شاهين كتير 1600 وتمام وفي متسقطله مواتير 132 ال هيا 2000 سي سي بس مشكله الشاهين انها هتحتاج تعديلات كتير اوي عشان الحوار دا :brn: وعلي فكره ماتور ال1600 ال ستوك ال بينزل فيها جامد جدا وحلو اوي وبينزل ف دوجان طبعا وممكن بالتعديلات فلتر اسبور وبوجيهات سبور وسلوك وتعديل الهيدر وديفيل الأيجزوست كامل يعني تعلي من قدرتها وهيبقا ف المعقول يعني اما بقا لو انتا من هواه التعديل في ممكن تحطلها ماتور فيراري:E_braces[1]: وف مصر محدش بيغلب المشكله كلها ف تعب وكميه التعديلات ال هتعملها وخليك مع زميلنا حسام راجل تمام وبيخدم ومن احسن الناس في المنتدي هنا :F_eyeb1[1]:
انا عربيتي موديل 2001 و 1400 سي سي بس الفكره ان انا عاوذ موتور ال hp بتاعه علي و ميكونش السي سي بتاعه عالي اوي فا انا كنت عاوذ اعرف انواع المواتير الي ينفع يتسقطلها و ال hp بتعها كام و موضوع الشاسيه دا انا عرفه و مش فارق معايه بس الفكره في الموتور هيكون ايه .... و شكرااااا
الله يخليك يا محمد ،، ده من زوقك ...!! http://www.nilemotors.net/Nile/image...ces%5B1%5D.gif حبيبي والله :B4_007:
بالنسبة للهيدرز و البوجيهات و الحاجات دي كده لما بتتحط على الموتور ال 1600 الستوك بتاع الشاهين الجديدة ،، متتوقعش فرق شاسع ،لأن أصلاً الموتور الهورس باور بتاعه مش عالي ..، على فكرة الماتور ده مش أد كده !! و لما كنت بشد أنا و واحد صاحبي هو معاه ال 1600 الأنجيكشان ،،
مطلعش مني ،، تقريباً كان التسارع واحد !! و وصلنا مع بعض ،و كان حرق غيارات على فكرة ،، أحنا الأتنين بنحرق مع بعض على الجير و بننقل على أر بي أم 5000 ، و إليك المفاجأة ،، عربية بولو بتاعت واحدة صاحبتي ،،هي اللي طلعت منه http://www.nilemotors.net/Nile/image...ces%5B1%5D.gifhttp://www.nilemotors.net/Nile/image...ces%5B1%5D.gif
طبعاَ كنت انا اللي سايقها .. بس تخيل عربية 1300 سي سي تطلع من 1600
و أييييه ،، طلععتت طلععتت !! مش هزاار ،، تقريباً انا وصلت للفينيش قبله و ركنت و هو وصل بعديا :POINTIy2[2]::POINTIy2[2]:
عشان كده هي مش بالسعة اللترية أد مهي بالهورس باور ،، من المتعارف عليه ان بزيادة السعة اللترية بيزيد الهورس باور .. و لكن كله في الأخر بيعتمد على الشركة المصنعة ...
أنا من رأي نعرف الأول موديل عربية الراجل كام ..و بعد كده نسأل معاه عن أي موتور فيات 2000 سي سي تربو ،، و ليه نفس مقاسات القواعد ببتاعت الشاهين ..!!
طبعاً قسم الفيات هنا حيظبطنا في حاجة زي كده !! و انا حسأل صحابي اللي من تركيا دول برده عن الموتور و عن الفرامل ،، و العفشة
وسع البساتم احسن ما تدخل فى حورات المكنه والمرور والكلام ده اه مش هيبقى بنفس اداء التسقيط بس بيكون جامد برضه
عفواً ،، زي مقلتلك حسألك صحابي اللي من تركيا دول ،، و من دلوقتي أن شاء الله حعمل موضوع في قسم الفيات ،، و ارد عليك باللينك عشان تتابعه
صدقني ،، ملهوش لازمة ،، و متعععععععب ،، و فتحة و نصبة على الفاضي ،، و لما تطلع عينك في الموضوع ده و قطع الغيار اللي لازم تغيرها "و اللي حيكون ثمنها مقارب أو يساوي ثمن تسقيط مكنة جديدة" تستسهل ورق المرور و تعبه :E_braces[1]:
يا جماعة أنا عايز أوضح حاجة بس ،،
أنا دلوقتي فهمت وجهة نظر صاحب الموضوع ،، هو بيبص صح !! انت بتبص على الهورس باور ،، يكون عالي ،، بس في نفس الوقت بتبص غلط من ناحية السي سي .!!!
لأن مش أي شركة حتلاقيها بتنزل سي سي قليل ب هورس باور عالي غير بي أم ، مرسيدس ، فولكس فاجنز ...
بمعنى أصح ألمااني ،، طبعاً يليه الإيطالي !!
بس هي المشكلة حالياً في المقاسات بتاعت الشاسيه
انا عندي الكاتالوج ،، حدورلك فيه تاني !!
و لو انت تعرف تجيب المقاسات بتاعت الشاسيه و القواعد يبقى عليك نوور ....:colsmil:
http://www.nilemotors.net/Nile/19519...post3873205557
تابع على الموضوع ده و شوف الآراء
الف شكر يا باشا والله و هدورلك علي مقاس الشاسيه و هقولك ... و يا رب صحابك الي في تركيا يكونو عارفين موتور كوايس (= ... و شكراا جداا لتاني مره (=
انا رحت عزبة شلبى من فترة لقيت مواتير فيات ولانشيا كتيير جدا وال1600 و2000 والاسعار واقعة جدا بس المشكلة المواتير دى بتركب بالعرض لعربيات فيات جر امامى كبالن فسالت التاجر ينفع تركب على الشاهين بالطول خصوصا انها على كورونا مش كبالن قالى معرفش الموتور موجود واسال براحتك وتعالى
و ما أتقبلوش ليه يا أخ هوندا !! ده حضرتك قلت الصح و صح الصحح كمان ،،
و أحب أضيف لحضرتك أسماء أخرى ،، زي المايفيك الياباني للأيفولوشان .. و محركات الميتسوبيشي أيفو-تيك
دي كلها محركات لها قدرة حصانية عااالية جداً ،، و أستهلاك قليل للبنزين !!
بس في ردين عايز أقولهم لحضرتك ،، مهماً كااااان ،، الألماني ألماني ،، لا يعلى علييه ،،
ثانياً . زي موضحت قبل كده ،، اننا مربوطين بمحركات الفيات و بس ،، عشان كده لما أخ من الأخوة الأعضاء رجح محرك فولكس على ما أتذكر ،، نبهتهم ،، اننا محتاجين فيات بردو !!
:(((
و شكراً لردك ،، اما لحكاية الموقع ،، اوعدك اني مش حقدر اشوفه حالياً :E_braces[1]: ،، بس أوعدك برده ان شاء الله أخلص أمتحانات و أشوفه :colsmil:
أدعوولي يا شباب ،، امتحاني بكره :brn:...!!! و انا قاعد على النت :I_angr1[1]::I_angr1[1]:،، و الله منا ناافع :POINTIy2[2]: :8954[1]::lurk5:
معلش ىعنى هو انت لم تعوز تساءت تساءت فى شاهين هاهاهاهاهاهاهاهاهاهاهاهاه اهااهاهاهاهااهاهاهاهاهاها هاهاهاهاهاااااااااااااااا ااااااااااااااااااا هموت من الضحكككككككك :) عذرا فى الكلمة موووووووووووووووووووووووو وووووووووووووووووووووووت يااااا حمااااااااار
لو موتور ال132 يركب هوا فظيع فى الجرى بس صوته عالى
هاااي هااي هاااي !! برااحة !! من أول مشاركة ليك كده تخبط في الححلل ؟!! :E_braces[1]:
أيه المضحك اوي ،، مسمعتش عن شاهين متسقطلها موتور !!
و كمان هو مش يتهيقلي برده في 128 بيتسقطلها موتور !! يبقى أيه يمنع أي عربية تانية يتسقطلها موتور ،، لما ال 128 بينزل فيها مواتير :POINTIy2[2]:
ياباشا مالها الشاهين عربيه زي بقيه العربيات يعني هيا الناس تعدل في العربيات ال موديلاتها من سنه 1970 وعند الشاهين حرام:brn:
كل عربيه صاحبها بيشوفها احسن عربيه ودا مفهوش عيب طبعا وكلمه بعيدها تاني ف مصر مفيش حاجه مستحيله ممكن لو سمعت عن عربيه كتكوت ال 131 الراجل كان مسقطلها مكنه 225hp V6 BMW 2500ccوعربيه الناس بتشهدلها لحد دلوقتي
وهيا دماغ ال عاوز يعمل بيعمل
واخيرا في الجوله الاولي من egypt speed challenge
عربيه شاهين كانت الاول علي مجموعتها مع العلم ان باقي المجموعه كله كان بي ام :O_stupid[1]:
ودا كلام الجروب علي الفيس
ضمن المفارقات التي تجدها في فئة الدفع الخلفي, ظهور السيارة الشاهين وسط السيارات الألمانية الفاخرة و في نفس الوقت استطاعت من خلال المتسابق " أحمد حازم " أن تتغلب على موديل M3 و أكثر من سيارة بي أم دبليو خلال اليوم الأول بالرغم من انها مجهزة بالمحرك 1400 سي سي التقليدي مع بعض الإضافات البسيطة و باقة رياضية هيكل محققة زمن 02:06.4 خلال اليوم الأول و زمن 02:02.6 خلال اليوم الثاني بترتيب 20 في فئتها
وممكن تخش علي الفيديو دا وتشوف الشاهين بتعمل ايهLogin | Facebook
المواتير دي شفتها على ويكيبيديا ،، بعد عناء
بص على آخر موتور تحت خالص
ده تقريباً المناسب للشاهين
Displacements
Displacement
(cc) Bore
(mm) Stroke
(mm) 1297 76 71.5 Lancia Beta, Fiat 131 Supermirafiori[citation needed] 1301 76.1 71.5 Lancia Beta[citation needed] 1367 78 71.5 Lancia Beta, Fiat 131 Supermirafiori[citation needed] 1438 80 72 Fiat 124 Special T/Coupe/Spider 1491 78 78 [citation needed] 1585 84 71.5 Fiat 131 Supermirafiori/Argenta/Ritmo 105TC, Lancia Beta/Delta GT/Delta HF 1592 80 79.2 Fiat 124 Special T/Coupe, Fiat 132, Lancia Beta 1581 86.4 67.4 Fiat Tipo/Tempra, Lancia Delta/Dedra 1608 80 80 Fiat 124 Coupe/Spider, Fiat 125 1756 84 79.2 Fiat 124 Coupe/Spider/132/Tipo/Tempra, Lancia Beta/Delta/Prisma 1995 84 90 Fiat Spider 2000/132/Argenta/Strada/Ritmo/Regata/Croma/Tipo/Tempra, Lancia Beta/Delta/Thema
و ادي اللينك
Fiat Twin Cam engine - Wikipedia, the free encyclopedia
مالها الشاهين يا جماعة العربية جامدة بس محتاجة تظبيط عفشة وجنوط مقاس اكبر شوية وبتبقى تحفة
http://img641.imageshack.us/img641/3...7018136364.jpg
http://img20.imageshack.us/img20/805...2266712459.jpg
اللينك ده مفيد جدا وفية معلومة انا اول مرة اعرفها عن مواتير الفيات
all versions of this engine were based on the same core. This meant that boring the cylinders of the block, it could be easily upgraded to a larger size.
Highly versatile, a version of 1.6 liters producing 110 hp
(82 kW), can be tuned to output over 200 .
Both turbocharged and supercharged versions were also offered
اموت في الجر الخلفي
مظبطكم أنا أهو !!
:36_7_4[1]: :w6266d
و هو كمان بيموت فيك :36_7_4[1]:
يعجبني زوقك والله !!
يكفيني لما أجي أدخل منحنى بسرعة عالية و أنا مش دايس بنزين ،، و أفعصص بس دواسة البنزيين و أنا في المنحنى ،، و أحس ان العربية من ورا بتاااااكل في الأسفلت ،، و أتفرج على أحلى باور سلايد :)) :00020140::w6266d
طب اني موتور خلفي و المواتير دي كلها :d:d:d
Lancia Delta S4 1985
Group B Rally
و تتميز بموتور خارق , سعته 1800 سى سى
4 سلندر , و يجمع بين سوبر تشارجر و تربو تشارجر
و قوته تصل الى 550 حصان
و يمكنها أن تصل من 0 الى 100 كم فى 2.5 ثانية
الموتور دا عجبنييي بس يركب عندي ولا لااا ؟؟؟؟ عشان انا خلفي
و دا اللنك
...............................
و الموقع دا بيسبت الكلام ده..................................
معقول الكلام دا سوبر تشارجر وبتوصل 550 حصان دي طيااااااااااااره:what:
وكمان لقيت الموتور دا !! Lancia Rally 037 1982
و يطلق عليها أيضا أسم Abarth 037
و كانت مزودة بمحرك قوته 250 حصان
و سعته 2000 سى سى , سوبر تشارجر
و بيقولو انه خلفي بس عار اتائكد من الموضوع دا يريت اي حد يدور معايا و يقلي انا ماشي صح ولا ايه
سؤال بس : وهو حتى لو كان الموتور دا هايركب انت هاتركبه اصلا !!!!
انا شايف ان انت غاوي شد وجري
فانسب حل انك تبيع الشاهين وتجيب توكتوك حلاوة او دايون وهايكون اسرع من الشاهين ان شاء الله .
ياريت لما تسقط الموتور ال 500 حصان ده تقولي
وشكرااااااااا لوقت سيادتك :cool (1):
فيه حد ميعرفش اللانشيا دلتا إنتجرالي!!!!
دي اخدت الرالي 6 سنين ورا بعض لا تقولي سوباروا ولا بتاع
بس موتورها استحاله تلاقيه لإن العربيه دي بتتباع موديل تسعينات أغلى من عربيات جدبده!!!