-
زيت الفرامل بينقص
السلام عليكم ورحمة الله وبركاته،،،
أنا عندي عربيه هوندا سيفيك 1996 Si موديل
إمبارح كشفت على زيت الفرامل ولقيته ناقص شويه، مع إني زودته للآخر من 3 شهور ونصف بالظبط.
يا ترى هل ده شئ طبيعي بالنسبه لعربيه قديمه زي عربيتي، ولا ده مؤشر إن في حاجه مش مظبوطه؟
واﻷهم، هل المفروض إني أزود الزيت ولا أروح أكشف اﻷول على الفرامل وما أزودش حاجه لحد ما الميكانيكي يفحص العربيه؟
شكراً مقدماً
-
أنا آسف
عربيتي موديل 1993 مش 1996
-
فى الأغلب هتلاقى فيه تسريب فى احدى مساتر العجل, أو فى الماستر الرئيسى, بص على العجل و دخل ايدك بعد الكاوتش و تحسس التسريب و لو فيه تسريب اذا الماستر بتاع العجلة عايز يتغير, أو بص على الماستر الرئيسى, و عموما لازم هتحس بفرق فى الفرامل و هتلاقيها أضعف من المعتاد لأن فيه تسريب و الضغط بيقل.
-
أو الخراطيم اللي ورا مشققة و بتسرب
الأحسن تروح لواحدد بتاع فرامل يشوفهالك
-
لازم تمشى بالترتيب
1 بلاش تزود زيت خالص علشان المفروض ان مستوى الزيت ده مؤشر لمدى تأكل تيل الفرامل يعنى لو الزيت نزل يبقى التيل اتاكل بس المفروض انك تحسه فى البدال او تسمع صوته او على الاقل حتلاقى وقفة العربية مش فى المسافة اللى انت متعود عليها(المسافة طالت)
2 مراجعة الماستر العمومى و الكشف عن التسريب و التاكد ان خزان الزيت قاعدته سليمة و الغطا بتاعه محكم
3 اكسر العجل على الاخر و شوف الخراطيم و الماستر على كل عجلة
4 العجل الخلفى انزل تحت العربية و بص لو فى زيت على الخراطيم او من الماستر
و يستحسن انك تستعين بحد يدوس على بدال الفرامل و العربية دايرة و يدوس كتير و للاخر لحد ما تشوف فين التسريب ان وجد
-
اعتقد ان في تسريب اكشف علي المساتر بالذات الماستر الرئيسي و الخراطيم و ان شاء الله خير
Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzzzzzaaaaaaaaaaaaaaaa For Ever
-
في واحد في أخر جسر السويس اسمه حمادة البلبيسي عند سنترال النزهة الراجل دا احسن واحد بتاع فرامل روحله و هو هيخليلك العربية لما تدوس فرامل مش تقف بس لأ هترجع لورا كمان :p
-
حمادة البلبيسي عند سنترال النزهة الراجل دا احسن واحد بتاع فرامل
-
هو المفروض الزيت يتزود كل اد ايه
-
هو المفروض الزيت فعلا بيتزود كل اد ايه
وهل اغيره كله ولا ازوده
مكتوب في جدول الصيانة انه يتغير كل 30 الف (ماتريكس 2006 )
Content Relevant URLs by
vBSEO 3.6.0 PL2