الموضوع: معلومات عن i10

انا متاكد من موضوع الmp3 و بالنسبه للكوتش هو 155 مش 175 لانه لو 175 يبقى كويس اوى على العربيه فيلريت حضرتك تتاكد من القاس و تقولى لان لو ينفع 175 انا هايغيروه بكره :)

أه معلش انا كان قصدي 155/75

والمقاس اللي مكتوب على القايم 165/60/r14

انا كان نفسي اغيرو بس في التوكيل قالولي لا هاتطلع من الضمان :(

المشاركة الأصلية كتبت بواسطة il_capitano

والمقاس اللي مكتوب على القايم 165/60/r14

انا كان نفسي اغيرو بس في التوكيل قالولي لا هاتطلع من الضمان :(

والله انا كبرت دماغى منهم و ركبتالها جنوط علشان تثبت شويه

المشاركة الأصلية كتبت بواسطة IL_Capitano

بص يا سيدي انا معايا موديل 2011 اوتو هاف اوبشن

الـ i10 عموما فيها فئتين بس وهما زي بعض بالظبط سواء اوتو او مانيوال

الفرق بين الفئتين ان الفل اوبشن بيزيد عليها:

2 ازاز كهربا خلفي

مرايات كهربا

فوج لايت

RPM

مساحة للزجاج الخلفي

سنتر (والهاف اوبشن على فكره فيها لوك للأطفال بيبئا زرار كده بتلاقيه وانت فاتح الباب بيخلي الباب ميفتحش من جوه خالص)

مساند رأس للكنبة

الفروقات ديه هي هي بالظبط في المانويال والاوتو

التكييف كويس بس طبعا بيأثر على الموتور لو في مطلع مثلاً بحب اطفيه

الثبات كويس والدركسيون بتاعها ممتع جداا هو باور كهربا

بالنسبة للعفشه هو العيب مش فيها بس العيب في الكاوتش النكته اللي بتيجي بيها بحس انو كاوتش موتوسيكل رفيع اووي بيحسسك بكل حاجه في الأرض 175/55/r13 وممكن يركبلها r14 ومكتوب المقاسات بتاعتو بالظبط على قايم العربيه بس عمك غبور ربنا يكرمو مش بيرضا يغيرو ويقولك هاتطلع من الضمان فهاتضطر تفضل بنفس المقاس التحفه ده

الكاسيت مفيهوش وصله AUX هو راديو CD بس انا بشغل MP3 على الولاعه وصوتو حلو اوي حتى لو الاريال مفكوك مش بيأثر على الصوت خااالص

فيها اتنين Speaker في البابيين الأماميين

وطبعاً الاكصدام دلوئتي كلو مرشوش بلون العربيه

الفرش جلد في قماش وشكلو شيييك جداا

امممم وايه كمان يا سيدي؟؟

أي سؤال عندك قولي وانا اجاوبك على طوول :)

اولا شكرا علي الاهتمام
ثانيا معني كلامك ان المانيوال هاف أوبشن فيها زجاج كهرباء أمامي ؟؟؟طب دي حاجة جديدة في موديل 2011 ؟ قبل كده كانت الهاف مفهاش زجاج كهربا خالص ! ياريت تأكيد ، بالنسبة لل ‏mp3 انا كنت اقصد لو CD معمول mp3 مش audio هيشتغل ولا لأ مش قصدي علي aux ، في حاجة تانية اصلي كنت سمعت إشاعة ان الدفعة الجديدة من موديل 2011 هيبقي فيها تغيير في شكل الفوانيس ، حد سمع الكلام ده ؟ أخير ياريت لو تعرفو سعر الهاف و الفول مانيوال دلوقتي كام و شكرا تانيييي

المانيوال الهاف اه فيها زجاج كهربا امامي مش عارفه ديه جديده في 2011 بس ولا كانت من زمان بس انا شفتها لما جيت اشتري وكان فيها كهربا امامي
بالنسبة للـ cd لو معمول mp3 مش عارفه بصراحه وللأسف مش هاعرف اجرب لان الـ cd عندي باظ بسبب مطب غبي خدتو وهو شغال فبطل يشتغل بس الراديو شغال تمام

بالنسبة للشكل الجديد هي فعلاً نزل منها شكل جااامد مووووت بس بره لسه منزلش مصر ومعنديش فكره بصراجه هاينزل مصر وللا لا وامتا

بالنسبه للأسعار انا لما جبت بتاعتي في شهر 8 كانت 67 ونص اوتو هاف اوبشن وكان الفرق بينها وبين الفل 6 الاف جنيه

والسعر دلوئتي زاد 3 جنيه تقريبا في كل الفئات

ممكن تتصل بغبور يقولوك الاسعار بالظبط في التليفون على طول لاني معنديش فكره عن اسعار المانيوال

المشاركة الأصلية كتبت بواسطة mohamedaghali

والله انا كبرت دماغى منهم و ركبتالها جنوط علشان تثبت شويه

ركبتلها جنوط مقاسها ايه؟ وايه اخبار الثبات؟؟

عشان انا اللي كنت عايزه اعملو اني اركب جنوط 14 واجيب كاوتش بيريللي 165/60 بدل الكومهو التعبان ده

السعر زاد 3000 في كل الفئات ؟؟؟ آخر رقم كان في أخبار السيارات من اسبوع ان المانيوال هاف 58900 و الفول 63900 !!!!!! طب ياريت لو حد يعرف موزع معتمد يسألنا عنده علي حكاية الشكل الجديد و حكاية السعر ، أصل ممكن غبور مايعلنش حكاية الشكل الجديد دي لأن الشكل القديم لسه موجود كتير عند الموزعين و المعارض

أخيرا بس سؤال هو اي حاجة بسيطة تتعمل في العربية تخرج برة الضمان بسهولة كده ؟ يعني تغيري مقاس الكاوتش يضيع الضمان ولا عشان هاتغيري الجنط؟ يعني مثلا لو ركبت سنتر اخرج برة الضمان ؟ طب هو ينفع يتركب في التوكيل ؟