الموضوع: تقييم الطلقة: سريون 1500 Glx (متجدد)

المشاركة الأصلية كتبت بواسطة zozza

9- حوض الموتور: ده اكتر حاجة بترعبنى فى العربية, صغر حجمه مع اقتراب الموتور من مقدمة العربية, مقلق بدرجة كبيرة. انا مش قلقان على الصيانة, لأن المفروض الويل عنده عمالة مدربة, لكن فعلا قلقان من لو لا قدر الله حاجة خبطت من الامام, الخساير مش هابق هينه (ربنا يكفينا شر الحوادث).


والله يا اخ معاذ تقييمك محترم و مجمع تفاصيل مهمه عن العربيهز

بالنسبه للنقطه 9 احب اطمنك لاني عملت حادثه بوش العربيه من شهرين . (معلش اعذروني اني ماكاتبتش عن الحادثه عشان انا مشغول علي الاخر)

المهم يا اخ معاذ انا كنت مسافر علي الطريق بالليل و مطبق فاللي حصل اني نمت.
صحيت لقيت نفسي بلبس في عربيه واقفه تماما و انا كنت علي سرعه 90-100. طبعا في الثانيه و نص اللي ادركت فيهم اني بلبس عرفت لن الفرامل مش هتجيب نتيجه و حالت اخد غرزه المهم لبست بوش العربيه.
انا كنت متخيل ان العربيه شيست بس سوقتها لحد التوكيل و بعدين تاني يوم الصبح روحت اشوف انا هغير ايه.
النتيجه من الحادثه دي في الاخر اني غيرت اكصدام و رفرف و فانوس فقط لا غير ززز حتي شاسيه الاكصدام متغيرش ولا حتي الكبوت اتلمس.

انا فعلا كنت مستغرب ازاي حادثه زي دي متغيرش فيها كبوت علي الاقل بس الحمدلله علي كل شئز

من ساعة الحادثه دي واما بقي قلبي مطمن من نقطه 9 اللي حضرتك كتبت عنهاز

روح يا شيخ ربنا يعوض عليك ويطمن قلبك :)

المشاركة الأصلية كتبت بواسطة zozza

9- حوض الموتور: ده اكتر حاجة بترعبنى فى العربية, صغر حجمه مع اقتراب الموتور من مقدمة العربية, مقلق بدرجة كبيرة. انا مش قلقان على الصيانة, لأن المفروض الويل عنده عمالة مدربة, لكن فعلا قلقان من لو لا قدر الله حاجة خبطت من الامام, الخساير مش هابق هينه (ربنا يكفينا شر الحوادث).


والله يا اخ معاذ تقييمك محترم و مجمع تفاصيل مهمه عن العربيهز

بالنسبه للنقطه 9 احب اطمنك لاني عملت حادثه بوش العربيه من شهرين . (معلش اعذروني اني ماكاتبتش عن الحادثه عشان انا مشغول علي الاخر)

المهم يا اخ معاذ انا كنت مسافر علي الطريق بالليل و مطبق فاللي حصل اني نمت.
صحيت لقيت نفسي بلبس في عربيه واقفه تماما و انا كنت علي سرعه 90-100. طبعا في الثانيه و نص اللي ادركت فيهم اني بلبس عرفت لن الفرامل مش هتجيب نتيجه و حالت اخد غرزه المهم لبست بوش العربيه.
انا كنت متخيل ان العربيه شيست بس سوقتها لحد التوكيل و بعدين تاني يوم الصبح روحت اشوف انا هغير ايه.
النتيجه من الحادثه دي في الاخر اني غيرت اكصدام و رفرف و فانوس فقط لا غير ززز حتي شاسيه الاكصدام متغيرش ولا حتي الكبوت اتلمس.

انا فعلا كنت مستغرب ازاي حادثه زي دي متغيرش فيها كبوت علي الاقل بس الحمدلله علي كل شئز

من ساعة الحادثه دي واما بقي قلبي مطمن من نقطه 9 اللي حضرتك كتبت عنهاز

قدر الله ماشاء فعل
والحمد لله انك بخير

وشكرا على التوضيح مع اني مقتنع به من قبل ولكن علشان الناس تقتنع
ما هو مش معقولة ان عربيه حاصله على اربع نجوم في التصادم الأوروبي
ويبقى هما مش بيفهموا واحنا بنظرتنا وخلاص هنبقى نعرف العربيه كويسه ولا لأ

اما لفائدة الاختبارات دي ايه
ما هو كده ده معناه ان الاختبارات دي مالهاش لازمة
لأن العربيه لو الخبطه العاديه بيتوصل للماتور فده معناه ان الماتور هيتحرك لداخل الكابينة
وبالتالي هيأثر على اللي داخل الكابينة وبالتالي هتقل درجات الأمان بتاعت العربيه
يعني هيا تسلسل للأحداث

بالنسبة لاستهلاك البنزين

انا بقالى فترة بحسب الاستهلاك, علشان احاول احط معلومات دقيقة عنه

لغاية دلوقت, متوسط استهلاك العربية للبنزين فى سواقة نصها على الاقل فى منطقة وسط البلد, و النص التانى غالبا على الاتوستراد و المنيب مع التكييف : 260-280 كم فى الصفيحة

السرعة متوسطة فى معظم الاحيان لا تتخطى 80-90, مع بعض الاوقات بتزيد لتصل ل 120 زى على المنيب كثلا

الكيك دوان بستعمله فى مرات قليلة جدا

انا الصراحة نفسى اعمل موضوع عن استهلاك البنزين, فى دقة الموضوع اللى عامله توت عنخ امون عن الجين 2, بس للاسف الوقت مزنوق اوى عندى

المشاركة الأصلية كتبت بواسطة m10_10

يعني ايه كيك داون ؟؟؟؟

ثانيا: فيه حاجه لاحظتها ....

الحمد لله عملت صيانه الالف كيلو علي خير ... بس بعدها قلت اما اجرب التكييف ... انا حسيت انو مش قوي اوي مش عارف ليه ( علي فكرة دي اول عربيه بتكييف اسوقها في حياتي اساسا) ؟؟؟
العربيه لونها شامبين يعني مش اسود وبتمتص حرارة الشمس

تاني حاجه مش عارف العربيه بحس انها عالسلانسيه مش منتظمه السرعه وانا مشغل التكييف ؟؟؟

ياتري تفسير الكلام دة ايه ؟؟؟ هل في حاجه التزم بيها او اخد بالي منها ؟؟؟
ولا ايه تفسيرك يا ابوعبدالله ويا معاذ للكلام دة ( العربيه ١٣٠٠ مانيوال )...

الكيك داون يا باشا, هو موجود فى العربيات الاتوماتيك, بحيث لو احتجت استجابة سريعة من العربية او زى المانيوال تحرق على الغيار, بتدوس على دواسة البنزين للاخر, او لاكتر من النص على الاقل, العربية بتسقط نقلة, و تنقل على RPM اعلى

بالنسبة للتكييف, الصبح بياخد وقت عندى, بالليل مفش اى مشاكل

اما الموضوع ده"تاني حاجه مش عارف العربيه بحس انها عالسلانسيه مش منتظمه السرعه وانا مشغل التكييف ؟؟؟" ممكن شرح اكتر؟