الموضوع: ماذا افعل بفرع العبور

المشاركة الأصلية كتبت بواسطة د.أحمد عبد الرحمن

أولا الف مبروك على صيانة ال 10000 وعقبال ما يبقوا 100000 إن شاء الله

ثانيا هدي نفسك شوية المواضيع دي مش بتتاخد بسرعة

فعلا يوم السبت بيبقى يوم مش حلو لانه عامل زي الجمعة معمول للصيانات الخفيفة زي تغيير الزيت والصيانات الدورية دا غير الزحام اللي فيه عشان البلد اجازة

يوم الاحد يوم سيء عشان بيكون اول يوم سمكرة لو حد جاي بعربيته مخبوطة بيكون حاجز على الاحد فملوش لزمة تتزحم مع دول

باقي ايام الاسبوع زي الفل اختار منها اللي انت عايزه
دايما بحب اروح يوم الاثنين او الثلاثاء بيبقوا هوا وكل اللي عايزه بيتعمل

كمان فيه حاجه عايز اقول لحضرتك عليها:

الواحد وهو رايح التوكيل لأول مرة (بتكلم على نفسي) خصوصا بعد متابعة نايل موتورز لفترة طويلة واكتشاف كل حاجه في العربية بيكون رايح حااااااااااااااااامي وحاسس انه عارف كل حاجه وعايزها تتعمل مرة واحدة
انا اختلف من حضرتك انتى تتكلم وانت فى القاهرة وانا اتكلم من اسيوط يعنى 1200كم ذهاب وعودة

انما لاحظ ان كلنا عملنا الكلام ده على مراحل (انا مثلا):

في صيانة ال 5000 ولا عملوا لي حاجه زيادة

في صيانة ال 10000 برضه ولا حاجه علو الدبرياج وخلاص
(بالمناسبة لاحظ ان ال 420 جنيه منهم 250 جنيه زيت من غير ضريبة المبيعات يعني فيهم 275 جنيه زيت + 35 جنيه زيت (10 % مبيعات) = 310 جنيه زيت وفلتر بس

في صيانة 15000 عملوا قطعة البريك بعد ما كانت وصلت اخيرا

في صيانة 20000 عملوا العازل بتاع الحرارة اللي اصلا انا مكنتش بحس ان فيها حاجه
بس اكتشفت عيب في الشكمان كان بيطلع صوت عالي وتم الوعد بتغيير catalytic converter


في صيانة ال 25000 تم تركيب catalytic converter بدون اي تكاليف

في صيانة 30000 اكتشفت ان العربيات المغربي مفيهاش فلتر بنزين وعادي

في صيانة ال 35000 (من اسبوع) تم تغيير حساس الحرارة في الضمان لان السيارة كانت مبتقراش غير شرطتين حرارة طول الطريق

وبرضه بالهداوة كل حاجه بتتحل

اما موضوع البريك بتقول عندة حق هو قال فى الاول بتاخد 7 ساعات فقلتلة ميهمش علشان يخوفنى قلتلة حتى ولو راح قال لا دهى مش موجودة والصنايعية لاتكفى وبعدين دىطريقة يعاملو بيها الغريب حتى ولو مبيعملوش دا من الذوق يتعاملو مع الحالات الحرجة بروح القوانين مش كلة واحد

المشاركة الأصلية كتبت بواسطة medoadel

فرع الصيانة بتاع اسيوط هيفتح امتا ويريحنا من المشوار ده؟؟؟

حتى لو فتح هيبقى انيل من غيرة

والله يا جماعه انا واحد عامل بعربيتى 10 الاف كيلو ورحت التوكيل 3 مرات فى اول الف للاطمئنان و فى صيانه الخمسه والعشره وكان عندى 5 او 6 شكاوى فى العربيه نور التابلوه الفرامل صوت بالتكيف وقوه التكيف نور الفانوس سنتر الشنطه العازل الحرارى كل الامور دى تم علاجها بموضوعيه وبسرعه بكل ادب واحترام بنقاش هادىء الناس هناك زى الفل بس مش ينفع الشد والخناق الكلام بمنطقيه هيتم كل شىء فعلا يوم السبت ده كانه اجازه مجرد لحالات الطوارىء مازعلشى لما يقولى مفيش متخصص تعال اى يوم تانى بالحجز انا مش متحيز بس بحكى بالمانه للى حصل معايه ولا اعرف حد فيهم ولا صاحب حدالعربيه وبكل امانه فيها عيوب تقفيل بسيطه كتير لازم كل واحد يشترى العربيه يتوقع كده ده ميخوفشى المهم بتتعالج ولا لا كل مشاكلى اتعملت وزى الفل ويوم ماتحجزت العربيه باص شيك ودانى وجابنى فى يوم الاستلام مهندس امجد محترم بيجرب معاك العربيه ويشوف العيب بنفسه شوف التوكيلات التانيه فى الموقع بتتعامل ازاى واطمئنان فى الاستلام وتجربه معاك برضه اتمنى انك برضه تلاقى حل لكل مشكلاتك بس اهم شىء الهدوء والتعامل باحترام وكل شىء هيتم باذن الله

الحمد لله قدر الله وماشاء فعل..بس انا عايز استفسر من حاجتين مافهمتهمش...
يعني ايه قطعة البريك اللي حضراتكم بتتكلموا عنها دي؟؟
وايه حكاية عازل الحرارة اللي تحت الدواسة ده
ولكم جزيل الشكر

المشاركة الأصلية كتبت بواسطة modi_show

الحمد لله قدر الله وماشاء فعل..بس انا عايز استفسر من حاجتين مافهمتهمش...
يعني ايه قطعة البريك اللي حضراتكم بتتكلموا عنها دي؟؟
وايه حكاية عازل الحرارة اللي تحت الدواسة ده
ولكم جزيل الشكر

نفس السؤال

بالنسبه لقطعه البريك دى كانت بتتعمل للعربيات اللى قبل شهر 4 2010 عشان كان فيه عضه فى المرشدير وبتتركب تمنع الصوت ده على حساب التوكيل طبعا وكل الجديد اتعالج فيه العيب ده من المصنع اما بالنسبه للعازل الحرارى بعض العربيات كانت بتشتكى من السخونيه جايه من الدواسه والتوكيل كان بيتلافى العيب بتركيب العازل على حسابه لو قفلت وقال مفيش عنده عازل اشتريه مش غالى ابدا والتوكيل يركبه

معلش أنا ليا سؤال هو كل اللوجن فيها مشاكل كده ... يعني العيوب ده مش بيعرفوا يصلحوها في العربية الي بيتنزل موديل السنة ؟
لأني ناوي اجيب لوجان بس العملية كده شكلها تقلق

لأ ياباشا توكل على الله ,,,
والله العربية ده من وجهة نظري افضل عربية في الفئة بتاعتها وبدون اي تحيز , ومع احترامي للعربيات كلها ,,,
سدقني والله مش هتلاقي توكيل انضف ولا افضل من رينو , وإن كان في فعض الملاحظات عليهم
ولكن يبقى هو افضل توكيل , وده كفاية جدا يخليك تشتري السيارة وانت مغمض عنيك

اما بالنسبة للمشاكل الي تم مناقشتها في هذا الموضوع , فهي من اقل المشاكل الى ممكن تتواجد في اي سيارة اخرى
واي موديل اخر من السيارات الجديدة
يا اما بقى لو انت عايز تشتري سيارة مفيهاش اي مشاكل يبقى شخلل جيبك يا حلو وخش على فئات اعلى بكتييير

انا كان لية تجربة بسيطة مع التوكيل في صيانة ال15000 ,,,,,,,, كان عندي مشكلة في المرايا اليمين الكهربة بتاعتها بتعلق
عشان انا كل اما اركب العربية انسى افتحها وبمد ايدي انترها ( عشان هى على سوسته )

المهم قولتلهم في التوكيل على المشكلى " رد قالي امامك ساعتين انشاء الله وهنغير المرايا كلها في الضمان "
وفعلين بعد ساعتين ونص خرجت السيارة وغير المراية اليمين كلها والحمد لله بقت ذي الفل بدون ولا مليم

وانا متأكد لو كان اي توكيل اخر " وعن تجربة مسموعة " كان هيطلع عين العميل في مشكلة ذي ده .

اه اضافة " توكيل العبور عنده خدمة توصيل عملاء رينو لخارج المدينة واحضارهم مرة اخرى مجانا وفي مواعيد مضبوطة 100 100 "