الموضوع: البواب كان بيهرج معايا

زي اي يوم سهران مع اصحابي ومروح علي الساعه واحده صباحا وعامل نفسي صايع داخل بركن العربيه في مكانها الطبيعي زي كل يوم ليت نفسي بدل منا شايف قدامي بقيت شايف فوق قدامي واسمع صوت خكخخخخخخخ
قلت طيب انا هرست مينن ؟

انزل من العربيه وبقول يارب ميبقاش اليي في بالي وكانت الصاعقه جردل بويا مليان خرسانه مسلحه
طبعا فقدت كل حواسي وحسيت اننا بقيت في عالم تاني العربيه اليي حلتي باظت ديه زيرو معملتش 4000
طبعا استدعيت البواب بلقبه يا صلاح لقيته جايلي وبعدين راح ضاحك ....
المهم مش هقول ايه اليي حصل خلينا منفاتحش عيون حضراتكم عن احدث وسيلة تعذيب في العالم
المهم رفعت العربيه وشلت الجردل الخرساني وركنتها وطلعت نمت تاني يوم رايح الشغل ماشي بالعربيه جي بجيب خامس
الخامس مش شغال الله طب نجرب تاني برده مش شغال قلت اه دعواتك يا ام صلاح خير طبعا تلفون للتوكيل قالولي تعاله قمت رايح علي التوكيل قلت انا لازم اروح العبور علشان حضراتكم بتشكره فيه المهم دخلت بعد 15 دقيقه جربت العربيه انا والمهندس قالي سيبها وتعاله بكره قلتله مفيش الكلام ده قال يا مهندس احمد تعاله بص علي العربيه جه قالي العربيه ده واخده خابطه من تحت قلتله حصل قالي ساعه وتخلص قلتله شكرا واستنيت وكانت المفاجاه جالي وقالي تعال معايا الورشه قلتله ماشي قالي العربيه حصالها خبطة ادت الي ترحيل قواعد الموتور وعصايت الفتيس والشكمان وكانت دخله علي الكرتيرة
لقيت نفسي مرة واحده ساكت وسرحت يعني ايه مش هينفع ترجع زيرو قالي لا هينفع قلتله ازاي قالي هنفك الصاجه اليي تحت ونستعدل الكلام ده كله قلتله ماشي ....خلصوها واستلمتها ودفعت 100 جنيه لاغير ورحت وكملت السهرة مع صلاح
اسف ان اكون طولت عليكم بس انا كل قصدي ان ممكن اي شخص كان يبقي مكاني ويستنا في التوكيل او يحصل اي حاجه
تخل عربيتي ميستلمهاش في الوقت المناسب ده نتيجة الزحمه انا مكنتش متخيل اننا هتخلص بالسرعه ده فتقدير ظروف الاخرين والهدوء احسن من مرض ضغط الدم وربنا يسترها معانا ومعاكم ويحفظنا من اي سوء