اللوجان ماكانتش عايزة تدور

**alysaad** · 12-01-2011 01:50 PM

اليوم وصلت ابنى المدرسة وبطلت الموتور ورجعت بعد 3 دقايق ادور مش عايزة تدور خالص
المارش شغال تمام بس مش بتدور سيبتها ربع ساعة وبعدين دورت دارت تمام ومن ساعتها مافيش اى مشكلة الى الان !!!
انا فولت بنزين من 3 ايام وماشية من ساعتها 70 كم تمام يعنى مش مشكلة بنزين!!
العربية فول ابشن جديدة عاملة 700 كم بس
حد يقدر من الوحووش عنده تفسير؟؟

**medoadel** · 12-01-2011 04:13 PM

الاحتمال الاكبر يكون شوائب على البوجيهات من البنزين او البنزين يكون محصل مياه
فى التفويلة الجاية ابقى حط منظف دورة البنزين قبل ما تفول

**ayman1204** · 12-01-2011 08:05 PM

لو قصدك ان المفتاح بيدخل ومش بيلف
دا بيبقى الدركسيون مش معدول

**frhateg** · 13-01-2011 10:45 AM

حصلت معايا مره و محطتهاش في دماغي . و مدام مش متكرره كبر و تمتع بعربيتك .

**bishoy02010** · 14-01-2011 02:06 AM

تعتفد دبه هتكون مشكلة فى طرمبة البنزين بو اتكررت تانى اطلع على التوكيل

**aimangorg** · 16-01-2011 07:11 AM

المشكله فى شفره المفتااااااااااااااااااح

**emad73** · 17-01-2011 03:24 PM

حصلت معى مرة واحدة وقلقت شوية وبعدين كبرت دماغى وماعلقتش

**player1** · 01-09-2013 10:30 AM

أنا معي لوجان 2010 إشترتها مستعملة من 4 شهور والموقف ده إتكرر معاي حتى الأن ثلاث مرات أخرهم إمبارح، العربية فجأة تبقى مش عايزه تدور وفجأة بتدور.

**player1** · 01-09-2013 01:34 PM

محتاج ردكم يا رجاااالة اللوجان ، لإن العربية بره الضمان.

**DOCTOReng** · 03-09-2013 01:53 AM

المشاركة الأصلية كتبت بواسطة alysaad

اليوم وصلت ابنى المدرسة وبطلت الموتور ورجعت بعد 3 دقايق ادور مش عايزة تدور خالص
المارش شغال تمام بس مش بتدور سيبتها ربع ساعة وبعدين دورت دارت تمام ومن ساعتها مافيش اى مشكلة الى الان !!!
انا فولت بنزين من 3 ايام وماشية من ساعتها 70 كم تمام يعنى مش مشكلة بنزين!!
العربية فول ابشن جديدة عاملة 700 كم بس
حد يقدر من الوحووش عنده تفسير؟؟

هناك ظاهرة معروفة علميا باسم التعويق البخارى vapour lock وهى تحدث اذا سارت السيارة مدة طويلة نسبيا فى الجو الحار أو فى زحام شديد وهذا يسبب سخونة الهواء المحيط بالموتور داخل حوض الموتور وعند اطفاء الموتور وخصوصا اذا كانت السيارة فى الشمس تزداد سخونة هذا الهواء مما يسبب تبخر البنزين داخل المواسير والخراطيم الموجودة داخل حوض الموتور . وعند محاولة ادارتها بعد فترة قصيرة يصل البنزين وبه فقاعات من بخار البنزين الى الموتور . وبما أن كثافة هذه الفقاعات أصغر بكثير من كثافة البنزين السائل فالنتيجة هى وصول كتلة من البنزين أقل من اللازم لدوران الموتور فيعجز الموتور عن الدوران. ولكن عند ترك السيارة لفترة (خصوصا اذا تم رفع الكبود لمحاولة اكتشاف سبب عدم الدوران) تيدأ فى أن تبرد وهذا يسبب تكثف فقاعات البنزين الموجودة فى المواسير وعودتها مرة اخرى الى الحالة السائلة فيمكن ادارة الموتور فى هذه الحالة دون اجراء اى صيانة للموتور . ربما هذا ما حدث معك والله أعلم