الموضوع: ماذا افعل بفرع العبور

أولا الف مبروك على صيانة ال 10000 وعقبال ما يبقوا 100000 إن شاء الله

ثانيا هدي نفسك شوية المواضيع دي مش بتتاخد بسرعة

فعلا يوم السبت بيبقى يوم مش حلو لانه عامل زي الجمعة معمول للصيانات الخفيفة زي تغيير الزيت والصيانات الدورية دا غير الزحام اللي فيه عشان البلد اجازة

يوم الاحد يوم سيء عشان بيكون اول يوم سمكرة لو حد جاي بعربيته مخبوطة بيكون حاجز على الاحد فملوش لزمة تتزحم مع دول

باقي ايام الاسبوع زي الفل اختار منها اللي انت عايزه
دايما بحب اروح يوم الاثنين او الثلاثاء بيبقوا هوا وكل اللي عايزه بيتعمل

كمان فيه حاجه عايز اقول لحضرتك عليها:

الواحد وهو رايح التوكيل لأول مرة (بتكلم على نفسي) خصوصا بعد متابعة نايل موتورز لفترة طويلة واكتشاف كل حاجه في العربية بيكون رايح حااااااااااااااااامي وحاسس انه عارف كل حاجه وعايزها تتعمل مرة واحدة

انما لاحظ ان كلنا عملنا الكلام ده على مراحل (انا مثلا):

في صيانة ال 5000 ولا عملوا لي حاجه زيادة

في صيانة ال 10000 برضه ولا حاجه علو الدبرياج وخلاص
(بالمناسبة لاحظ ان ال 420 جنيه منهم 250 جنيه زيت من غير ضريبة المبيعات يعني فيهم 275 جنيه زيت + 35 جنيه زيت (10 % مبيعات) = 310 جنيه زيت وفلتر بس

في صيانة 15000 عملوا قطعة البريك بعد ما كانت وصلت اخيرا

في صيانة 20000 عملوا العازل بتاع الحرارة اللي اصلا انا مكنتش بحس ان فيها حاجه
بس اكتشفت عيب في الشكمان كان بيطلع صوت عالي وتم الوعد بتغيير catalytic converter


في صيانة ال 25000 تم تركيب catalytic converter بدون اي تكاليف

في صيانة 30000 اكتشفت ان العربيات المغربي مفيهاش فلتر بنزين وعادي

في صيانة ال 35000 (من اسبوع) تم تغيير حساس الحرارة في الضمان لان السيارة كانت مبتقراش غير شرطتين حرارة طول الطريق

وبرضه بالهداوة كل حاجه بتتحل

المشاركة الأصلية كتبت بواسطة osaa39

ذ هبت اليهم بناء على حجز مسبق من اسيوط للقاهرة يعنى 600كم اليوم السبت الموافق 8/1/2011المهم كان ليا 9 ملاحظات
1- لمبة البيان بتعلق

حط اي كاوتشة على الجزء اللي في الباب اللي بيزق المفتاح اللي عامل زي باب التلاجة
هات اي كاوتشة عجل مدورة من اللي العجلاتي بيلحم بيها الكاوتش وادهنها اسود وانسى الموضوع زي مانا عامل

(رد الباشا المهندس وقال انهاردة السبت مفيش سمكرة )
2- البابين الى ورا بيعلقو
( طبعا رد نفس الرد السابق بدور زيادة او نقصان )

عنده حق فعلا اعمال السمكرة مش موجودة الا من يوم الاحد والمفروض ان ال call center تقولك الكلام ده وحضرتك بتحجز

3-دواسة البنزين بتعلق
(رد قال اشوفهالك ولا عمل شى )

المفروض حضرتك ترجع له ثاني وتصر بهدوء انها تتعمل ولو طلب بيات العربية تبيتها
بس الكلام لو فيها عيب ظاهر فعلا

4-التكيف بينتش قال اشوفة
(موجود كما هو )
جينا للمهم
5- عازل التكيف للحرارة الى تحت الدواسة
(رد البية وقال مش موجودة )
6- قطعة البريك قال دى تاخد 7 ساعات شغل وانا معنديش صنايعية تكفى انهاردة وبعدين لما زنقتة قال مش موجودة

طب وحيعمل ايه وهي مش موجودة فعلا !!!
كنت تقوله عاوز شهادة جودة مكتوب فيها اعمال الفتيس
دي كانت حتخليك تركب قطعة البريك ولو حتى عديت فترة الضمان على حسابهم
لاحظ كمان ان كل اللوجان الجديد مفيهوش عضة الفتيس وبالتالي مش محتاج قطعة البريك



7- الدبرياج عالى الصراحة علشان اكون منصف وطوة
بس رجعت باغلى منهم وعايز اشتكيهم هو رئيس الورشة كان المهندس عمر والتانى مش عارف اسمة
ماذا افعل وانا اخد ا200 كم وسايب شغلى ومصاريف وعلى اية على تغيير زيت 420 جنية الفاتورة
اصل صيانة ال 10000 ب 420
ارجوكم الرد السريع لانى باغلى