عبرووووووووووووووني

**rompo10** · 09-01-2011 01:29 AM

ياجماعه عاوز اعرف كل حاجه عن 406 وياريت حد يرد ويعبرني مش زي كل مره

**benmatar** · 09-01-2011 02:16 PM

السلام عليكم،،،
حضرتك بتسأل عن إيه في البيجو 406؟؟؟

**benmatar** · 09-01-2011 02:57 PM

ركبت 3 عربيات بيجو 406 وعاوز أقولك إنها عربية كفاءة بكل المقاييس علما بإني ركبت واستخدمت أنواع وموديلات تانية كتير.. بالنسبة للبيجو 406 هي النسخة المطورة من 405 واللي انتاجها وقف في فرنسا سنة 1996 وبعدها تم انتاج 406 الشكل القديم من 1996 حتى 2000 ومن 2001 ظهر الشكل الجديد لغاية 2006 وبعد 2007 بدء انتاج 407 طبعا 406 أفضل من 405 وأفضل من 407 ومتستغربش وده كلام أكيد.. البيجو 406 ليها موتورين واحد 1600 وواحد 2000سي سي ودول الموجودجين في مصر وبرة مصر مواتير ديزل وحاجات 1800 و 2200 و2400 وغيره. ومنها مصري ألا وهو الشكل الجديد اللي ساعات بيقولوا عليه الكريستالة. هتلاقي فيها كفاءة عمل محرك عالية جدا ومعدل تسارع عالي جدا وتقدر تنافس بيها مواتير البي إم وطبعا متقارنهاش بالياباني والكوري وموتورها 136 حصان مع وجود ثبات واتزان في السرعات العالية وكنت بسافر بيها على طريق القنطرة وبورسعيد بمنحنياته على 200كم بصراحة مريحة في السفر جدا وآمنة بس أنا ضد السرعات المبالغة في شوارعنا المصرية.. الصالون واسع بالنسبة لعربيات كتير من نفس الفئة وتستحمل الأوزان والحمولات في الشنطة الخلفية. الصاج بتاعها ممتاز بالنسبة لمعظم الجديد استهلاكها في الوقود عالي شوية وبالذات داخل المدن والزحام، قطع غيارها معقولة جدا رغم إنك هتلاقيها غالية شوية إزااااااي؟ يعني تيل الفرامل مثلا باشتريه ب 200ج.م انجليزي ماركة بيندكس وبيقعد معايا سنة وأنا استخدامي حوالي 40000كم في السنة ومعظمه طرق سفر. كنت في الياباني بشتتريه ب 60-70ج.م وبيتغير كل 3 شهور يبقى أيهما أفضل؟؟؟ العربية دي فراملها abs و ebd وفيها 2 إيرباج أمامي وطبعا جميع الكماليات التقليدية زي التكييف ومرايا وزجاج كهربي وسنتر وغيره... وفيها تحكم في الراديو كاسيت سي دي من خلف الطارة... العربية دي في الجري حكاية وفي الارتفاع معقولة مش فاكر إنها حكت مني غير لو أنا اللي نايم ولبست مطب وطبعا شاسيه قوي ووزنها محترم... عشان أنصحك لله أقولك عربية ممتازة بس لازم كل قطع غيارها تكون أصلي أصلي أصلي original فرنساوي أو تلاقي انجليزي أو ايطالي.. الناس ممكن تخوفك من الفتيس وهقول ليك إني جربت فيها كل المشاكل وأنصحك متجيبش موديل 2001 ولا 2002 لو هتجيب هات 2004-2005-2006 كفاءة وبرستيج وشياكة واحترام وفيهم تلاقي حاجات روعة ومرايا تعتيم ومرايا ضم وحساسات مطر وشغل عالي والموتور بتاعهم بيسمه الموتور الأبيض أو الفضي ده فتيسه معدل وعربيات لو أخدتها سليمة مش هتركب غيرها، وعلى العموم الفتيس بتاع الموتور الأسود القديم بيتفك ويتغرله شوية حاجات زي البلوف وممكن الكلتشات والستيبر وتبقى تمام أو بيجيوا فتيس 2004 أو 2005 ويركبوه... أنا أنصحك بيها لو هتركب وتسافر وطرق سريعة بس لو استخدامك بسيط وطرقك داخل المدينة هيكون استهلاك البنزين عالي شوية... العربية دي بجد ممتازة ويارب أكون نفعتك ولو بالقدر اليسير وقبل ما أنسى أرجوك متروحش لوجيه أباظة إطلاقا ولا مركز الجيزة اللي في أول الهرم.. وعندك غيرهم ألف واحد زي أحمد عمارة في مصر القديمة وهو مركز معتمد بس غالي شوية في المصنعيات وعند واحد الكل بيشكر في في جسر السويس ومعروف واسمه الحاج محمد وعندك الحاج حامد في امبابة عند مستشفى الحميات وسمعت ناس بيشكروا في وهدان بس مجربتوش.. والعربية دي هتلاقي أسعارها معقولة اليومين دول... والسلام عليكم

**pharonicking** · 09-01-2011 04:05 PM

كلام جميل جدا حببتنى فى العربية

**م.احمد زكريا** · 10-01-2011 11:12 AM

المشاركة الأصلية كتبت بواسطة benmatar

ركبت 3 عربيات بيجو 406 وعاوز أقولك إنها عربية كفاءة بكل المقاييس علما بإني ركبت واستخدمت أنواع وموديلات تانية كتير.. بالنسبة للبيجو 406 هي النسخة المطورة من 405 واللي انتاجها وقف في فرنسا سنة 1996 وبعدها تم انتاج 406 الشكل القديم من 1996 حتى 2000 ومن 2001 ظهر الشكل الجديد لغاية 2006 وبعد 2007 بدء انتاج 407 طبعا 406 أفضل من 405 وأفضل من 407 ومتستغربش وده كلام أكيد.. البيجو 406 ليها موتورين واحد 1600 وواحد 2000سي سي ودول الموجودجين في مصر وبرة مصر مواتير ديزل وحاجات 1800 و 2200 و2400 وغيره. ومنها مصري ألا وهو الشكل الجديد اللي ساعات بيقولوا عليه الكريستالة. هتلاقي فيها كفاءة عمل محرك عالية جدا ومعدل تسارع عالي جدا وتقدر تنافس بيها مواتير البي إم وطبعا متقارنهاش بالياباني والكوري وموتورها 136 حصان مع وجود ثبات واتزان في السرعات العالية وكنت بسافر بيها على طريق القنطرة وبورسعيد بمنحنياته على 200كم بصراحة مريحة في السفر جدا وآمنة بس أنا ضد السرعات المبالغة في شوارعنا المصرية.. الصالون واسع بالنسبة لعربيات كتير من نفس الفئة وتستحمل الأوزان والحمولات في الشنطة الخلفية. الصاج بتاعها ممتاز بالنسبة لمعظم الجديد استهلاكها في الوقود عالي شوية وبالذات داخل المدن والزحام، قطع غيارها معقولة جدا رغم إنك هتلاقيها غالية شوية إزااااااي؟ يعني تيل الفرامل مثلا باشتريه ب 200ج.م انجليزي ماركة بيندكس وبيقعد معايا سنة وأنا استخدامي حوالي 40000كم في السنة ومعظمه طرق سفر. كنت في الياباني بشتتريه ب 60-70ج.م وبيتغير كل 3 شهور يبقى أيهما أفضل؟؟؟ العربية دي فراملها abs و ebd وفيها 2 إيرباج أمامي وطبعا جميع الكماليات التقليدية زي التكييف ومرايا وزجاج كهربي وسنتر وغيره... وفيها تحكم في الراديو كاسيت سي دي من خلف الطارة... العربية دي في الجري حكاية وفي الارتفاع معقولة مش فاكر إنها حكت مني غير لو أنا اللي نايم ولبست مطب وطبعا شاسيه قوي ووزنها محترم... عشان أنصحك لله أقولك عربية ممتازة بس لازم كل قطع غيارها تكون أصلي أصلي أصلي original فرنساوي أو تلاقي انجليزي أو ايطالي.. الناس ممكن تخوفك من الفتيس وهقول ليك إني جربت فيها كل المشاكل وأنصحك متجيبش موديل 2001 ولا 2002 لو هتجيب هات 2004-2005-2006 كفاءة وبرستيج وشياكة واحترام وفيهم تلاقي حاجات روعة ومرايا تعتيم ومرايا ضم وحساسات مطر وشغل عالي والموتور بتاعهم بيسمه الموتور الأبيض أو الفضي ده فتيسه معدل وعربيات لو أخدتها سليمة مش هتركب غيرها، وعلى العموم الفتيس بتاع الموتور الأسود القديم بيتفك ويتغرله شوية حاجات زي البلوف وممكن الكلتشات والستيبر وتبقى تمام أو بيجيوا فتيس 2004 أو 2005 ويركبوه... أنا أنصحك بيها لو هتركب وتسافر وطرق سريعة بس لو استخدامك بسيط وطرقك داخل المدينة هيكون استهلاك البنزين عالي شوية... العربية دي بجد ممتازة ويارب أكون نفعتك ولو بالقدر اليسير وقبل ما أنسى أرجوك متروحش لوجيه أباظة إطلاقا ولا مركز الجيزة اللي في أول الهرم.. وعندك غيرهم ألف واحد زي أحمد عمارة في مصر القديمة وهو مركز معتمد بس غالي شوية في المصنعيات وعند واحد الكل بيشكر في في جسر السويس ومعروف واسمه الحاج محمد وعندك الحاج حامد في امبابة عند مستشفى الحميات وسمعت ناس بيشكروا في وهدان بس مجربتوش.. والعربية دي هتلاقي أسعارها معقولة اليومين دول... والسلام عليكم

ربنا يطمن قلبك يا شيخ

**rompo10** · 10-01-2011 07:46 PM

شكرا علي الرد ياباشا بس ياريت اعرف اسعار 2004 مثلا

**benmatar** · 13-01-2011 10:11 AM

السلام عليكم
آسف على التأخير أسعار 2004 لو حاجة تمام ومعنى تمام انها فابريقة وصالون محترم وموتور ستاندرد وفتيس سليم تكون من 78 الف إلى 85 الف وشكرا

**rompo10** · 14-01-2011 05:51 PM

طيب مفيش حد عنده فكره عن اسعار اي قطع غيار

**smsm_nabawy** · 17-01-2011 03:08 PM

المشاركة الأصلية كتبت بواسطة benmatar

ركبت 3 عربيات بيجو 406 وعاوز أقولك إنها عربية كفاءة بكل المقاييس علما بإني ركبت واستخدمت أنواع وموديلات تانية كتير.. بالنسبة للبيجو 406 هي النسخة المطورة من 405 واللي انتاجها وقف في فرنسا سنة 1996 وبعدها تم انتاج 406 الشكل القديم من 1996 حتى 2000 ومن 2001 ظهر الشكل الجديد لغاية 2006 وبعد 2007 بدء انتاج 407 طبعا 406 أفضل من 405 وأفضل من 407 ومتستغربش وده كلام أكيد.. البيجو 406 ليها موتورين واحد 1600 وواحد 2000سي سي ودول الموجودجين في مصر وبرة مصر مواتير ديزل وحاجات 1800 و 2200 و2400 وغيره. ومنها مصري ألا وهو الشكل الجديد اللي ساعات بيقولوا عليه الكريستالة. هتلاقي فيها كفاءة عمل محرك عالية جدا ومعدل تسارع عالي جدا وتقدر تنافس بيها مواتير البي إم وطبعا متقارنهاش بالياباني والكوري وموتورها 136 حصان مع وجود ثبات واتزان في السرعات العالية وكنت بسافر بيها على طريق القنطرة وبورسعيد بمنحنياته على 200كم بصراحة مريحة في السفر جدا وآمنة بس أنا ضد السرعات المبالغة في شوارعنا المصرية.. الصالون واسع بالنسبة لعربيات كتير من نفس الفئة وتستحمل الأوزان والحمولات في الشنطة الخلفية. الصاج بتاعها ممتاز بالنسبة لمعظم الجديد استهلاكها في الوقود عالي شوية وبالذات داخل المدن والزحام، قطع غيارها معقولة جدا رغم إنك هتلاقيها غالية شوية إزااااااي؟ يعني تيل الفرامل مثلا باشتريه ب 200ج.م انجليزي ماركة بيندكس وبيقعد معايا سنة وأنا استخدامي حوالي 40000كم في السنة ومعظمه طرق سفر. كنت في الياباني بشتتريه ب 60-70ج.م وبيتغير كل 3 شهور يبقى أيهما أفضل؟؟؟ العربية دي فراملها abs و ebd وفيها 2 إيرباج أمامي وطبعا جميع الكماليات التقليدية زي التكييف ومرايا وزجاج كهربي وسنتر وغيره... وفيها تحكم في الراديو كاسيت سي دي من خلف الطارة... العربية دي في الجري حكاية وفي الارتفاع معقولة مش فاكر إنها حكت مني غير لو أنا اللي نايم ولبست مطب وطبعا شاسيه قوي ووزنها محترم... عشان أنصحك لله أقولك عربية ممتازة بس لازم كل قطع غيارها تكون أصلي أصلي أصلي original فرنساوي أو تلاقي انجليزي أو ايطالي.. الناس ممكن تخوفك من الفتيس وهقول ليك إني جربت فيها كل المشاكل وأنصحك متجيبش موديل 2001 ولا 2002 لو هتجيب هات 2004-2005-2006 كفاءة وبرستيج وشياكة واحترام وفيهم تلاقي حاجات روعة ومرايا تعتيم ومرايا ضم وحساسات مطر وشغل عالي والموتور بتاعهم بيسمه الموتور الأبيض أو الفضي ده فتيسه معدل وعربيات لو أخدتها سليمة مش هتركب غيرها، وعلى العموم الفتيس بتاع الموتور الأسود القديم بيتفك ويتغرله شوية حاجات زي البلوف وممكن الكلتشات والستيبر وتبقى تمام أو بيجيوا فتيس 2004 أو 2005 ويركبوه... أنا أنصحك بيها لو هتركب وتسافر وطرق سريعة بس لو استخدامك بسيط وطرقك داخل المدينة هيكون استهلاك البنزين عالي شوية... العربية دي بجد ممتازة ويارب أكون نفعتك ولو بالقدر اليسير وقبل ما أنسى أرجوك متروحش لوجيه أباظة إطلاقا ولا مركز الجيزة اللي في أول الهرم.. وعندك غيرهم ألف واحد زي أحمد عمارة في مصر القديمة وهو مركز معتمد بس غالي شوية في المصنعيات وعند واحد الكل بيشكر في في جسر السويس ومعروف واسمه الحاج محمد وعندك الحاج حامد في امبابة عند مستشفى الحميات وسمعت ناس بيشكروا في وهدان بس مجربتوش.. والعربية دي هتلاقي أسعارها معقولة اليومين دول... والسلام عليكم

ما شاء الله !! أنت فصصتله كل حاجة

ده لو الحاج بيجو نفسه مكنش حيقول كل حاجة بالتفصيل كده

، تسللم