الموضوع: شاهد عيان: ما حدث أمس من الاخوه المسيحيين في المقطم

المشاركة الأصلية كتبت بواسطة beshomilan

اتمنى يكون فى احترام اكتر من كده للمسيحيين لو سمحتم واتمنى الاستاذ كريم منير يشوف المهزلة اللى بتحصل دى من الاعضاء والكلام الغير محترم على المسيحيين اللى بيموت منهم كل يوم بسببكم ومبتتكلموش
والاخ اللى بيتكلم بدون احترام ويقول شنوده والكبير بتاعهم وانه سبب الفتنه وغيره من الناس اللى بتقول كلام يمس اى مسيحى مات اخواته وابوه وامه واتيتم على ايد واحد مسلم مش اتشدلها حجاب بس يامحترمين
واشكر الاخوة المحترمين اللى ردوا بتعليقات محترمة تعبر عن اخلاقهم وحكمتهم

أنهي مسيحيين ؟
لو تقصد اللي معانا في أشغالنا و عايشين باحترامهم ... فعلى عيننا و راسنا , و ماحدش في الموضوع ده جاب سيرتهم بسوء
لو تقصد شوية البلطجية اللي طلعوا قطعوا الطريق و روعوا المارة و كسروا عربيات و اتعدوا على (مواطنين) ..... فدول أدنى من ان حد يحترم اي فرد فيهم , و المفروض ان ده يبقى موقف المسلم .. و المسيحي , سواء كانوا مسلمين او مسيحيين او مريخيين
لو تقصد على قيادات الكنيسة , كتير و انا منهم شايفين انهم احد الأطراف اللي عليهم مسئولية في اللي بيحصل , لو انت مش شايف كده فدي حريتك و رؤيتك , بس انا من حقي اشوف كده.....
بص انا عارف ان فيه حالة غضب و حزن عامة للسبب اللي انت بتقوله , موت و قتل و يتم , و بالمناسبة , اغلب اللي هنا هاتلاقيهم زعلانين لنفس الأسباب و بخصوص نفس الوقعة , انما الانقياد ورا التيار الطائفي المفتعل اللي واضح جدا ان الهدف من سلسلة الحوادث دي هو جر الناس كلها له , مش صح

بالمناسبة كمان , انا مش عارف بتقول بسببنا ليه ....
و بصراحة , بعد كمية التعاطف - المستحق للبعض و الغير مستحق لآخرين و الحقيقي من البعض و المصطنع من آخرين - الكبيرة اوي اللي حصلت بعد وقعة اسكندرية , واللي بالغ فيها البعض بصورة ما تصحش حتى كمان , تيجي تقول بسببكم . مالكش حق بصراحة .....

المشاركة الأصلية كتبت بواسطة a.saad

مش هيبقى لوحده
اما هيحصل اللى هيحصل قريب

بجد .... الكلام ده مش صح
انا معاك ان الصبر له حدود
بس مش هانلوم عليهم و نعمل زيهم