الموضوع: عملت صيانة الـ 5 آلاف للإيفـو

المشاركة الأصلية كتبت بواسطة prince93

بعيد عم الموضوع نفسه، دة ممكن نبقى نشوف له حل ، دة لو طلع انهم ادوك العربية اللى كان فيها البكرة مكسورة.. بس حضرتك نفسك مش واثق..
المهم، هو الصوت دة انا سمعت انه عادى فى العربيات الفيات فى المرشيدير بس.. دة فى المانيوال، حله ايه ؟ ، بيقولوا تدوس على الدبرياج لمدة ثانيتين و بعد كدة تنقل عادى مش حيحصل اى صوت
بما ان الديوال لوجيك هو عبارة عن مانيوال بطريقة اوتوماتيك
فأعتقد ، ان انت قبل ما تجيب المارشيدير ، ممكن تصبر لحد اما العربية تقف خالص، او (انا مش عارف النقل فى الديوالوجيك ازاى ، من الpaddle shifters و لا من الفتيس) ، بس اللى فهمته انك بتدوس فرامل فى النقلات العادية ، لمسة بس عشان يفهم انك عايز تنقل
فممكن انت تدوس فرامل قبل ما تجيب المارشيدير و تصبر ثانيتين و بعد كدة تجيب المارشيدير
او ، عامة، الحاجة اللى بتوصل الدبرياج فى العربية، او بتوصل الاسطوانة، تديها وقت ثانيتين و بعد كدة تنقل ..

أنا فعلا مش متأكد لغاية دلوقت ان العربيتين واحد
بس حتى لو مش هي، البكرة اللى اتكسرت دي، اتحملها انا ليه؟؟ وكمان مش اللي اتكسرت بس ! لأ هي وباقي لوحة المفاتيح كمان

وبالنسبة للفيتيس
انت مابدوسش فرامل خالص
هو زي الأوتوماتيك العادي بالظبط، بس الفرق انه بيستجيب لطريقة سواقتك حتى لو اختلفت من دقيقة لدقيقة تانية
بمعنى آخر، على حسب مودك، بتشد وتحرق، تلاقي السرعة بتتغير على لفات محرك عالية (5 لـ 6.5 آر بي إم)
ماشي بهدوء، تتغير في الوضع الطبيعي (2.5 لـ 3.5 آر بي إم)
وهي ماحصلتش في المارشيدير معايا خالص

time out يا باشا اولا اسف على عدم الرد على الموبايل ... كنت بستحمى
و يا باشا البكره اللي كانت بايزه هي بتاعت تغيير اتجاه الهواء
اللي هي على اليمين في الصوره ... ف مش نفس العربيه يا باشا .. مجرد علشان تطمن ... بس متسبش التوكيل و قلو وقعت لوحدها ... اخربها لان ممكن تكون برده متلزقه و جرب Uho في اللزق بس علشان الايام ديه :)

المشاركة الأصلية كتبت بواسطة moh.aboelkheir

time out يا باشا اولا اسف على عدم الرد على الموبايل ... كنت بستحمى
و يا باشا البكره اللي كانت بايزه هي بتاعت تغيير اتجاه الهواء
اللي هي على اليمين في الصوره ... ف مش نفس العربيه يا باشا .. مجرد علشان تطمن ... بس متسبش التوكيل و قلو وقعت لوحدها ... اخربها لان ممكن تكون برده متلزقه و جرب Uho في اللزق بس علشان الايام ديه :)

د/ محمد
نعيما ياباشا
بس انت كده قلقتني زيادة
يعني في احتمال ان التانية تتكسر كمان، أو تكون أصلا ملزوقة

قولي كده ،، تفتكر انت اتفرجت على العربية دي امتى ؟ أنا عارف انك كنت عامل موضوع بخصوص العربية دي بس مش قادر ألاقيه

أنا إفراج الجمرك بتاع عربيتي كان 08/11 وأنا استلمت العربية 11/11

المشاركة الأصلية كتبت بواسطة M.Gamaledeen

د/ محمد
نعيما ياباشا
بس انت كده قلقتني زيادة
يعني في احتمال ان التانية تتكسر كمان، أو تكون أصلا ملزوقة

قولي كده ،، تفتكر انت اتفرجت على العربية دي امتى ؟ أنا عارف انك كنت عامل موضوع بخصوص العربية دي بس مش قادر ألاقيه

أنا إفراج الجمرك بتاع عربيتي كان 08/11 وأنا استلمت العربية 11/11

العربيه الاولى الزرقاء جت يوم الاربعاء 10\11 الساعه 6.30 بالليل ... و انا رحت الساعه 9 " كان يوم ماتش الزمالك و الاسماعيلي .... و ده كان في فرع م.نصر اللي قدام الاستاد ... و لما دخات العربيه كان البكره اللي انا قلت عليها مكسورهه .... و فيه برده حاجه كانت في العربيه تميزها ان الجلده اللي في الحته اللي مشاور عليها السهم الاسود الرفيع ده " اللي بيتحط فيها ال gps برى " كانت مفكوكه و قعدت اثبت فيها و معرفتش برده

المشاركة الأصلية كتبت بواسطة moh.aboelkheir

العربيه الاولى الزرقاء جت يوم الاربعاء 10\11 الساعه 6.30 بالليل ... و انا رحت الساعه 9 " كان يوم ماتش الزمالك و الاسماعيلي .... و ده كان في فرع م.نصر اللي قدام الاستاد ... و لما دخات العربيه كان البكره اللي انا قلت عليها مكسورهه .... و فيه برده حاجه كانت في العربيه تميزها ان الجلده اللي في الحته اللي مشاور عليها السهم الاسود الرفيع ده " اللي بيتحط فيها ال gps برى " كانت مفكوكه و قعدت اثبت فيها و معرفتش برده

يعني هو مبدأيا وغالبا مش هي(الحمد لله طبعا في كل الأحوال)
لأن مندوب الفرع كلمني يوم الأربعاء الظهر وقالي آجي ادفع باقي الفلوس علشان استلم الخميس

وماعنديش حاجة في الجلد مش ثابتة كويس في المكان ده

شكرا ليك ياباشا
كده خلصنا من التار البايت اللي كان هايبقى بيني وبين أوماترا
نرجع لموضوعنا
اتحمل انا ثمن تغيير اللوحة كلها
هو بصراحة مهندس التوكيل (اسمه معتز) قالي ممكن احاول أعملك خصم

المشاركة الأصلية كتبت بواسطة M.Gamaledeen

يعني هو مبدأيا وغالبا مش هي(الحمد لله طبعا في كل الأحوال)
لأن مندوب الفرع كلمني يوم الأربعاء الظهر وقالي آجي ادفع باقي الفلوس علشان استلم الخميس

وماعنديش حاجة في الجلد مش ثابتة كويس في المكان ده

شكرا ليك ياباشا
كده خلصنا من التار البايت اللي كان هايبقى بيني وبين أوماترا
نرجع لموضوعنا
اتحمل انا ثمن تغيير اللوحة كلها
هو بصراحة مهندس التوكيل (اسمه معتز) قالي ممكن احاول أعملك خصم

أرجو ذلك ... بس لاحظ حضرتك اني رحت الاربعاء بعد ما العربيه ما جت بساعتين بالضبط ... و كنت هستلم على طول و كان معايا الفلوس و كله ... و قالولي هنغير البورد كلها و لسه هتيجي بعد شهر و حجات كده .. طبعا انا مشتلمتش و اتخانقت ... و الحمد لله استلمت عربيتي الحاليه بدون اي مشاكل :)