أقالة الرئيس التونسي زين العابدين

**wael17** · 14-01-2011 10:00 PM

ألف مبروك لرجالة تونس...دفعوا تمن الحرية و نالوها
الدور و الباقي علي اللي قاعدين مستنين معجزة تيجبلهم الحرية ببلاش و هم قاعدين في بيوتهم

المشاركة الأصلية كتبت بواسطة wawoo

انا مش فاهم اية الرجالة فى الموضوع .. كل الحكاية ان الجيش هو اللى عمل الانقلاب و الجيش هو اللى يملك القوة فى اى بلد

ببساطة لو كان الجيش مؤيد للرئيس و موالى لة مثل الحال فى بلدنا الحبيب ولا مليون مظاهرة كانت عملت حاجة كان حينزل الجيش ضرب فى الشعب و كلة حيسكت ..

لأ مش الجيش...لو انت متابع هتلاحظ ان المظاهرات دي بقالها كذ اسبوع و مات ناس كتير و برده المظاهرات بتزيد مش بتقل و لما الشعب يصمد و يعاند و بيبقي واضح انه مصمم علي اللي في دماغه مهما كان الثمن الشرطة و الجيش بترتبك لأن في حدود لاستخدام القوة....يعني الحكاية مش سهلة ان الرئيس يصدر امر للجيش انزل موت الشعب و الجيش يقول حاضر...الشرطة و الجيش بيضربوا في المليان و ممكن يموتوا ناس كتير بس لو لقوا الناس مش خايفة و الاصرار بيزيد كل عسكري و ظابط بيبدأ يتردد في تنفيذ الأوامر لانهم في الاخر جزأ من الشعب ده مش جيش احتلال اجنبي أو مرتزقة و أول الجيش و الشرطة ما تظهر عليهم بوادر التردد في قمع الثورة الشعبية الحاكم بيترعب لانه عارف انهم الحاجز الوحيد بينه و بين الشعب و بيحس ان كل ساعة بتعدي ممكن تضيع فرصته في الهروب و ياما حكام شعوبهم اتقلبت عليهم و مالحقوش يهربوا و اتعدموا في خلال أيام معدودة

**ecybrarian** · 14-01-2011 10:00 PM

القصة باختصار..
البداية..

(لاحظوا المحجبات في خلفية الصورة)
محمد بوعزيزي شاب من ولاية بوزيد في تونس لم يتم تعليمه وقام بالعمل بائع خضار متجول ياخذ بضاعته بالدين وفي احد الايام استدان محمد 130 يورو ولما بدأ ببيع الخضار أعتدى عليه افراد الشرطه بتأليب من موظفي البلديه وصفعته على وجهه شرطيه امرأه , توجه الى مقر الولايه شاكياَ ولكن الابواب صدت في وجهه ومنع من مقابلة اي مسئول, قام محمد اثر ذلك بسكب ماده مشتعله على جسده امام مقر الولايه مما اصابه بحروق شديده توفي الى اثرها.

وتندلع المظاهرات في بوزيد وكل تونس مطالبة بحق البوعزيزي..في الصورة التالية يظهر الرئيس الهارب العجوز المتصابي الصابغ لشعره يطمئن على البوعزيزي (احد ضحاياه)

ويسقط في المظاهرات شهيد وراءه شهيد ولكن المظاهرات لا تهدء حتى الخلاص من الطاغية
ط§ظ†طھظپط§ط¶ط© ط§ظ„ظپظ‚ط±ط§ط، : ط§ظ„ظٹظˆظ… ط§ظ„ط³ط§ط¯ط³: ط³ظ‚ظˆط· ط¶ط.ظٹط© ط«ط§ظ†ظٹط© ظ„ظ„ظپظ‚ط±ط§ط، ط¨ط³ظٹط¯ظٹ ط¨ظˆط²ظٹط¯ | Facebook

بس خلاص

**akramlail** · 14-01-2011 10:01 PM

اخبار عن اعتقال اصهار واقارب بن على ورفض قائد الطائرة الاقلاع بها لحين القبض عليهم

**walidzakzok** · 14-01-2011 10:02 PM

المشاركة الأصلية كتبت بواسطة baskota

تفتكروا لو الناس هنا عملت مظاهرات واتجمعوا وطالبوا بالاقالة
حد هيسمعلهم او هنوصل لنتيجة ولا الضرب هيشتغل والاعتقالات ويبقا الحال على ماهو عليه

تخيلي ان محافظات مصر كلها حصل فيها زي اللى حصل فى تونس... ساعتها هيلمو مين والا مين

بس دة مستحيل يحصل للاسف الناس دي نجحت فى جعل الانسان المصري ليه هدفين فى الحياة وهي الاكل والجنس... لازم تشتغل عشان تاكل ولازم تشتغل زي الحمار لحد اواخر التلاتينات لو عايز تتجوز

**Dr Zezo** · 14-01-2011 10:09 PM

تقصد طريق صلاح سالم ولا ايه؟

قصر الرئيس في مصر هو قصر العروبة .

يا استاذ ازاى ييجى فى دماغك ان العدد الكبير ده مفيش ادامه قائد يحركه
وازاى ييجى فى راسك ان الثوره دى من غير تدبير
اسمحلى ده تفكير ساذج منك
او تمنى فشل الموضوع لان الوضع القديم احتمال يكون عاجبك

الوضع القديم بالطبع لا يروقني اطلاقا
و كنت بالسيارة لدي سماع الخبر

و عندما ترجلت منها قمت بالركض في قلب الشارع سعيدا - حتي ظن البعض اني من المجاذيب -

لكن هناك فارق بين الفرحة و التخطيط السليم للامور

و اسمح لي بالسؤال
وهل لدي حضرتك خلفية عن سبب بداية الاحداث لتعلم ما سبب تطورها في تونس ؟ و متي بدأت ؟ و كيف سارت الامور؟

و ما طيبيعة الحكم في تونس ؟
و ما هي المعارضة في تونس ؟ و اين تقيم ؟

و ما تركيبة السكان في تونس ؟
و ما نوعية تعليمهم ؟
و مركز تونس علي المستوي العربي في التعليم
و كم تبلغ الميزانية التونسية ؟ و مصادرها
و ما هي المشاكل التي سببها بن علي و زوجته في الحكم ؟

اذا لدي حضرتك الاجابة عن الاسئلة السابقة اذن توجد خلفية نستطيع التكلم منها

و يوجد موضوع في الاخبار المنقولة موضوع قبل هذا الموضوع بعدة ساعات و قبل مغادرة الرئيس التونسي للبلاد

به مشاركة تتنبأ بذلك

و بالامس مشاركة اخري في موضوع عن العنف في المظاهرات و سقوط الانظمة و الاستعانة بالجيش

المغزي : ما حدث شئ جميل يضرب مثالا لمن لا يقرأ من المصريين و يخبرهم عن ماهية الطريق الذي يجب ان يتحركوا فيه ؟
لكن لابد ايضا من الاستفادة من اخطاء او لنقل تجارب الاخرين

و نري كيف اخطأ عمر مكرم بعد ثورة المصريين و اسقاط المماليك 1805 ثم اتي بمحمد علي

و كيف سقط محمد علي و اولاده فيما بعد 1840
و كيف سقط عرابي 1882
و لماذا لم ينجح سعد زغلول 1923
و لماذا لم ينجح ناصر 1967

و لماذا امريكا مستمرة بالنجاح و الارتقاء منذ توقيع ميثاق الاستقلال في 4 يوليو 1776!!

لماذا لا تستضيف مصر زين العابدين بن علي؟؟ مجرد سؤال..كما اقترح ايضا عمل كورسات تدريبية للحكام العرب في مصر من اجل مزيد من الاستقرار في المنطقة

في راديو مصر بعد رحيل الرئيس اول سؤال للضيف التونسي :

كيف السبيل لارجاع الاستقرار في تونس

**wael17** · 14-01-2011 10:11 PM

المشاركة الأصلية كتبت بواسطة baskota

تفتكروا لو الناس هنا عملت مظاهرات واتجمعوا وطالبوا بالاقالة
حد هيسمعلهم او هنوصل لنتيجة ولا الضرب هيشتغل والاعتقالات ويبقا الحال على ماهو عليه

طب ماهو الشرطة في تونس بتضرب في المليان بقالها كذا اسبوع و ناس كتير ماتت
الحكاية مش مظاهرة يومين وخلاص لأا دي بتبقي زي صراع ارادات
المسألة بكل بساطة ان لو الشعب أصر علي التغيير و جمد قلبه و قرر انه يمشي في السكة للاخر أكيد هيكسب...انما لو اتعملت مظاهرة و مع اول رصاصة و اول قتيل الناس جريت علي بيوتها يبقي مفيش فايدة

اللعبة كلها بتبقي صراع ارادات و لو الشعب كمل هيوصل لنقطة محددة بتبدأ عندها بوادر ارتباك و تردد علي الشرطة و الجيش لانهم مش مستعدين يبيدوا الشعب علشان خاطر الحاكم و أول ما الحاكم يقول اضرب و يلاقي الجيش مش راضي ينفذ بيجهز شنطته و يهرب قبل ما يتمسك....يعني الحكاية ببساطة من يخاف الأول الشعب ولا الجيش

**M.Mostafa80** · 14-01-2011 10:13 PM

لنا الله وربنا قادر على كل شئ

**wael17** · 14-01-2011 10:18 PM

المشاركة الأصلية كتبت بواسطة m.mostafa80

لنا الله وربنا قادر على كل شئ

في فرق كبير بين التوكل و التواكل
اعمل اللي عليك و بعدين قول يا رب وفقني
لكن نحط ايدينا علي خدنا و نقول سيبها علي الله يبقي هنفضل زي ما احنا و العالم كله بيتغير حوالينا

**crazylambada** · 14-01-2011 10:33 PM

مع اصرار الشعب التونسي
لاول مره في التاريخ الجيش التونسي يتصدى للشرطه للدفاع عن المظاهرات و اقاله رئيس اركان الجيش التونسي لرفضه الهجوم على الشعب
يا جماعه دي ملحمه بجد و ناس رجاله