الموضوع: جمعية رسالة ما بين مؤيد ومعارض

الكلام ده منقول من أحد المواقع من عضو أسمه eng:MEDO كتر خيره على اللى كتبه

سلام عليكم
جمعية رسالة
اسسها دكتور

شريف عبدالعظيم

القصة ببساطة ان الدكتور بيدي كورس اسمه

Engineering Ethics
اخلاقيات مهنة الهندسة

الكورس ده كانت بدايته في سنة 1999 لدفعة تانية اتصالات هندسة القاهرة
بعد كام محاضرة في 5 او 6 راحوا للدكتور قالوله الكلام اللي انت قولته اقتنعنا بيه وبدانا نطبقه ودلوقتي عايزين نعمل حاجة
قوللنا ايه اللي ممكن نعمله وهنعمله

قالهم انا مش عارف ايه اللي ممكن تعملوه بس تعالوا نفكر
عملوا اجتماع فالتاني فالتالت وبقوا من 5 او 6 بقوا 60 واحد لما جم يختاروا الاسم يوم الخميس في مدرج 8310 في مبنى اتصالات
واختارو اسم

رسالة

وقد كان
60 واحد بدأو يفكروا ازاي ينشروا الكورس ده في كل الكلية ولو يعرفوا بره الكلية كمان
جاتلهم ارض وبنوا باديهم مبنى الجمعية وكانوا تقريبا 300 واحد في الوقت ده
ومن هنا بدأت

رسالة
اكبر جمعية خيرية في الشرق الاوسط
اكتر من 100,000 متطوع
ملايين يوميا بتصرف في مجالات نشاط متعددة في كل الاعمال الخيرية

شوفتوا اد ايه الموضوع كان بسيط جدا
لكن
اصرار + عزيمة + مجهود + تطوع + امل
وصلوا لكل ده

يا ترى كان ايه هدف الناس دي لما قضوا الوقت والجهد ده كله من غير اي مقابل مادي او اكاديمي
احنا مفتقدين للاسف ناس من النوعية دي

كله عايز مصر تتغير ومستني الفرج
ميعرفش انها مش هتتغير الا لما احنا نبدأ نغير نفسنا اولا وبعدها نغير في الناس
كانت امنية حياتي اني اشتغل مع ناس زي دي في حاجة زي اللي عملوها ونعمل تغيير ملموس

وحاولت فعلا هنا مع الناس اللي على الديفيدي مرة قبل كده لانهم اذكى بكتير من دفعة تانية اتصالات 1999 ولو حطوا حاجة زي دي في دماغهم هيعملوها اكيد احسن وهيسيبوا تاثير اكبر

الافكار اللي موجودة كتير
منهم بدات فيه مع اصحابي
ومنهم لسه لانه محتاج عدد اكبر

اسف على الاطالة
ولو في حد نفسه يشارك في تغيير ملموس ياريت يقولي هنا او في رسالة خاصة
لكن المهم انه قبل ما يقولي
يقعد مع نفسه ويفكر هو هيستمر في حاجة زي دي وهيديها وقت ومجهود في سبيل انجاحها ولا هيقف من اول عقبة هتقابلنا

يارب تكون الرسالة وصلت.............مصر مش هتتغير غير بينا يا جماعة
وعلى فكرة بعد الاحباط الشديد اللي كنت فيه......اكتشفت بالادلة والبراهين ان فعلا لسه



في امل

وده لينك من موقع تانى فيه شرح أكتر
من نحن ... ؟؟.:.]][[ [جمعية رساله للاعمال الخيرية]][[.:.


ممنوع الكتابة بالاحمر حيث أنه مخصص للمداخلات الادارية

مشرف 5 ب

3:00 مساءا

15 يناير 2011