ماذا ستفعل بعد إلغاء دعم البنزين؟

**eng.m7md.ali** · 11-01-2011 06:56 PM

انا عن نفسي هسيب الهندسة وابيع عيش

**ashouhdy** · 11-01-2011 07:03 PM

المشاركة الأصلية كتبت بواسطة dr-mohamed

طيب ينفع ميرفعش اسعار البنزين علينا ويرفع اسعار الغاز على اسرائيل ؟؟؟؟؟؟؟؟؟

أجمل نكتة سمعتها من شهور :)))

**moody1** · 11-01-2011 09:31 PM

هابيع عربيتى واجيب بتمنها جراكن بنزين

هههههههههههه

**medo2o1o** · 11-01-2011 09:46 PM

لاتناقش ولاتجادل يا أخ علـي وإلا وقعت في المحظور

**alaa99991111** · 11-01-2011 09:58 PM

الغريب انه بينجح في انتخابات مجلس الشعب

عايز اعرف مين بينتخبه ده مخترع الضرايب و رافع الدعم والعجيب اني قريت عايز يفرض ضريبة زحام

**M.Elwan** · 11-01-2011 11:52 PM

المشاركة الأصلية كتبت بواسطة kh_talaat

اسمحلي اعترض على الكلام دة يا طارق بك

تعالى نتفق الأول ان مفيش حاجه بتيجي مره واحده (الشعب مش هيفوق في يوم وليله) لكن لازم تسبقها خطوات استباقيه

يعني مثلا من حوالي 10 سنين مكنش في حاجة اسمها اضرابات في مصر ولا مظاهرات احتجاجيه لها شأن داخلي

لكن دلوقتي اصبحت الاعتصامات والاضرابات سمه يوميه نراها جميعا حولنا زي اعتصامات عمال الغزل والنسيج - اضراب شباب 6 ابريل - اضراب عمال السكه الحديد - اضراب سائقي النقل - اعتصامات المعاقين ... الخ

واصبحت هناك تنظيمات اهليه تهتم بالشأن السياسي في البلد مثل الجمعية المصرية من اجل التغيير بزعامة الدكتور محمد البرادعي - حركة كفاية - حركة مواطنون ضد الغلاء وغيرها من المنظمات والجمعيات الأهلية التي تنادي بحقوق الشعب المصري

طبعا كل اللي فات دة لم يصل لنسبة معقوله من التأثير الشعبي لكنها البداية

وكل يوم الأمر بيختلف والناس بتفوق وبتعرف حقوقها وان شاء الله الأمل موجود

+11111
دى جملة من مقالة منشورة على موقع العربية تعليقا على احداث الجزائر وتونس اسمها
كأنّها مرحلة جديدة؟

http://www.alarabiya.net/views/2011/01/11/133095.html

أحياناً يُعطى الخبز وتؤخذ الحرّيّة،

وأحياناً تُعطى الحرّيّة ويؤخذ الخبز

أمّا حين تفرغ المنطقة من الاثنين،

فهذا معناه أنّ على الأنظمة الرحيل

**د.أبونضال** · 12-01-2011 12:02 AM

المشاركة الأصلية كتبت بواسطة hmatchy

يا جماعة كل الاشاعات دى بتكون خطوات استباقية لتنفيذ المشروع و الغرض منها تأهيل المواطنين نفسيا لتقبل القرار و احيانا بيكون لجس نبض الشارع
وكل ما نتكلم فيه بينجحوا اكتر وبيقربوا لهدفهم وهو انهم يخلونا مستنين القرار بين شهر و التانى وبكدة لو حد عارض هيتقال عليه انو ضد المصلحة العليا و الدليل ان غيرو وافق و استسلم
دا غير الناس اللى ما بتصدق تنقل الاشاعات دى كأنها عرفت سر عسكرى وفرحانة انها اول حد يعرف
ارجوكم يا جماعة خلونا من دلوقتى نقول انها اشاعة و ان عمرهم ما يفكروا فى حاجة زى دى و الا البلد هتبقى نار
خلونا احنا اللى نخوفهم بطريق غير مباشر على الاقل لما يجو ياخدوا القرار دا هيفكروا الف مرة لأنهم جسسوا نبض الشارع وكلوا معترض
لكن بلاش نتقبل اشاعة حتى لا تصبح حقيقة يجب علينا التعايش معها احنا مش ناقصين

إذا عرض الوزير المتحكم في موضوع الدعم الأمر على مجلس الشعب وألقى الكره في ملعب الأعضاء المنتخبين من الشعب ديمقراطيا والمسئولين عن مصير الأمة التي اختارتهم ووضعتهم على مقاعدهم النيابية....لا يكون الأمر "إشاعة".
ثم هل تتذكرون طريقة رفع الأسعار في المرة الماضية والاشتغالة بتاعة "العلاوة" وبعدين رئيس الوزرا ييجي يقول "هنجيب منين" نقوم نرفع أسعار البنزين. هذا الأمر سيتكرر هذا العام...لأنه جرى العرف أنه في عام الانتخابات الرئاسية يجري ضم العلاوات الاجتماعية لخمس سنوات سابقة إلى اساسي الموظفين العاملين في الدولة بكافة طبقاتهم... فتجد أقل موظف زاد بتاع 100 جنيه مرة واحدة ولعلمكم الستة ملايين الذين انتخبوا الرئيس في المرة السابقة كلهم موظفون رسميون يساقون إلى اللجان بحيل مختلفة وينتخبون الرئيس بالتأكيد لأن الموظف الحكومي على استعداد يديلك روحه إذا زودته 10 جنيه مش 100 جنيه... فمن أين ستأتي الحكومة بالمال... والوزراء يا عيني بيتعالجوا على نفقة الدولة من قلة مرتباتهم. وسيكون السيناريو كالتالي
1. رئيس الجمهورية يصدر قرارا بضم العلاوات الاجتماعية للأساسي
2. الحكومة تضرب أخماس في أسداس لتدبير المال اللازم
3. الحكومة ترفع أسعار البنزين بواقع جنيه بس لكل لتر يا ناس علشان خاطر الموظفين الغلابة اللي مش لاقيين ياكلوا والذين تذهب مستحقاتهم لأصحاب السيارات الرأسماليين سفاكي البنزين.
4. الرئيس يصدر توجيهاته ألا يتم رفع أسعار السولار بس علشان الغلابه
5. الحكومة تستجيب لتوجيهات السيد الرئيس وتشيل السولار من الليلة
6. يتم رفع أسعار البنزين.
7. الموظفون مزاجهم عال العال ومبسوطين إن المرتب هيزيد وخلاص
8. الموظفون ينتخبون الرئيس