الموضوع: تقييم الطلقة: سريون 1500 Glx (متجدد)

هي الكورولا جنزير!!!!!!!!
انا اول مره اعرف كده
طيب و صوت الزنه اللي فيا ده بقي....رشاشات ولا سير

4- العفشة : مش ناعمة اوى زىما انا كنت متخيل, انا لسه عامل صيانة الالف بتاعة تربيط العفشة و خلافه, علشان كده مش عاوز احكم عليها بدرى, لكن ادائها الحالى مرضى بالنسبة لى.

انا كنت فاكر زيك كده في الاول ولكن بعد ما العربيه مشت اكتر يعني انا دلوقتي حاجه وعشرين الف
العفشه بقت مريحه اكتر من الأول بكتير

كمان مفيش مثلا خاصية ال Pause

أزاي الخاصية دي عندي في العربيه
مش عندك ازاي

7- الثبات: ان لحد 1800 كم, كنت ماشى اخرى 80 كم/ساعة, مبقرصش على العربية, و مبحاولش اجرب ثباتها عامل ازاى. شوية شوية بقيت ابدأ اجرب ادائها فى الملفات على سرعة, فى المناورات على سرعة. النتيجة ان ثباتها جيد جدا (اخره 8 من 10), يساعدها فى كده طول قاعة العجلات, لكنه لن يرتقى لدرجة الامتياز بسبب ارتفاع العربية النسبى لمثيلاتها من نفس الفئة, ده غير العفشة بتاعتها و المعادلةالمعروفة (ثبات اكتر = عفشة انشف)

الثبات بصراحه يا معاذ انا مش معاك خالص

وهاعتبر انك لم تجري بالعربيه علشان انت لينت فتره كبيره

ولكن العربيه كل اللي بيركبها مش كلامي انا ان الثبات بتاعها ممتاز
وسهلة اللم جدا
يعني التحكم في العربيه جيد جدا

وجرب وانت ماشي في طريق فاضي على 100 مثلا وهات الدركسيون يمين خطف وشمال تعرف ان العربيه ثابته جدا في الحالات الطارئة كمان

ده انا في ملفات جامده على الطريق بعدي فيها ناس بسبب الموضوع ده علشان بعرف اقرص على الملف

11- العزل الداخلى: العربية العزل بتاعها مش جامد اوى, و ده بالنسبة لى بحبه, علشان ابقى متفاعل مع اللى حول منى, زى صوت الموتور و العربيات و خلافه.

العزل برضه مش معاك قوي فيه
لأن العربيه العزل حاجات كتير منها صوت الهوي اللي بيدخل من الشبابك وده شوفته في عربيات كتير ولكن عندي مش موجود يعني لو سمعت بودنك على كل شباك والعربيه ماشيه 140 مش هتلاقي صوت الهواء داخل العربيه وانما سوف تسمع صوت الهواء وهو بيرتطم في الخارج

اما صوت الماتور فده شئ طبيعي لأن الماتور قريب منك مع ان برضه عزله يعتبر جيد



وفي النهاية هو مفيش عيوب للعربيه ولا ايه ؟


اما بخصوص سير الكاتينه فهو جنزير برضه يا كريم زي الكورولا

المشاركة الأصلية كتبت بواسطة 3mr Farrag

طيب تقدر تقولي الفرق بين البولو و السريون في الثبات
هل حسيت بفرق ملحوظ ....للبولو

و الله يا عمرو زى ما انا كاتب لسه واحدة واحدة بقرص عليها, او اجرب ثباتها

لغاية دلوقت بتعمل اللى البولو كانت بتعمله, و ده مبشر

لكن الحكم النهائى مش دلوقت

المشاركة الأصلية كتبت بواسطة fahd_628

تقييم جميل جدا من شخص محترم و بحبة والله منغير ما اشوفة

ربنا يباركلك فيها يا معاذ و شكرا على التقييم الجميل دة

الف شكر يا فهد على الكلام الجميل ده

و ربنا يديم المحبة اللى بينا

تققيم جميل وواضح وفي منتهي الحياد

الف شكر يا يوسف

مبروك يا معاذ، العربية دي بموت فيها

الله يبارك فيك يا مصطفى, عقبالك ان شاء الله

و انا عند وعدى ;)

معاذ الف مبروك وربنا يباركلك فيها
العفشة هاتنعم بعد ما تكمل 5 الالاف كم
اللي عايز اسال عن اخبار استهلاك البنزين ايه
والكاتينة بتاعها سير ولا جنزير زي كرولا

الله يبارك فيك يا كريم
انا مش مستعجل على العفشة, و فعلا قالوا لى فى التوكيل انها هتنعم مع الوقت

استهلاك البنزين يا سيدى كالاتى:
متوسط 280 كم فى الصفيحة وقت التليين, يعنى من غير تكييف, و سرعة لا تتعدى 90 كم/ساعة
متوسط 240 كم فى الصفيحة بعد التليين, مع تشغيل التكييف, و شوية حرق كده من اللى قلبك يحبه

ألف مبروك يا باشا و ربنا يحفظهالك
ألف شكر على التقييم الموضوعي و في إنتظار المزيد

الله يخليك يا دكتور

الف مبروك عالسريون وشكرا على التقيم ده و الردود من ملاك السريون خصوصا الاخ ابو عبدالله انا اصلى شبطانة فالعربية ديه وبقول فيها شعر للناس فحاجة كويسة انى اعرف برضه كلام عملى من الملاك.

الله يبارك فيكى يا ara

ان شاء الله ربنا يرزقك العربية دى, و تحت امرك فى اى استفسار

المشاركة الأصلية كتبت بواسطة أبو عبدالله

انا كنت فاكر زيك كده في الاول ولكن بعد ما العربيه مشت اكتر يعني انا دلوقتي حاجه وعشرين الف
العفشه بقت مريحه اكتر من الأول بكتير




أزاي الخاصية دي عندي في العربيه
مش عندك ازاي



الثبات بصراحه يا معاذ انا مش معاك خالص

وهاعتبر انك لم تجري بالعربيه علشان انت لينت فتره كبيره

ولكن العربيه كل اللي بيركبها مش كلامي انا ان الثبات بتاعها ممتاز
وسهلة اللم جدا
يعني التحكم في العربيه جيد جدا

وجرب وانت ماشي في طريق فاضي على 100 مثلا وهات الدركسيون يمين خطف وشمال تعرف ان العربيه ثابته جدا في الحالات الطارئة كمان

ده انا في ملفات جامده على الطريق بعدي فيها ناس بسبب الموضوع ده علشان بعرف اقرص على الملف



العزل برضه مش معاك قوي فيه
لأن العربيه العزل حاجات كتير منها صوت الهوي اللي بيدخل من الشبابك وده شوفته في عربيات كتير ولكن عندي مش موجود يعني لو سمعت بودنك على كل شباك والعربيه ماشيه 140 مش هتلاقي صوت الهواء داخل العربيه وانما سوف تسمع صوت الهواء وهو بيرتطم في الخارج

اما صوت الماتور فده شئ طبيعي لأن الماتور قريب منك مع ان برضه عزله يعتبر جيد



وفي النهاية هو مفيش عيوب للعربيه ولا ايه ؟


اما بخصوص سير الكاتينه فهو جنزير برضه يا كريم زي الكورولا

خاصية ال pause دى فين يا ابو عبد الله, اى زرار؟

انا لينت تقريبا 1700 كم , لأن مكتوب فى الكتالوج اول 1000 ميل تليين

بالنسبة للثبات ده كان انطباعى عنه مع بدايه انى اقرص على العربية, او اختبرها. على العموم انا فى مكان معين كده لما بحب اجرب ثبات عربية, بجرب هناك, و بيبان حتى و انت مش ماشى على سرعة عالية


العزلو هجرب اللى حضرتك قلت عليه, بس هو عامة مرضى بالنسبة لى (مريحنى) يعنى اكتر من كده يبقى وحش, او اقل من كده. لكن فى ناس حته العزل مهمة جدا لها, علشان كده ذكرتها.

كعيوب, طبعا صعب اوى اطلع عيوب كده من اولها, ده حتى فرحة العربية تروح :o

لكن عموما دى الحاجات اللى انا مش عاجبانى

1- صعوبة التعامل مع الراديو سىدى
2- ارتباط العدادات بالدركسيون, يعنى لو حركت الدركسيون لفوق او تحت , العدادات بتتحرك معاه.
3- البلاستيكات المستخدمة فى العربية, فى حاجات تحسها مفارقة من مكانها, يعنى هصور كام حاجة كده مش عاجبانى و تقولى حضرتك رأيك, ده غير انها ضعيفة نوعا ما.
4- عدم تصفيح العربية من الاسفل
5- صغر حجم حوض الموتور

دول حاليا اللى فى دماغى, علشان انا كنت ناوى اكتب السلبيات دى بالتفصيل, قريب, مع بعض الصور للحاجات اللى قصدى عليها