التوكيل و صيانة ال 60 الف

**toreador** · 16-01-2011 12:46 AM

انا عندى صوت الهوا اللى بيدخل العربية دة من يوم ما شتريتها وحاولت كتير بصراحة فى التوكيلل وغيرة محدش حل المشكلة... وعلى الرغم من انى عملت حادثة وغيرت باب كامل و سمكرة فى كل الابواب واتغير الجلد معاهم بس بردو صوت الهوا بيدخل للعربية وواضح خالص انة من الابواب

**jollyboy** · 16-01-2011 11:34 AM

انشاء الله كل حاجه تتضبط . بس ياترى كلفتك كام صيانة ال60000 وايه الى اتغير بالظبط

**eng_Amr** · 16-01-2011 05:03 PM

المشاركة الأصلية كتبت بواسطة toreador

انا عندى صوت الهوا اللى بيدخل العربية دة من يوم ما شتريتها وحاولت كتير بصراحة فى التوكيلل وغيرة محدش حل المشكلة... وعلى الرغم من انى عملت حادثة وغيرت باب كامل و سمكرة فى كل الابواب واتغير الجلد معاهم بس بردو صوت الهوا بيدخل للعربية وواضح خالص انة من الابواب

أنا عايز اقولك انهم بيقولو عيب سمكرة فى الباب اللى قدام والصوت بييجى من الباب اللى ورا
هما اصلا مجربوووش حاجة بس قالولى عيب سمكرة والسلام

بس فى واحد صاحبى معاه جين2 مافيش صوت هوا بيدخل عشان كدة اكيد ليها حل وفى ناس كتيير قالو العيب بيبقى من الجلد اللى على الازاز مش جلد الباب بس فى التوكيل قالو هنظبطها ومعمالوش حاجة

المشاركة الأصلية كتبت بواسطة jollyboy

ان شاء الله كل حاجه تتضبط . بس ياترى كلفتك كام صيانة ال60000 وايه الى اتغير بالظبط

هم قالو فى الاول 2300
انا عملتها من غير بوجيهات يعنى الزيت وفلتر الزيت وفلتر البنزين والسيوور
مافيش حاجة اتعملت فى التكييف كان زمان بيعملو التكييف شحن وتنضيف الفلاتر

لما رحت فى الاخر دفعت 1800

**jisso82** · 17-01-2011 08:12 AM

عمرو باشا سألتلك على الفوجات فى المنصورة زى ما قلتلك لكن برده للأسف ما طلعتش عنده عموما لسه قدامنا الأسبوع الجاى كمان إن شاء الله هسألك تانى

**jollyboy** · 18-01-2011 02:44 PM

تسلم يا باشا وعقبال صيانة ال 1000000

**eng_Amr** · 18-01-2011 03:29 PM

المشاركة الأصلية كتبت بواسطة jisso82

عمرو باشا سألتلك على الفوجات فى المنصورة زى ما قلتلك لكن برده للأسف ما طلعتش عنده عموما لسه قدامنا الأسبوع الجاى كمان إن شاء الله هسألك تانى

ياباشا انا تعبك معايا جزاك الله خيرا على اهتمامك

المشاركة الأصلية كتبت بواسطة jollyboy

تسلم يا باشا وعقبال صيانة ال 1000000

شكرا ياباشا

**spiderloking** · 19-01-2011 12:29 AM

الف مبروك علي الصيانه بالنسبه لصوت الهواء انا مش فاهم ازاي عيب سمكره يعني هوه انت مخبوط في الباب من عند القايم ولا منين بالظبط لأنو لو من عند القايم او السقف ده المكان الوحيد اللي ممكن تحس بأن الهواء داخل عندك لو في عيب سمكره انما اي حته تانيه معتقدش غير كدا يبقي الجلد بتاع الزجاج او جلد الصاج اكد بردوا علي الجلد هقولك حاجه حلوه تعرف ان الجلد كويس ولا لأ و انت في البنزينه اضرب رشاش الميه المسدس بتاع الميه في الجنب ده و شوف كدا لو فيه نقط ميه دخلت جوه العربيه من الجنب ده يبقي الجلد في مشاكل و مش مطبع علي بعضوا كويس و قولي عملت ايه

**toreador** · 19-01-2011 09:21 AM

المشاركة الأصلية كتبت بواسطة eng_amr

هم قالو فى الاول 2300
انا عملتها من غير بوجيهات يعنى الزيت وفلتر الزيت وفلتر البنزين والسيوور
مافيش حاجة اتعملت فى التكييف كان زمان بيعملو التكييف شحن وتنضيف الفلاتر

لما رحت فى الاخر دفعت 1800

انا لما كنت هاعملها قالولى من 3000 ل 4000 دا على اساس انى كنت هاغير تيل فرامل بليية وشداد البلية ولما قلتلهم دا كتير جدا قالو انة شداد البلية والبلية لواحدهم ب 1500 ج وتيل الفرامل بمصنعياتة ب 475 فقررت انى اعملها برة وكلفتنى حوالى 1200 ج بس من غير البلية وشداد البلية ....ممكن تقولى سعرهم كام فى الصيانة ؟

**eng_Amr** · 19-01-2011 11:25 PM

المشاركة الأصلية كتبت بواسطة spiderloking

الف مبروك علي الصيانه بالنسبه لصوت الهواء انا مش فاهم ازاي عيب سمكره يعني هوه انت مخبوط في الباب من عند القايم ولا منين بالظبط لأنو لو من عند القايم او السقف ده المكان الوحيد اللي ممكن تحس بأن الهواء داخل عندك لو في عيب سمكره انما اي حته تانيه معتقدش غير كدا يبقي الجلد بتاع الزجاج او جلد الصاج اكد بردوا علي الجلد هقولك حاجه حلوه تعرف ان الجلد كويس ولا لأ و انت في البنزينه اضرب رشاش الميه المسدس بتاع الميه في الجنب ده و شوف كدا لو فيه نقط ميه دخلت جوه العربيه من الجنب ده يبقي الجلد في مشاكل و مش مطبع علي بعضوا كويس و قولي عملت ايه

الباب كان فى حكة مش ظاهرة الا لما تقرب منها يعنى لو واحد اتعلم السمكرة امبارح هيعملها كويس وماكنش ناحية القايم ولا السقف على مستوى اكصدام عربية بلونيز و فى نص الباب

الصوت وااااااااضح جدا انه من الازاز فوق على الباب اللى ورا يميين حتى وهو بيجرب العربية كان فاكر انى مش قافل الازاز كويس بس صباح البطاطا اى كلام وخلاص.

المشاركة الأصلية كتبت بواسطة toreador

انا لما كنت هاعملها قالولى من 3000 ل 4000 دا على اساس انى كنت هاغير تيل فرامل بليية وشداد البلية ولما قلتلهم دا كتير جدا قالو انة شداد البلية والبلية لواحدهم ب 1500 ج وتيل الفرامل بمصنعياتة ب 475 فقررت انى اعملها برة وكلفتنى حوالى 1200 ج بس من غير البلية وشداد البلية ....ممكن تقولى سعرهم كام فى الصيانة ؟

الرقم دة كبيير اوى هم بيقولو ارقام كبيرة عشان تعمل حسابك بزيادة.
فلتر البنزين تقريبا ب 120 وزيت 5 مع فلتر بحوالى 350
يعنى بلية وشداد ومعاهم كمان سير ب 1400 تقريبا بس مش عارف لوحدهم بكام.