Rami Serry EVO VIII تقرير مصور عن أقوى إيفو فى مصر

**MohamedGobran** · 13-01-2011 11:48 AM

المشاركة الأصلية كتبت بواسطة Hesham Hamza

ربنا يباركله فيها

هى ستوك ولا نصين ؟

نصين طبعا يا باشا مفيش فى مصر إيفو غير نصين هى واحده بس إلى ستوك بتاعه خالد امام بتاع car boys و دى ايفو 10 الجديده

المشاركة الأصلية كتبت بواسطة Mzeid

خلاصة الموضوع حسب اللي فهمته من الصور أنه ركب :

stroker kit لزيادة سعة المحرك و على حسب الحاجات اللي شفتها على النت بتتباع فأعتقد المحرك زاد من 2.0 ل 2.3 ليتر
غير اعمدة الكامات
تغيير البكرات بأخرى رياضي
تغيير الديسك و الاسطوانة بأخرين رياضيين مش عارف بصراحة نوعهم ايه
fuel rail جديد
upgrade التيربو
تركيب water/(alcohol/methanol) injection kit بما أنه عدل التيربو علشان أوكتان البنزين و زيادة القدرة
blow off جديد
رشاشات جديدة
تركيب bracing system كامل للسيارة

شكرا على المعلومات يا باشا

**ahmedbasto** · 13-01-2011 12:03 PM

أنا اعرف واحد يا باشا معاه واحدة بيقول انه جايبة كاملة كانت فى الأوتو لونها أصفر

**MohamedGobran** · 13-01-2011 12:28 PM

المشاركة الأصلية كتبت بواسطة ahmedbasto

أنا اعرف واحد يا باشا معاه واحدة بيقول انه جايبة كاملة كانت فى الأوتو لونها أصفر

شفتها يا باشا لونها اصفر و عليها رسومات احمر فى سيلفر و جنط اسود و احب اقول لحضرتك دى حاجه شبه مستحيله لسبب لان قانون جمارك مصر ان انا لو عايز انزل عربيه من بره ليها شروط أول واهم شرطين فيها ان العربيه لازم انا اكون اول مالك ليها و اكون شاريها فى نفس سنه الصنع يعنى العربيه موديل 2010 يبقى اشتريها فى 2010 و اكون اول مالك ليها فمستحيييل تكون دى مش نصيين .... هو مفيش غير واحده بس إلى كامله بتاعه خالد إمام الايفو الجديده

**Ralliart** · 13-01-2011 02:08 PM

المشاركة الأصلية كتبت بواسطة mohamedgobran

نصين طبعا يا باشا مفيش فى مصر إيفو غير نصين هى واحده بس إلى ستوك بتاعه خالد امام بتاع car boys و دى ايفو 10 الجديده

لا العربيه مش نصين وهي من امريكا
وكل واحد وليه طريقته...........

**Ahmed Nouh** · 13-01-2011 06:55 PM

المشاركة الأصلية كتبت بواسطة ralliart

لا العربيه مش نصين وهي من امريكا
وكل واحد وليه طريقته...........

اللى اعرفه من احد الناس اللى محتكين بالوسط ده وكلامه ثقة انها فعلا نصين

**Ralliart** · 13-01-2011 07:07 PM

اللي اعرفه من واحد يعرفه برضو انها مش نصين! وحكالي حكايه خزعبليه عن ازاي تجيب عربيه مستعمله من برره
الله اعلم هي نصين ولا لأ
اصل الشعب المصري لازم يقول اي حاجه وخلاص

**Pursuit** · 13-01-2011 10:37 PM

طيب انا معروض عليه عربية evo 6 بـ55 الف .. استلمها بالمفتاح 2000 سى سى كاملة ؟ فانا ناوى اخلص علي 50 اية رائيكم ؟

**MohamedGobran** · 14-01-2011 01:13 AM

المشاركة الأصلية كتبت بواسطة Ralliart

اللي اعرفه من واحد يعرفه برضو انها مش نصين! وحكالي حكايه خزعبليه عن ازاي تجيب عربيه مستعمله من برره
الله اعلم هي نصين ولا لأ
اصل الشعب المصري لازم يقول اي حاجه وخلاص

جايز يا باشا أنت ادرى

**NFS** · 14-01-2011 01:20 PM

انا شفت العربية و كان مفتوح كابوتها قدامى, العربية نصين و لو عايز تلاحظ بص على الرفرف من فوق عند البطحات هتلاقى ان الرفرف الخارجى راكب و ملحوم على جسم العربية يعنى مش بتاعها, طبعا الكلام ده مش هيبان غير لما الكبوت يكون مفتوح و مش باينة فى الصور.
و كمان الايفو الاصلى بيبقى فيها مسمارين فى صدر العربيه تحت المسحات بيركب فيهم الstrut bar مش موجودين فى العربية دى وده باين فى الصور, بس بصراحة العربية معمولة بنظافة جدا ما شاء الله.

**Mzeid** · 14-01-2011 01:28 PM

عندنا في طنطا فيه 2 ايفو
واحدة حمراء و التانية صفراء
الحمراء دي بتاعت واحد والده تاجر قطع غيار و واحد صاحبي عنده صديق مشترك معاه فعرفهم على بعض علشان يروحوا الأوتوكروس مع بعض اللي هو اللي كان السنة اللي فاتت
المهم هو عرف أن العربية دي جاية من برا ايفو كاملة بس كان مسقطلها قبل ما تيجي مصر محرك لانسر عادية علشان تتجمرك بالمحرك دة و طبعا اقل من جمرك ال 2000 و بعدين دخلها هنا ( ازاي مستعملة مش عارف ) و ركب عليها المحرك بتاعها تاني

و على فكرة فيه ايفو 9 شفتها ملاكي الجيزة نمر سوداء دي ايفو اصلي مش تعديل لونها أحمر