الموضوع: @@ عايز اشتري بروتــون عالزيرو و متردد اجيبها ولا مش هتعيش ؟؟ يريت اسمع اراء الناس @@

المشاركة الأصلية كتبت بواسطة spiderloking

اولا منور قسم بروتون

اخي العزيز بداية هوه ممنوع الكتابه باللون الاحمر في المواضيع و هوه لون مخصص للمشرفين و الاداره فقط !

ثانيا حضرتك بالنسبه لسيارات بروتون فهو اختيار ممتاز و ان شاء الله مش هتندم ابدا انك اختارت في يوم من الايام هذه السياره فسيارات بروتون تمتاز بالثبات القوي جدا و قوة المواتير و الصاج القوي و المتين و الشكل الرياضي الجذاب و السعر المنافس و الامكانيات و الكماليات الكثيره اللي موجوده في العربيه انا هكلمك عن كل عربيه من اللي حضرتك اخترتهم شويه

اولا الجين 2 و يسمونها مالكيها جيجي او جينا و هيه جميلة الجميلات من سيارات بروتون و التي يحبها كثيرا من الناس لأنها ذات طابع رياضي و شكل رياضي جذاب جدا و موتور قوي 1600 سي سي عربيه ذات ثبات عالي ما شاء الله عليها مشوفتش حد بيشتكي من الحته هيه مشكلتها بس عفشتها ناشفه شويه بس ثبات و موتور و صاج و شكل و كماليات تمام جدا

بالنسبه للبرسونا نفس موتور الجين 2 بل تمتاز عنها الجين 2 في التسارع لأنها اخف وزنا و لكن ليس الكثير يعني بفارق مش كبير البرسونا سقفها اعلي من الجين كراسيها مش رياضيه زي الجين 2 كراسي عاديه بردوا ثبات و صاج و موتور و كماليات جوه كويسيين و شكلها رياضي و عائلي في نفس الوقت شنطه واسعه ما شاء الله و الجين 2 ايضا تمتاز عنها في هذه النقطه انه يستطيع مالك السياره الجين 2 ان يقوم بطي الكراسي الخلفيه (الكنبه) و استخدام الجزء الخلفي كله من ورا كرسي السواق الي اخر السياره كشنطه و طبعا ساعتها هيبقي معاك شنطه بحر البرسونا

الواجا سياره ذات شكل مختلف تماما تحسها اكثر فخامه و كلاسيكيه موتور قوي و صاج اقوي من الجين و البرسونا من وجه نظري بس اقل في الثبات عنهم شويه في التسارع ايضا ممتازه بها كماليات كثيره داخليه

انا كنت سامع انو الجين 2 الجديده نزلت بس مش عارف ذادت كام بالظبط بالنسبه للسعر القديم كان 90 كامله اوتوماتيك اعتقد كدا و البرسونا نفس الكلام انما الواجا مفيش منها جديد البرسونا ال 2011 هتنزل بشهر 3 دلوقتي ممكن تحجز جين 2 او ساجا 2011 بالنسبه لو في اي استفسار عن الساجا بردوا انا في الخدمه اتمني اني اكون افدت حضرتك و لو بجزء قليل

بجد شكراا يا ريس على المجهود الخراافي ده ..

وضحت حجاات كتير جدا جدا .. و اول مره اعرف موضوع اللون الاحمر ده عشان لسه جديد ..

كل اللي سمعته ان توكيل البروتون سئ جدا و قطع غيار غالية ..

النهاارده وقفت وااحد معااه بروتون واجا 2007 عشان اساله عليهاا .. قلي عربية تحفة و محترمة و قلي كماان انه كان عايز يبعهاا و يشتري بروتون واجا 2011 الاحدث .. بس عرف ان في حجاات كتير اتغيرت في واجا 2011 و النااس قلتله الفيرجن القديم لحد 2008 احسن من كل الفيرجن الجديد ..

موتور الفيرجن القديم ياباني .. انما موتور الفيرجن الجديد ماليزي ..

ريو و نيو اكسنت كانو رقم 2 بالنسبالي بعد البروتون .. + اني بدات ادخل نيسان صني في الليسته ..

و مش عارف اخد اي قرار لحد دلوقت ..

و يريت لو في امكاانية اعرف سعر واجا و جين 2 مانيوال و اوتوماتيك ..

المحركات الجديده للبروتون اسمها campro وتسمي جيل المحركات الثوريه
وهو انتاج شركه Lotus الانجليزيه وهي شركه انتاج سيارات السباق المعروفه وهي شركه مملوكه لبروتون
وهي محركات قويه جدا واعتماديه جدا حتي في الفئات ذات السعه اللتريه الصغيره
اما تيجي تختار شوف المميزات بالنسبه للسعر
وفي النقطه دي بروتون تكتسح بدون منازع
واهلا بيك....
تحياتي.........

ان شاء الله مفيش تردد احنا هننصحك والباقي عليك وتعمل استخاره وتشوف هتبقي ميال لايه اكتر

انا معيا برتون واجا 2009 اول لما جبتها كانت عندي اشهر مشكله كلها في القسم ويمكن اندرها حدوثا في المشاكل عندي عندي بنطة لحام ناقصة بين الشاسيه وجسم العربية ودي كانت عمله صوت بشع كرهني في العربية وفكرت في بيعها بعدها ب5 شهور بس المهم التوكيل دوخي في الاخر تدخل المهندس الكبير أمر الكوافي وتم حل المشكله نهائيا الحمد لله وبدات اتمتع بالعربية ..

الماتور فعلا ماليزي ومختلف عن الماتور اليباني في الواجا ال2005 انا حميا معها الواجا القديمة الي بمتور يباني بصراحه الميزه الويحده فيها ان صوت الماتور اهدي شوية من الكامبرو الجديد وكمان في نقطه مهمه التكيف تأثيره بسيط علي سحب العربيه بعكس الكامبرا بيقي في تاثير بس مش كبير اوي دا في حالة ان في 5 اشخاص جوا العربية الصاج كمان بتاع الموديل القديم اقوي

العربية بصفة عامه تحس انك راكب عربية محترمه فيها اداء يرضيك ويرضي اي حد بس خد بالك هيا عربية مش جرايه يعني مش زي الجين تو لانها اتقل وغير كدا كمان ثبتها مش زي الجين تو لان طبعا الجين تو مش عاليه زي الواجا غير دا ودا الشكل الخارجي من قدام بتحس بالشراسه من ورا تصميم ايطالي قديم ودا العيب الوحيد في شكلها لكن ممكن تركب جناج وتفيم الجزء الاحمر من الفانوس وتهبط العربيه شويه هتفرق جامد جدا في الشكل

الخامات حلوه مش بطاله خد بالك انت بتتكلم في فئه سعرية بين 80الف وال 90 وصعب اصلا تلاقي خامه نضيفه اوي بالسعر دا وبالعكس هيا خامات مش وحشه خالص يعني تخيل انها انضف من خامات السيراتو الجديده اكر الباب وخامات التبلوه مع فرق السعر لصالح السراتو الي اغلي من الواجا بحاولي 20الف ولا حاجه

التسارع جميل جدا وقدرة الماتور ممتازه وتقدر تشد مع اتخن عربيه وانت مطمن ان العربيه مش هتخلي شكلك وحش بس عموما انت جوا البلد اخرك هتمشي علي ال90 لكن علي الطريق برحتك انا جبت بيها 160 وكانت تجيب اكتر طبعا بس خليك في السليم وروح لاهلك سليم احسن ان شاء الله

النقطه السلبيه الوحيده هيا توكيل عمو عز اعوز بالله انا بكره اليوم الي بدخل فيه التوكيل دا بس عموما الناس بتقول انو في تحسن مستمر وان شاء الله مش هتحتاج التوكيل اصلا غير في تغير الزيت والفلاتر والحاجات البسيطه دي

طبعا الشكل بتاع الواجا اتغير بس دا في ماليزيا بس ودا اتفاق مع برتون ولانسر هيخدو شكل الانسر شارك وهيتغير في العربيه الماتور والفتيس لكن هيا هيا الانسر شارك وعموما متقلقش الشكل مش هيتغير في الشرق الاوسط كله الا بعد 2013 علي الاقل

الكمليات حلوه وجميله فرامل abs واير باجز وسنتر وكاسيت وجنوط 16

اه السعر الفول اوبشن اوتماتيك 88الف تقل او تزيد حاجه بسيطه


وايييه تاني بس كدا طولت عليك معلش بس حبيت اوضحلك كل حاجه