الموضوع: هل تفضل العدادات ذات المؤشر أم الديجتال ؟

الهوندا سيفيك الجديد شكله رائع بصراحه

بفضل اجزاء واجزاء
مثلا ال rpm انالوج عاي
اما السرعة والبنزين والحرارة ديجيتال

الانالوج بتحسسك بالعربية اكتر من الديجيتال

أفضل إن يكون فيه أجزاء كدة و أجزاء كدة يعنى شوية تكنولوجيا على شوية قديم

انا بصراحة بحلم انى اركب عربية فيها عداد تصميمة غريب شوية هو ممكن ميكنش فى اتصمم ولا اطبق بس مفيش حاجة بعيدة ممكن اشوفة فى يوم من الايام
بصوا بقى العداد دة عامل ازاى :

اولا العداد كلة عبارة عن شاشة ديجيتال ومع فتح الكونتاك والتدوير الشاشة بتشتغل زى اى شاشة وبيكون عداد السرعة والار بى ام على شكل جرافيك يعنى هيكون عداد مؤشر بس رسمة بالظبت زى لعبة كاربون واندر جراوند وطبعا عداد الحرارة والبنزين رسمة مؤشر وفية جزء كدة زى مربع فية عداد الكيلو متر وعداد الرحلات ارقام ديجيتال طبعا ويكون فى كذا اختيار لأشكال الشاشة والعدادات ونور الخلفية وطبعا ظبت الاضاءة والحاجات دى يعنى تقدر تقول كأنة عداد عادى بس كا شكل لاكن هو شاشة

وطبعا الطرقة دى ممكن يكون ليها عيوب يعنى مثلا لو انت الصبح وضوء الشمش جى على التابلوة مش هاتشوف حاجة فى الشاشة بالظبط زى شاشة الموبايل
هتكون حساسة جدا يعنى ممكن تبوظ من اى خبطة خطأ
وممكن بقى تركن العربية فى مكان مشمس وحر وترجع تركب العربية تلاقى العداد سايح على بعض من اشعة الشمس والحرارة

معلش انتم طبعا زمانكم بتتحكوا عاليا بس بجد وانا بلعب كاربون بحلم انى يكون عندى عربية كدة


اما بالنسبة للموضوع فأنا هختار عداد الرعة والار بى ام مؤشر وباقى البيانات كالحرارة والبنزين ولمبات التحظير وعداد الكيلومترات وعداد الرحلات ديجيتال

مش فارق معايا ديجتال ولا لأ

الأهم عندي إنه يكون في مكان أقدر اشوفه كويس لأن معظم السيارات اللي ركبتها العداد بيكون مستخبي وراء الدريكسيون

وما أقدرش أشوف العداد إلا لو نزلت رأسي ودي حاجة غبية جدًا إنهم ما بيراعوش إن في ناس طويلة