سوال للخبراء بخصوص عمل crossing للكاوتش

**Ashraf_Ibrahim** · 16-01-2011 05:44 PM

المشاركة الأصلية كتبت بواسطة mmamdouh

كدة يبقى انت عايز طقم كاوتش جديد اصلا

mmamdouh

اه صحيح
كلنا جاوبنا ومخدناش بالنا ان الكاوتش عامل 39000 كم

غير الكاوتش على 40000 كم يا صديقي
معلش مانتبهناش للمعلومة دي -لو الكاوتش مش نسر اعتقد ممكن تصبر عليه لحد 50000 كم -

**M.Osman** · 16-01-2011 07:02 PM

كواتش يتغير على 40 الف بس؟
انا اعرف ان المفروض 60

**Ashraf_Ibrahim** · 16-01-2011 08:02 PM

المشاركة الأصلية كتبت بواسطة m.osman

كواتش يتغير على 40 الف بس؟
انا اعرف ان المفروض 60

الكاوتش النسر بيتغير على 40 ألف كم

اما الانواع النضيفه زي البريدجستون وما ساواه بيتغير على 50 او 60 ألف كم وانا اعرف واحد مغيره على 55 ألف كم والكاوتش بسم الله ما شاء الله عليه نضيف جدا ونقشته واضحة جدا كمان انا كنت مستحرم انه يرميه بس جنوط عربيته 14 وانا 13 فمنفعش اني اخده

**M.Osman** · 16-01-2011 08:20 PM

المشاركة الأصلية كتبت بواسطة ranger

الكاوتش النسر بيتغير على 40 ألف كم

اما الانواع النضيفه زي البريدجستون وما ساواه بيتغير على 50 او 60 ألف كم وانا اعرف واحد مغيره على 55 ألف كم والكاوتش بسم الله ما شاء الله عليه نضيف جدا ونقشته واضحة جدا كمان انا كنت مستحرم انه يرميه بس جنوط عربيته 14 وانا 13 فمنفعش اني اخده

اااااااااااااااه
النسر
نسيت خالص

النسر ده انا مغيره على 8000
اعرف ناس غيرته قبل ما ترخص

هههههههههههههه

بخصوص بريدجستون واحد صاحبي ماشي بيه اكتر من 80 الف و لسة مغيروش .. مش اهمال ..لكن معندوش وقت:(

**Ashraf_Ibrahim** · 17-01-2011 12:00 AM

المشاركة الأصلية كتبت بواسطة m.osman

اااااااااااااااه
النسر
نسيت خالص

النسر ده انا مغيره على 8000
اعرف ناس غيرته قبل ما ترخص

هههههههههههههه

بخصوص بريدجستون واحد صاحبي ماشي بيه اكتر من 80 الف و لسة مغيروش .. مش اهمال ..لكن معندوش وقت:(

احم احم
انا ماشي عليه 16000 كم لحد دلوقتي -نسر - وربك يسترها اصلي مفلس

**MMamdouh** · 17-01-2011 11:42 AM

خللوا بالكم ان علامات استهلاك الكاوتش مش بس تاكل المداس

جوانب الاطار بتتعرض لاجهاد طول ما الفردة بتشتغل و دة مستحيل تشوف اثارة بالكشف بالنظر... عشان كدة بينصح بتغيير الكاوتش عند عدد كيلومترات معينة كعامل امان

كلنا بنغير سير الكاتينة على عدد كيلومترات محدد عشان نحافظ على المكنة... يبقى مش حنغير الكاوتش عشان نحافظ على حياتنا او على الاقل العربية كلها... طبعا كلنا عارفين مخاطر انفجار اطار على الطريق السريع

بردة خللى بالكم ان الكاوتش مش بيعيش للابد... فى احصائية امريكية لقوا ان 88% من حوادث السيارات الى كانت بسبب مشكلة فى الاطارات كان فيها اطارات يتجاوز عمرها ال6 سنوات... و كان فيه مطالبة بان مصنعى الاطارات يحطوا تاريخ صلاحية على الكاوتش بيوضح امتى بتنتهى الست سنوات دول

معنى كدة برضة ان مهمى كان شكل الفردة كويس و ماسك نفسة... خطورة استخدام الفردة دى بترتفع جدا جدا و ممكن تسبب كوارث... بالتالى لازم كل واحد ياخد بالة ان لو كاوتشة تخطى عمرة ال 6 سنوات يغيرة حرصا على حياتة و على عربيتة

MMamdouh

**Ashraf_Ibrahim** · 20-01-2011 10:22 PM

المشاركة الأصلية كتبت بواسطة ashraf122

السلام عليكم جميعا انا الكاوتش بتاعى بريللى اللى نازل مع الماتركس اتركى 2008و دلوقتى عامل 39000 كم هل استنى شوية؟ خاصة ان اخوكم متبهدل بسبب الجمعيات ممكن اجيب الكاوتش الجديد على شهر 8 لما اقبض الجمعية
دلوقى عايزكم تركزوا معايا

1-انا عملت التبديل عند 25000 كم امامى يمين مع خلفى شمال و امامى شمال مع خلفى يمين
2-الان هل ابدل بنفس النظام و دة معناه ان العجل يرجع مكانة زى الاول لما استلمت العربية ولا هناك طريقة اخرى
3-اللى انا بفكر فية انى ارجع الكاوتش زى ما كان مع وضع الاستبن مكان عجلة من الامام و اخلى الفردة اللى فيها 3 خروم استبن
مستنى ردكم

تقدر تكمل عليه لحد 50000 كم اعتقد -دا لو حالته كويسة وانت اللي هتقرر طبعا-
اما عن التبديل فقدامك حل من اتنين
يا تبدل شمال مكان اليمين للكل
يا تبدل قدام مكان ورا للكل وان كنت برجح قدام مكان ورا

وربنا يوفقك