الموضوع: بدائل قطع الغيار و استغلال التجار

الواحد اتعلم انو يفك الحاجة اللي محتاجة تتغير من العربية و ينزل على بتوع قطع الغيار يعمل نفسو مش عارف بتاعة عربية ايه و يقلهم عاوز زي دي

المشاركة الأصلية كتبت بواسطة mohm2000

السلام عليكم ورحمة الله وبركاته
انا يا شباب اللي كان طناني معايا اخوكم محمد رجب والعربية بتاعتي اوبل فيكترا 2000سي سي موديل 2001 وطبعا الميكانيكي انا روحت له بناء على كلام طناني معايا فتوكلت على الله وروحت له المهم انا كنت محتاس جدا فربنا ارسل ليا طناني يوم ما كنا راحيين نشتري قطع الغيار وهو كان راجع من مطروح في نفس اليوم الراجل ما تاخر معايا وطبعا قبل ما يجي كنا سالنا بالتليفون على اسعار عمره المكنة كاملة عند سرور وعواد وامريكانا ستارز المهم سمعت اسعار خياليه وكان وشي اصفر واخضر من الاسعار اللي بسمعها من التجار فوجدت التالي
سعر طقم البستم عند امريكانا ستارز 1750 جنيه الماني بدون ماركة معروفة
سعر طقم البستم عند عواد 1500 جنيه الماني بدون ماركة معروفة
سعر طقم البستم عند سرور محمد طناني جاب سعره 1400 جنيه الماني غير معروف الهوية
سعر طقم السبيكة عند امريكانا ستارز 400 جنيه وعند عواد 375جنيه
سعر طقم الجوان عند امريكانا ستارز 600جنيه
سعر طقم الصباب 16 صباب عند امريكانا ستارز 600جنيه
المهم لما محمد طناني جاء ليا وشرفني ووصل ليا عند الميكانيكي روحنا لابو الحسن الموجود في شارع مرور بين السرايات واخذنا معانا بستم قديم ووجدنا الاسعار زي ما محمد كتابها في الاول وبعدين روحنا عند المنير اللي موجود في اول فيصل فوجدنا عنده الاسعار زي ما محمد قال بس المهم ان المحلات دي كلها بتاع دايو واللي كنا بنسال عليه قطع غيار دايو ليجانزا لان هي هي نفس ماكينة الاوبل الاكو تك ومحدش من اي محل كان بيعرف انا احنا بنسال على قطع غيار الاوبل هي العربية دايو اليجانزا لان هي الماكنة واحدة ولما جبت الحاجة من عند المنير جبت من عنده طقم بستم جي ام محفوره عليه 450 جنيه
وجبت من عنده طقم سبيكه 175 جنيه ومكتوب عليه انه بتاع اوبل
جبت من عنده طقم صباب 325 جنيه وتم ارجاعه لان الخراط قال ليا ان القديم كويس بتاع بلادها احسن من الجديد بس القديم عاوز طقم جلب كاوتش صباب قولت له مع طقم الجوان فشافه قال ليا هيخلي العربية تدخن فقال ليا روح اشتري طقمين كوتش صباب بتاع عربية جولف 6مم الماني فروحت واشتريت الطقمين 110 جنيه من واحد قريب من الخراط
جبنا طقم الشمبر من عند المنير 175 جنيه
طلمبه مياه 165 جنيه
بس ما لقيت عنده طرمبه الزيت وكان مواعدني انه يجبها النهارده ما جبها فقال ليا روح هاتها من التوفيقية فروحت التوفيقية ولفيت هناك لما استويت وبعد لف ودخول كذا محل فوجدت ولد شباب صاحب محل قطع غيار قال ليا روح هاتها من عند البنا واذا ما لقيتها عنده هات بتاع الاوبل فيكترا من عند سرور بس هتلاقيها سعرها زايد 400 جنيه عنده قولت له هي بتاع الاوبل فيكترا تركب على ليجانزا قال ليا هي الماكنة واحدة وقطع الغيار هي هي قولت الحمد الله فروحت للبنا ولقيت عنده طرمبة الزيت اصلي جي ام محفورة على الطرمبة وجبتها 700جنيه وطقم الجوان الكوري 180 جنيه
فرجعت للشاب ده تاني قولت له عندك سير الكتينه وسير الدينمو الماني بعتني لواحد اسمه الهواري روحت له وبعد مداولات معاه جبت سير الدينمو انجليزي 60جنيه وسير الكتينة 75 جنيه ياباني والحمد الله طلع زي بتاعها لان لما رجعت للمكانيكي قاسهم وقال ليا ميه ميه مضبوطين تمام قولت الحمد وشاف الطرمبة قال ليا ممتازة ما شاء الله قولت الحمد الله وانا مروح قولت اعدي على المنير ارجع طقم الصباب اللي الخراط قال ليا القديم احلى رجعته وجبت من عنده فلتر زيت جي ام واخذ مني 15 جنيه ثمن الفلتر وسالته على فلتر الهواء قال ليا 25جنيه وان شاء الله بعد ما اخلص العربية هعمل لكم تقرير كامل عنها بس ادعو ليا تعدي على خير ان شاء الله ..............

الله ينور عليك
و يارب يخلص الموضوع زى ما انت عايز و احسن

العفو على ايه