ياريت تسعدونى فى لانسر موديل 1997 خليجى .

**mohraga2y** · 09-01-2011 05:47 AM

يا جماعه انا معروض عليا لانسر موديل 1997 خليكى 4 ازاز كهربا واوتوماتيك وفتحه سقف وتكييف وسنتر وباور ياريت عرف منكم سعرها فى حدود كام وانطباعكم عن العربية دى وشكلها زى الكرستالة ولا شكل تانى شكرا ليكم .

**FunnyMickey** · 09-01-2011 07:53 AM

ماهيا ال97 كريستاله اه
بس الشبكه الرفيعه مش العريضه

بالنسبه للسعر
من 40 ل45 حسب الحاله
مش حتعدي كده

**FunnyMickey** · 09-01-2011 12:40 PM

ايه كريستاله جامبو دي
معرفهاش والله
بس فعلا ال97 مش حتزيد عن كده
قول مثلا عشان فتحه سقف حتزيد اد ايه

بيني وبينك انا لو زبون وبفكر اشتري ولقيت 97 و99 والسعر قريب حاخد ال99
لان الفرق مش حيزيد عن 5000 اكيد

لو حالتها نضيفه وشاذه اكيد حيطلب فيها اللي هوا عاوزه وحيجيله
بس تفتكر 50 مثلا ويجيله ؟؟؟

اعتقد صعب

**FunnyMickey** · 09-01-2011 01:32 PM

الاوتو كويس ولا فيه مشاكل ولا حاجه
يعيبه قله سحبه عشان الموتور 1300

لازم تكشف عالعربيه كويس
وتقلل في السعر لان العربيه حتتكلف دهان جوالي 2000 جنيه
وتجديد رخصه ونقل ملكيه حوالي بردو زيهم
فمينفعش 45 دي بصراحه
الا لو حاله العربيه متتسابش بقي
وياريت نعرف العربيه ماشيه اد ايه
واخبار الدواخل ايه
متبهدله كويسه
عفشه اصوات
يعني سقتها ولا شفتها بس

**M.Elgergawy** · 09-01-2011 04:49 PM

المشاركة الأصلية كتبت بواسطة mohraga2y

انا عرفت ان مفيهاش فتحه سقف ولسه مسقتهاس وماشية فى حدود ال 200000 لسه هشوفها بعد ساعه واكيد هكتبلكو.

يعني مفهاش فتحت سقف وعايزة دهان وعاملة 200 الف ك وموديل 97
يبقى آخرها 40 41 الف بالكتير اوي
لان اكيد العفشة والموتور فيهم شغل
دول 200 الف كم

**FunnyMickey** · 10-01-2011 01:38 AM

انا لو منك ولا ادفع فيها فلوس اصلا
كل الحسابات خسرانه
شوف حاجه 99 -2000 انضف
اهو علي الاقل ممكن تدفع 7 8 الالاف جنيه زياده ماشي
انما حتاخد حاجه تقعد معاك

مش حاجه تفضل فاتحه بقها
ده 200 دي الله اعلم بقي بعفشتها علي رأي ابو زياد
ده انا عربيتي كانت 160 الف وصارف عالعفشه 2500 جنيه
يبقي دي حيتعمل فيها ايه

لا انا اشوف حاجه 99 تعملها من 47 50 بالكتير لو نضيفه
وانقنق فيها بقي لو فيها حاجه

انما المبلغ اللي هوا طالبه ده صراحه كتير ومش عارف علي ايه يعني
فين الميزه اللي تخليني ادفع 45 الف