ظلمت التوكيل ! اعادة تفكير في صيانة 40 الف في التوكيل - ايه رايكم ؟

**CryptonX** · 14-07-2008 03:38 PM

كنت عملت موضوع بستفسر فيه عن صيانة ال 40 الف في سيارتي
فيات باليو 1242 سي سي فاير - برازيلي

و كنت سالت التوكيل قالولي اللستة الي فاتت و قالتلتي الانسة 1800 جنيه من غير مصنعيات و لا ضرائب !

طبعا اتجننت و عملت الموضوع هنا علشان كدة !

بس اضطدح اني سمعت غلط او افهمت غلط !

انا عديت علي التوكيل انهاردة قلت اسأل .

قابلت مهندس الصيانة وقالي اللتسة بالتفصيل اهيه :

- سير كاتينة
- بلية كاتينة
- سيور : دينامو - تكييف - باور و حاجة كمان !
- زيت موبيل 1
- فلتر زيت
- فلتر هواء
- فلتر بنزين
- بوجيهات

- كشف علي الفرامل و المساعدين و العفشة
- كشف علي كومبيوتر السيارة
- كشف على اجزاء السيارة الخارجية

كل قطع الغيار بما فيهم البوجيهات
ماركة Fiat/AlfaRomeo
و هي ايطالي 100% بضمان سنة علي كل واحدة علي حدة .

الثمن الكلي : 1200 جنيه مصري

بالمصنعيات و الضرائب : 1450 جنيه
زمن العمل : 4 ساعات

-------------------------------------
المهم فرحت سنة ,, و قلت برده اروح اسأل علي نفس الحاجات برة .

رحت للحاج مهدي في شارع دمشق .. رصيتله نفس اللستة
ماعدا طبعا الكشوفات و فلتر الهواء حيث اني مركب واحد اصلا .

قالي حوالي 650 جنيه مصري - و قولوا 100 للصنايعي يعني بتكلم ب 750 جنيه مصري ( بالزيت )
بس قطع الغيار دي BOSCH و MEYLE الماني .

فايه رايكم ؟؟؟

اخليني في التوكيل اغلي و اضمن ؟؟ و لا برة ؟؟

انا كنت بفكر اجيب كل الحاجات من برة ماعدا سير الكاتينة اجيبه من التوكيل خوفا من ان ده اهم حاجة فيهم ؟؟

ايه رايكم ؟
اسف لاعادة الموضوع و الاطالة .

**hazem_khidr** · 14-07-2008 03:47 PM

روح غيرهم بره يا كريم
حتي سير الكاتينه
اسم مايللي او بوش مش اسم اي كلام
بس لازم صنايعي كويس هو اللي يركب الحاجات دي

**CryptonX** · 14-07-2008 03:51 PM

المشاركة الأصلية كتبت بواسطة hazem_khidr

روح غيرهم بره يا كريم
حتي سير الكاتينه
اسم مايللي او بوش مش اسم اي كلام
بس لازم صنايعي كويس هو اللي يركب الحاجات دي

طيب الله يطمنك يا حازم ! ان شاء الله

الصنايعي هو الحاجة الوحيدة الي مفيش خوف منه راجل والله زي العسل و امين جدا ! و اسعاره حنينة .

المشاركة الأصلية كتبت بواسطة mohamed ibiza

من الاخر طالما فيها meyle يبقي اعملها برا meyle شركة معدية و جودة منتجاتها عالية جدااااااااااااااااااااااا ااااااااااا و كمان هتوفر النص تقريبا بس لو ادالك حاجة bosch اتأكد انها مش صيني يعني انا رحت اجيب كلاكس لل 280 الراجل بطل يجيب bosch عشان صيني و اداني واحد فرنساوي و meyle انا مجربها و بجيب كل قطع العفشة meyle وفر و اتوكل علي الله و اعملها برا بس لو لقيت بديل لل bosch سواء الماني او ايطالي هاته بدل bosch لانها مش مضمونة و كلها صيني انما meyle متخافش منها الماني 100% و لو عايز نمر توكيل meyle و عنوانينهم اديهملك

منا عارف يا محمد انا بس مقلق علشان موضوع الصمامات الي انت خوفتني بيه ده :)
بس المشكلة ان انت عارف ان عربيتي ملهاش قطع غيار بحد ذاتها يعني مشاركة كذا حاجة في فيات .. فبخاف حد يديني حاجة مش بتعاتها ولا كدة مش اكتر .

هو قالي في الاتنين بوس و مايلي .. بس طلاما كدة حجيب مايلي

و في ماركة فرنساوي تانية برده اسمها " VALEO " و دي ماركة الديسك الي راكب عندي ( الدبرياج ) .

الف شكر يا محمد .