مساعدة فى تلميع العربية

**amr_elrashidy** · 27-04-2008 10:35 AM

الموضوع فعلا متعب ..ممكن لو عندك شنيور فعلا تجيب من بتوع الحدايد و البويات بنطة تحويل شنيور لصاروخ(هى اسمها كده) و تجيب طاقية تلميع..و تشتغل ياباشا كأنك معاك صاروخ تلميع حيوفر مجهودك جدا و حيخليك مستعد تعمل الموضوع بعد كده..طاقية التلميع عاملة زى قرص الصنفرة المدور بس عبارة عن خيوط قطن او صوف..متوافرة عند بتوع العدد و الحدايد

**د/ خالد** · 03-05-2008 10:34 AM

طيب يا جماعه الخرابيش اللي مطلعه البويه بتاعت العربيه برده تروح بكمباوند ؟؟؟ ارجو الافاده

**iguana** · 18-05-2008 06:08 AM

فى فكرة جميلة انا عملتها يا جماعة وادتنى نتيجة ممتازة وبمجهود بسيط جدا على عكس اللى الواحد بيعملوه بالبولش والكومبوند...انا كنت الاول بعمل حكاية القطنة والبولش والكومبوند وكان بيطلع عينى وبعرق وايدى بتنمل ودراعى بيقف من كتر التعب وبعدين انا كنت فى مرة شارى للبيت ملمع البليدج عارفينه....؟؟؟؟ وده عبارة عن شمع اسبراى بيتبخ على الخشب علشان يلمع المهم انا جربته على العربية بتاعتى عن طريق انك تبخ حبة وطبعا علشان هو اسبراى فا انت مش محتاج توزعه وتبهدل ايدك زى البولش وبعدين تمسحه بقماشة صوف هتلاقى العربية بتلمع بطريقة روعة انا مكنتش مصدق انه ادانى النتيجة المهرة دى وبدون ادنى مجهود ونظر لسهولة الموضوع انا شايل معاية العلبة وقت ما حب اعمله الموضوع بياخد من ربع ساعة لنصف ساعة بس لازم العربية تكون مغسولة......وزى ما انتوا عرفتوا كد الموضوع جه معايه صدفة تمن البيلدج الاسبراى كان وقتها ب 8 جنيه

**momo44** · 19-05-2008 06:26 PM

المشاركة الأصلية كتبت بواسطة iguana

فى فكرة جميلة انا عملتها يا جماعة وادتنى نتيجة ممتازة وبمجهود بسيط جدا على عكس اللى الواحد بيعملوه بالبولش والكومبوند...انا كنت الاول بعمل حكاية القطنة والبولش والكومبوند وكان بيطلع عينى وبعرق وايدى بتنمل ودراعى بيقف من كتر التعب وبعدين انا كنت فى مرة شارى للبيت ملمع البليدج عارفينه....؟؟؟؟ وده عبارة عن شمع اسبراى بيتبخ على الخشب علشان يلمع المهم انا جربته على العربية بتاعتى عن طريق انك تبخ حبة وطبعا علشان هو اسبراى فا انت مش محتاج توزعه وتبهدل ايدك زى البولش وبعدين تمسحه بقماشة صوف هتلاقى العربية بتلمع بطريقة روعة انا مكنتش مصدق انه ادانى النتيجة المهرة دى وبدون ادنى مجهود ونظر لسهولة الموضوع انا شايل معاية العلبة وقت ما حب اعمله الموضوع بياخد من ربع ساعة لنصف ساعة بس لازم العربية تكون مغسولة......وزى ما انتوا عرفتوا كد الموضوع جه معايه صدفة تمن البيلدج الاسبراى كان وقتها ب 8 جنيه

هل الموضوع ده مياثرش على الدهان

**iguana** · 19-05-2008 06:59 PM

المشاركة الأصلية كتبت بواسطة momo44

هل الموضوع ده مياثرش على الدهان

الموضوع ده مبيأثرش على الدهان خالص ده مجرد شمع يعن بيلمع فقط انا بستعمله يجى كده من اكتر من 7 سنين وعمره مأثر على دهان عربيتى بالعكس الشمع اكتر حاجة تحافظ على الدهان ......ناس كتير لما بيشوفوا عربيتى وانا لسه ملمعها بيفتكروا انى لسه راششها رشة نضافة مع العلم انها فابريكة برة وجوه