أول حادثة ليا

**baset** · 10-01-2011 12:42 PM

المشاركة الأصلية كتبت بواسطة tamer61

أولا و أخيرا حمدا لله على سلامتك و فداك مليون جنط و كاوتش و ربنا يريحنا من الأشكال المؤذيه دي.

الكاوتش ده موجود في السوق لأن واحد بتاع كاوتش قالي إنه موجود عادي و عموما سعره من 275 إلي 325 جنيه "بصراحه مش فاكر الرقم بالضبط" و الحمد لله إنها جت على آد كده.

طيب تفتكر حضرتك أجيب فردة جديدة من نفس النوع اللي الغربية نازلة بيه ولا أجيبها ياباني مثلاً أفضل ؟؟

**gebreel** · 10-01-2011 02:03 PM

المشاركة الأصلية كتبت بواسطة baset

طيب تفتكر حضرتك أجيب فردة جديدة من نفس النوع اللي الغربية نازلة بيه ولا أجيبها ياباني مثلاً أفضل ؟؟

باشا انت عامل بالعربية كام الف؟ لو قربت من ال40000 دور على اي فردة في الرخيص تكون نفس النقشة و بعدين غير ال 4 ببريدجستون لو تقدر

**tamer61** · 10-01-2011 02:49 PM

المشاركة الأصلية كتبت بواسطة gebreel

باشا انت عامل بالعربية كام الف؟ لو قربت من ال40000 دور على اي فردة في الرخيص تكون نفس النقشة و بعدين غير ال 4 ببريدجستون لو تقدر

إقتراخ جميل جدا و عملي و حتى لو لسا بدري على تغيير الكاوتش هات فرده تكون نفس النقشه رخيصه و خليها إستبن.

**baset** · 10-01-2011 06:22 PM

المشاركة الأصلية كتبت بواسطة gebreel

باشا انت عامل بالعربية كام الف؟ لو قربت من ال40000 دور على اي فردة في الرخيص تكون نفس النقشة و بعدين غير ال 4 ببريدجستون لو تقدر

بس أنا عامل 3000 كيلو - يعني إيه الصح ؟

**gebreel** · 10-01-2011 06:28 PM

المشاركة الأصلية كتبت بواسطة baset

بس أنا عامل 3000 كيلو - يعني إيه الصح ؟

لو كدة يا باشا يبقى هات فردة نفس النقشة و استعدل الجنط ده و خليه استبن و خلاص لأن لسة بدري قوي على تغيير الكاوتش

**baset** · 11-01-2011 12:34 AM

المشاركة الأصلية كتبت بواسطة m_rehawy

طيب حضرتك ساكن فين علشان نعرف نوصفلك اقرب سكة.
وعموما لو تعرف توصل لغاية محطة مترو انفاق المطرية يبقى انت كده وصلت ولو سألت هناك الف مين هيدلك.

ساكن في حلوان ياباشا واخوك جاهل بشدة في الطرق

يعني لازم وصفة بالتفشيل الممل

**M_Rehawy** · 11-01-2011 05:34 AM

المشاركة الأصلية كتبت بواسطة baset

ساكن في حلوان ياباشا واخوك جاهل بشدة في الطرق

يعني لازم وصفة بالتفشيل الممل

حلوااااان

ربنا يكون في عونك المشوار ده هيبقى علقة.
بص السكة اللي اعرفها من حلوان هي انك تاخد كورنيش النيل لغاية لما تعدي كوبري الملك الصالح وبعد ما تنزل منه خليك في اليمين واسأل ازاي تخش شارع القصر العيني.
لما تدخله خليك ماشي فيه طوالي لغاية ميدان التحرير وبعدين كمل تاني كأنك رايح ناحية المتحف المصري.
كده كوبري اكتوبر هيبقى قدامك بعد حاجة بسيطة اوي وهتلاقي 3 مطالع يمين اوي وشمال اوي وفي مطلع بينهم تحس انه مستخبي كده وده اللي انت المفروض تطلعه(لو هتسأل تسأل على المطلع اللي يوديك مصر الجديدة).
لما تطلع الكوبري تخليك ماشي لغاية لما تعدي الحتة بتاعة الكوبري المعلق واول نزلة يمين بعديه تنزلها وتخليك ماشي علطول هتلاقي مترو الأنفاق على يمينك لغاية لما توصل لقصر القبة برضه تفضل مكمل جنب سور المترو لغاية لما تلاق كوبري في وشك ما تطلعوش وخليك من جنبه وتفضل برضه ماشي علطول هتدخل شارع اسمه ترعة الجبل والشارع ده تاخده للآخر وبعد كده تسأل ازاي اوصل محطة مترو المطرية.
طبعا الطريق طويل جدا وهيبقى زحمة اوي لو فكرت تروحه بالليل والافضل انك تروحه الساعة 10 الصبح مثلا وممكن برضه يبقى في طريق افضل لكن انا ماعرفش فياريت لو فيه حد يعرف يقول.

**M_Rehawy** · 11-01-2011 05:54 AM

برضه خلي بالك فيه حته في الكورنيش قبل كوبري الملك الصالح هتلاقي نفسك مضطر تمشي فيها يمين اجباري مش هينفع تكمل علطول هتمشي مع الخط الأحمر زي الصورة (للأمانة مش متأكد اذا كانت الحته دي عكسي ولا لأ)وبعد حاجة بسيطة هتلاقي سبعة تدخل الشمال علشان ترجع على الكورنيش تاني.

Uploaded with ImageShack.us

-

-

الموضوع: أول حادثة ليا

LinkBack

أدوات الموضوع

عرض

-

-

-

-

-

-

-

المواضيع المتشابهه

ما بعد حادثة

حادثة bmw ...!!!

حادثة!!!!!!!!

مجرد حادثة من ألف حادثة لكن تجلى فيها كل التخلف

حادثة

الكلمات الدلالية لهذا الموضوع

المفضلات

المفضلات

ضوابط المشاركة