الموضوع: مقابلة معرض فورميولا الاهرام

المشاركة الأصلية كتبت بواسطة FrozenFire

ياساتر يارب. ده كله مخبيه في قلبك ياراجل.
واضح إن دكتور السنان بتاعك موريك اللالي وبيعيشك أزهى عصور عمرك. :)
أنا مارضتشي أقول من زمان لأن في كتير قوي بيقلقوا مني وماكنتش ناوي أقولك خالص بس هي زلة لسان، قصدي زلة كيبورد.
بس إن شاء الله حييجي اليوم اللي أشتغلك فيه في أسنانك وحتنبسط قوي قوي قوي قوي هاهاهاهاهاهاها
وبالنسبة للضرائب اللي معمولة عشاني، ياريت تتوسط لي في المنتدى وتخفضهم وحديك نص اللي حتخفضه
وحلوة قوي الحكومة الذكية الهنداوية
هاهاهاهاهاهاها

يا دكترة ... انا للاسف مبحبش الدكاترة ( الذهاب للدكاترة عموماً ) وخصوصاً دكاترة الأسنان سواء كانوا رجالاً أم نساءاً ... جربت الأثنين
مع انى اتعاملت فى عمرى كله مع عدد 2 دكاترة رجال و 3 نساء .
وواحد من الأخوة الرجال عقدنى فى عيشتى وكانت النتيجة انى شيلت ضرس مكنشى المفروض انه ينشال لوجود التهابات تحته بس الألم وحش ... وبعد ما أنشال اكتشفت ان المشكلة مكانتشى فيه أصلاً الموضوع ده عدى عليه ييجى 6 سنوات وكنت مسافر ساعتها ومضطر احل مشكلة الألم ( مع العلم الدكتور ده كان واخد شهادات كتير ومعتمد رسمى فى مستشفيات القوات المسلخة ) ... أيوه بالـ خ .
ومن ساعتها مرحتش لحد تانى لحد ما ضروسى بقت خرابة .
آآخر طلعة جوية عملتها فى سنانى بسبب ذكر قواتنا الجوية البواسل ... كانت حرب ضارية على 4 ضروس ... تم قهر العدو الغازى فيها وابادته ودك حصونه المنيعة المتكونة على مدار السنين من الأهمال .
والحمد لله الدكتور الأخير استريحتله مع انه ما اشتغلشى فى سنانى بالبنج ... بس أستريحتله والله المستعان ... بس لسة بروحله متابعة ويارب تخلص على خير .