الموضوع: مقابلة معرض فورميولا الاهرام

المشاركة الأصلية كتبت بواسطة mahlove

اللى يبعد عنكم يخسر.. ده الخلاصة او بكلمات اخرى ال ( كونكلوجن)
اولاد الحلال رتبولى معاد مع عروسة.. ايوا . عروسة .. وكان يوم الجمعة اخر النهار..
طبعا قلت انفض للمقابلة بتاعة معرض الاهرام وانفضلكم واروح اشوف العروسة دى نظامها ايه ,
طبعا الناس عارفة اد ايه موضوع الجواز ده مهم, وخصوصا الايام السو اللى احنا عايشين فيها دى..
فرحت..ويارتنى مارحت ولا نفضتلكم..
لكن حصل خير..وادينا بنتعلم .. مش شايف بنات تانى
فانا حبب اعتذر انى ماجتش المقابلة وياريت نرتب مقابلات تانية قريب ان شاء الله
قبلاتى..او تحياتى يعنى (نو اوفينس)

معلش يا بوب اوعى تعمل فى نفسك كده والله انا بيحصل معايا مواقف فى موضوع الجواز ينفع انزلها فى كتاب بجد والله

حديكوا كده موقفين على الماشى

اول موقف واحده صاحبت خالتى قالتلى انا جايبالك عروسه ايه قمر ومش عارف ايه وجميله جدا وكلام كتير وعندها 24 سنه فقلت وماله خير ان شاء الله يلا نروح نشوف وانا فى القاعد اول مدخلت استقبلتنى والدتها هيا الصراحه والدتها ما شاء الله قمر بجد يعنى عيون ملونه وشعر ملون قلت فى نفسى العب دى الدنيا هتتظبط اخيرا وبعد مقعد بى 5 دقائق لقتها بتنادى وبتقول تعالى يا كذا سلمى على الضيوف المهم انا بقى قاعد مستنى اشوف القمر الى هيهل فسبحان الله لقيت البنت داخلت وسبحان الله مش واخده ولا حاجه من والدتها خالص لا عيون ولا شعر ولا لون بشره ( على فكره انا مش بتريق ولا حاجه بجد والله طبعا كلنا خلقت ربنا بس انا قصدى على الكلام الكتيررر الى اتقالى على جمال البنت ) بس تقريبا الى طنط صاحبت خالتى كانت بتوصف والدتها من البنت وافتكروا انها قيلالى انها عندها 24 لقيت عندها 27 سنه مقدرتش امسك نفسى لان طنط الى جيبانى كانت معانا فاستنيت لما الفرصه جت ومسكتها وقلتلها دى اكبر منى يا حاجه وبعدين انتى قيلالى انها عندها 24 سنه ايه مشوار من الدقى لغايه بتها مخدش ساعه لحقت كبرت 3 سنين امال بعد سنه هلاقيها عندها كام سنه!!!!!!!!!!!!!!!

الموقف التانى روحت برده بشوف عروسه فقاعد مع والدها وبنتكلم وتقريبا كام بقالى بتاع ربع ساعه لسه داخل البيت وهوب يا معلم النور قطع فطبعا بقيت فى نص هدومى ومبقتش عارف اعمل ايه واتكسفت جدا والسكوت خيم على المكان فقلت اقول اي حاجه علشان الموقف يمشىىىىىىىىى

فقلت ياه يا عمو الكهربا بقت وحشه اوى اليومين دول وبتقطع وكده (انا بقول كده علشان الراجل يقولى صح يا حبيبى ونعدى الموقف المحرج ده )

القى الراجل راح بصصلى وقالى حته كلمه انا كل مفتكرها اموت على نفسى من الضحك

بصلى وقالى دى اول مره تقطع من عشريييييييينننننننننننننن ننن سنه روحت انا عرقت وصوتى راح وقولتله ياه يا عمو من عشريننننننننن سنه ومن ساعتها متكلمتش الا لما النور رجععععععععععععععع.

معلش انا اسف انا عارف ان كلامى ده بره الموضوع بس الصراحه سخنت فعلا وحبيت اشاركوا معايا المأساه الى انا عايشها بجد

ملحوظه قبل ممشى انا بحكلكوا الموقف الاولانى والله ما قصدى تريقه انا قصدى على الكذب الى بيحصل فى الحاجات دى يتقالك حاجات وتروح تلاقى حاجات تانيه خالصصصصصصصصصصصص

الا من رحم ربى

وجزاكم الله خير

طارق باشا.. معرفتكم انتو بالدنيا..واحنا لازم نعمل مقابلة تانية تعويضية فعلا.
اما انت بقى يا can be فانت شكلك زميل فى هذه الرحلة المميتة.. رحلة البحث عن شريكة العمر(افتراضا)
انا لو حكتلك على مواقفى فى الموضوع ده مش هنخلص, بس هوا الطف حاجة فى الموضوع ده هوا الناس اللى بتجيبلك البنت(العروسة), يعد يقولك دى البنت دى تقول للقمر قوم وانا اقعد مطرحك وكلام كتير من امثال ده من تراثنا الشعبى ابن الج...الجميل(مش اللى فى بالك), وتروح تلاقى حاجة تانية خالص!!!!!!!( مش بعيب برده ابدا والله , بس مش الكلام اللى سمعته عنها يعنى)
انا بس مش عايز اسهب فى الكلام عن الحكاية دى علشان ده مش موضونا..
احنا نبقى نعمل موضوع مخصوص وكل واحد يحكى تجاربه فى الحكاية دى والغلب اللى شافه..

المشاركة الأصلية كتبت بواسطة mahlove

طارق باشا.. معرفتكم انتو بالدنيا..واحنا لازم نعمل مقابلة تانية تعويضية فعلا.
اما انت بقى يا can be فانت شكلك زميل فى هذه الرحلة المميتة.. رحلة البحث عن شريكة العمر(افتراضا)
انا لو حكتلك على مواقفى فى الموضوع ده مش هنخلص, بس هوا الطف حاجة فى الموضوع ده هوا الناس اللى بتجيبلك البنت(العروسة), يعد يقولك دى البنت دى تقول للقمر قوم وانا اقعد مطرحك وكلام كتير من امثال ده من تراثنا الشعبى ابن الج...الجميل(مش اللى فى بالك), وتروح تلاقى حاجة تانية خالص!!!!!!!( مش بعيب برده ابدا والله , بس مش الكلام اللى سمعته عنها يعنى)
انا بس مش عايز اسهب فى الكلام عن الحكاية دى علشان ده مش موضونا..
احنا نبقى نعمل موضوع مخصوص وكل واحد يحكى تجاربه فى الحكاية دى والغلب اللى شافه..

مستنى الموضوع على احر من الجمر بس لما تعمله اوعى تنسى تقولى

المشاركة الأصلية كتبت بواسطة tarekzein

خلاص

ياللا بينا عالإجتماعى

وكل واحد يحكى تجربته

وتبقى فضايح للركب

انا موافق بس قولى احطه فى انهى قسم علشان ميبقاش مخالف

وبجد هتشوف الفضايح

can_be
وانت بتحكى عن إنقطاع الكهربه بجد ضحك من قلبى
يا استاذ ده خظ مش اكتر و بينى و بينك هو الراجل المش ذوق خالص كان المفروض يقولك بتحصل او اى حاجه يدارى الإحراج ده
على كل حال النصيب عرف طريق كل واحد فينا