صباح الفل
الوصله بتاعت الباور فصلت مني في المعادي ( الوصله دي من علبة الدركسيون حتى الطرمبه) و طبعا الزيت بقى كله على الأرض...في الحاله دي مينفعش تمشي بالعربيه لأن طرمبة الباور ممكن تطير و الحل انك تشيل سير الباور أو تلصم الوصله.
المهم رجعت لمنتدي نيل موتورز و لقيت مشاركه لأحد الأعضاء بيقول ان فيه ميكانيكي كويس في المعادي ( الخربوطلي) فروحتله و طلع معايا و بص على العربيه و لصم الوصله لغاية ما وصلنا عنده الورشه
فك الوصله كامله و قالى حلها تتكبس أو تشتريها استيراد....كلمت أحد أصدقائي في الحرفيين و بعد تدوير لأن معظم القطع دركيون يمين ولا تصلح ..لقينا واحده دركسيون شمال و الوصله كامله ب 300جم بعد الفصال من زهير ( سألت عليها في التوكيل و لقيتها ب 1900جم )
تم تركيب الوصله و كلفتني 70جم مصنعيه و 85جم زيت و أحب أشكر العضو المحترم hany hosney لأنه دلنا على الراجل المحترم ده و أنصح أي حد في المعادي بالتعامل معاه ( بيشتغل في كل العربيات)
تحياتي
نوفو
المفضلات