السلام عليكم _ محتار بين البرافو و الأيفو و التيدا

**moh.aboelkheir** · 11-01-2011 07:01 PM

المشاركة الأصلية كتبت بواسطة Ghamrawy

امين يا رب

الله يبارك فيك
و تكسب طبعا لانها ارخص ب 18500 الف

موضوع الزينون دش متأكد منه بصراحة
انا كنت عامل موضوع بالاسعار و المواصفات بس راح مع اللى راحوا فى 67

هههههه ... البقاء لله بقى في الموضوع ... المهم اللي جي

**CryptonX** · 11-01-2011 07:28 PM

انا شايف انك تشيل الايفو من دماغك خالص لو بتتكلم على اداء... هي ظريفة جوة البلد انما اكيد البرافو احسن ..

بس بصراحة برده انا لو مكانك .. ححط عربية تانية في المقارنة .. مع اني فياتاوي :)

Seat Leon 1.6 DSG
تزيد عن الفيات في الكماليات انها فيها ASR ( ،ظام ثبات الكتروني ) و اشهر فتيس 6 سرعات اوتوماتيك في العالم من VW ال DSG و محرك 1.6 بتاع الجولف و شاسيه و تعليق و ثبات الجولف .

يعيبها الوحيد انها مملة شوية من جوة .. بس بالكماليات دي و الجودة دي و السعر الممتاز في راي 155,000 لللاوتو .. عربية وهمية بصراحة .

البرافو تتفوق عليها فقط في قوة المحرك علشان تربو .. و لو اني مع فتيس زي ال DSG ممكن تزعل البرافو علشان كان في موضوع كنت عامله قبل كدة بين جولف جي تي 150 برافو فيلوسي 180 حصان و الجولف كانت مثبتة مع البرافو تقريبا في كل حاجة مع انها اقل 30 حصان.

عامة لو حابب ممكن تبص عليها الاول .. انا شخصيا بامانة ربنا لو معايا المبلغ ده حجيب الليون بدون تردد مع حبي الشديد لفيات برده.

---

على فكرة انا قلت شيل التيدا مش علشان انها وحشة او حاجة بالعكس التيدا الهاتشباك جميلة جدا ولكنها بعيدة بصراحة عن البرافو و الليون .

**yoko** · 11-01-2011 07:48 PM

الإيبيزا ال1600 الdsg طلعت منها فأكيد البرافو هتطلع من الليون بس برده الليون إختيار ممتاز لو مش عاوز توصل لسعر البرافو وعايز موتور مفتري فهتبعد عن الإيفو

**damasry** · 11-01-2011 10:01 PM

لا يا غمراوى البرافو باكدج ٦ مش فيها فعلا غير سبويلر وكتابة ميتال على العتب الداخلى والفرش الداخلى والجنوط زيادة عن الباكدج ٥

لا فيها الASR ولا فيها الHill Holder ولا الزينون ولا البخاخات ولا السينسورز ولا السمعتين الزيادة والصب اللى فى الشنطة

**damasry** · 11-01-2011 10:12 PM

المشاركة الأصلية كتبت بواسطة CryptonX

بس بصراحة برده انا لو مكانك .. ححط عربية تانية في المقارنة .. مع اني فياتاوي :)

Seat Leon 1.6 DSG
تزيد عن الفيات في الكماليات انها فيها ASR ( ،ظام ثبات الكتروني ) و اشهر فتيس 6 سرعات اوتوماتيك في العالم من VW ال DSG و محرك 1.6 بتاع الجولف و شاسيه و تعليق و ثبات الجولف .

ها اقولها تانى عشان بتوع مبيعات ابيزا بيلعبوا على الوتر ده:

ال ASR = Anti Slip Regulation اللى هو بردو TC = Traction Control

طبعا النظام ده اللى بيخلى العجل ميلفش فى الطلعة لكن مش نظان ثبات الكترونى اللى هو ESP = Electronic Stability Control

ونقطة كمان، مش بالضرورة العربية اللى فيها ASR يكون فيها ESP لكن بالضرورة العربية اللى فيها ESP يكون فيها ASR

اما بالنسبة للفتيس فا انا مش عارف فولكس بتغذى سيات بالفتيس الجديد بعد اخر تعديل حصل فيه ولا بتديهم من الفيتيسات القديمة اللى كان نظام التبريد فيها Dry وليس Wet كما فى اخر تعديل فى الفتيس

طبعا معروف ان الفتيسات ال DSG ال Dry فيها مشاكل وبتبوظ

المشاركة الأصلية كتبت بواسطة yoko

الإيبيزا ال1600 الdsg طلعت منها فأكيد البرافو هتطلع من الليون بس برده الليون إختيار ممتاز لو مش عاوز توصل لسعر البرافو وعايز موتور مفتري فهتبعد عن الإيفو

الليون موتور مفترى يا احمد؟؟؟؟؟؟

**yoko** · 11-01-2011 10:33 PM

المشاركة الأصلية كتبت بواسطة damasry

الليون موتور مفترى يا احمد؟؟؟؟؟؟

مع الفتيس الdsg بيزعل عربيات كتيره 1600 بس مش لدرجة إنه مفتري أكيد يمكن خاني التعبير
بس هو على الإيبيزا يعتبر مفتري

**CryptonX** · 12-01-2011 01:35 AM

المشاركة الأصلية كتبت بواسطة damasry

ها اقولها تانى عشان بتوع مبيعات ابيزا بيلعبوا على الوتر ده:

ال asr = anti slip regulation اللى هو بردو tc = traction control

طبعا النظام ده اللى بيخلى العجل ميلفش فى الطلعة لكن مش نظان ثبات الكترونى اللى هو esp = electronic stability control

ونقطة كمان، مش بالضرورة العربية اللى فيها asr يكون فيها esp لكن بالضرورة العربية اللى فيها esp يكون فيها asr

اما بالنسبة للفتيس فا انا مش عارف فولكس بتغذى سيات بالفتيس الجديد بعد اخر تعديل حصل فيه ولا بتديهم من الفيتيسات القديمة اللى كان نظام التبريد فيها dry وليس wet كما فى اخر تعديل فى الفتيس

طبعا معروف ان الفتيسات ال dsg ال dry فيها مشاكل وبتبوظ

الليون موتور مفترى يا احمد؟؟؟؟؟؟

شكرا يا باشا على المعلومات بس بصرف النظر عن خاصية ال asr في راي الليون على بعضها " منتج " اقوى من البرافو .و معرفش موضوع ال dsg الجديد ام القديم .. بس الي اعرفه انها اتعملها refreh في اول 2010 و نزلت بال dsg قبل كدة كانت مانوال فقط .