الموضوع: تكيف اللوجان بيركب فى التوكيل بكام ؟؟؟؟

المشاركة الأصلية كتبت بواسطة elshaky

دى تعتبر صفيحه بتمشى على اربع عجلات ولا باور سترينج ولا اى حاجه خالص

فاضيه خالص

وعلى العموم هسأل فى التوكيل وارد عليك

وربنا يكرمك وتجيب الهاف ( ده دعاء مش نصيحه )

الف شكر ياباشا وشكرا على الدعاء بس انا عندى الصفيحه دى احسن من حاجات كتير فى اوبشنز بس مش زيها يعنى انا افضل اللوجان عن السوزوكى سيلاريو (مكيفه وبور) أو البيكانتو ودى سعرها هيكون اغلى من اللوجان الفاضيه وبرده مش زيها وكمان الحاجات الصينى رغم الاوبشنز اللى فيها بس اللوجان برده افضل ولا انت ليك رأى تانى ؟؟؟ ياريت تفيدونى كلامى صح ولا فيه حاجه غلط ؟؟؟؟

المشاركة الأصلية كتبت بواسطة sakr84

انا عندى الصفيحه دى احسن من حاجات كتير فى اوبشنز بس مش زيها يعنى انا افضل اللوجان عن السوزوكى سيلاريو (مكيفه وبور) أو البيكانتو ودى سعرها هيكون اغلى من اللوجان الفاضيه وبرده مش زيها وكمان الحاجات الصينى رغم الاوبشنز اللى فيها بس اللوجان برده افضل ولا انت ليك رأى تانى ؟؟؟ ياريت تفيدونى كلامى صح ولا فيه حاجه غلط ؟؟؟؟

بص يا أستاذ تامر

العربية لما تقارنها بالعربيات اللي زيها في جزء مهم في المقارنه اللي هو أنت محتاج أيه من العربية ؟
واسعه ، عاليه عن الأرض ، سيدان أو هاتشباك ، و زوق حضرتك في الشكل ، ده طبعاً ما يغنيش عن الأجزاء التانية في المقارنة زي صناعة العربية و الماتور و العفشة و حاجات تانية كتير

و أنا شايف زوق حضرتك تمام وأنا لو مكانك برضه هجيب اللوجان فاضية
اللوجان مناسبة تماماً ليك و أختيار موفق إن شاء الله و ربنا يكرم و تركبلها تكييف و كل اللي نفسك فيه في القريب العاجل

مبروك مقدماً و ربنا يديك خيرها و يبعهدك عن شرها

المشاركة الأصلية كتبت بواسطة hragheb007

بص يا أستاذ تامر

العربية لما تقارنها بالعربيات اللي زيها في جزء مهم في المقارنه اللي هو أنت محتاج أيه من العربية ؟
واسعه ، عاليه عن الأرض ، سيدان أو هاتشباك ، و زوق حضرتك في الشكل ، ده طبعاً ما يغنيش عن الأجزاء التانية في المقارنة زي صناعة العربية و الماتور و العفشة و حاجات تانية كتير

و أنا شايف زوق حضرتك تمام وأنا لو مكانك برضه هجيب اللوجان فاضية
اللوجان مناسبة تماماً ليك و أختيار موفق إن شاء الله و ربنا يكرم و تركبلها تكييف و كل اللي نفسك فيه في القريب العاجل

مبروك مقدماً و ربنا يديك خيرها و يبعهدك عن شرها

والله نفس التفكير بتاعى عربيه واسعه شكلها حلو عاليه عن الارض عفشه كويسه واتزان كويس مش عايز حاجه تانيه غير تكيف ويركب فى المستقبل علشان كده سئلت سؤالى
بس والله كويس انك شجعتنى اصلى احبطت من كلمة صفيحه

لا يا باشا و لاتضايق نفسك من كلمة صفيحة ديه أكيد العضو اللى كتب كده ما يقصدش هو بس كان يقصد يحفزك عشان تجيب الهاف لكن ديه إمكانياتك دلوقتى و أيه المشكلة واحده واحده كله بيجي

إن شاء الله الوحوش يفيدوك فى أستفسارك

المشاركة الأصلية كتبت بواسطة tamer61

ربنا يرزقك بإذن الله وتجيب أحلى عربيه في الدنيا كلها و عموما أنا بحترم جدا إللي بيتحرك في حدود إمكانياته و واحده واحده كله بيتظبط و عموما دي مش حتبقى آخر عربيه ليك ممكن تبدأ بيها و بعد فتره تروشها و تبقى تمام و ربنا يباركلك فيها.

بالنسبه لموضوع التكييف أعتقد إن التوكيل حيبقى غالي موت في الموضوع ده فالأفضل تركبه بره عند حد نضيف و عموما ساعتها أكيد حندور معاك و حنلاقياك إللي إنت عايزه ما تقلقش خالص. وربنا يوفقك للخير بإذن الله.

متشكر ياباشا على كلامك الجميل ده