أقالة الرئيس التونسي زين العابدين

**samcar** · 15-01-2011 02:16 AM

المشاركة الأصلية كتبت بواسطة most_h

يا رجالة طول مالعيش موجود، مفيش حاجة هتحصل

القلق يبدأ لو مبقاش في عيش

احنا شعب بيجرى على أكل عيشه

صح ميه الميه - عبد الناصر قالها - اماسك الشعب ده بلقمة عيشه - الله يكحره

احنا اخرنا نلعب حواجبنا

الانتفاضه الوحيده كانت سنه 77 وكلاب الصحافه مشيوا ورا السادات وطلعوا عليها انتفاضة الحرميه - احنا شعب كاره بعضه

**abo_anas** · 15-01-2011 02:20 AM

المشاركة الأصلية كتبت بواسطة A.Saad

ومين قالك ان احنا هنخليه يدخل

اوامرك ياكبير مفيش اى جمل هيدخل هنا اليومين دول علشان القلق ده وبعد مايخلص القلق نبدأ نقرر ونشوف البطايق الاول.

**samcar** · 15-01-2011 02:20 AM

المشاركة الأصلية كتبت بواسطة wawoo

انا مش فاهم اية الرجالة فى الموضوع .. كل الحكاية ان الجيش هو اللى عمل الانقلاب و الجيش هو اللى يملك القوة فى اى بلد

ببساطة لو كان الجيش مؤيد للرئيس و موالى لة مثل الحال فى بلدنا الحبيب ولا مليون مظاهرة كانت عملت حاجة كان حينزل الجيش ضرب فى الشعب و كلة حيسكت ..

و هو دة اللى بضبط حصل فى ثورة 23 يوليو ..يعنى من غير دعم من الجيش ولا فى رجالة ولا فى اى حاجة

دة انقلاب عسكرى زية زى اى انقلاب و ببساطة ممكن الجيش يستولى على السلطة الان فى تونس مثل ما حدث فى مصر بالضبط

جيش ايه - الجبش بتاعهم خارج اللعبه - راجع تسلسل الاخبار

المشاركة الأصلية كتبت بواسطة dr zezo

حضرتك متقلقش ابدا

كل ما يحدث الان مقدمة للاعصار الكبير

هو بالضبط ما تحدث عنه العبقري جمال حمدان عام 1969 " من زمان اووي و كنا اكبر و اقوي الدول العربية في كل شئ "

هذا هو التحدي العربي

فالرجل و كما اوضح ان مصر لا تتغير بمزاجها بدا

اما بضغط اجنبي

و اما نتيجة موجة واسعة من التبرم الداخلي نتيجة الضغط العربي " الذي توقع حدوثه " من خلال ثراء و تقدم في كل مجالات في الدول العربية
و بقاء مصر في القاع

بما ينشئ موجة من الضغط تجبر مصر علي التغيير

من زمان و انا حاسس انها مش مكتوبالك يا جيمي

جما حمدان كان دماغ- بس للاسف البعد الاسلامى غايب عن حساباته- الفلاسفه بينهم وبين التدين مشاكل

المشاركة الأصلية كتبت بواسطة ecybrarian

لماذا لا تستضيف مصر زين العابدين بن علي؟؟ مجرد سؤال..كما اقترح ايضا عمل كورسات تدريبية للحكام العرب في مصر من اجل مزيد من الاستقرار في المنطقة

مش كفايه السادات اللى استضاف الشاه- بس والله فكره - اهو الشاه كان وشه حلو - ومشى من هنا وصاحبه حصله -

اهلا بالريس زين العابدين -

**abo_anas** · 15-01-2011 02:33 AM

المشاركة الأصلية كتبت بواسطة samcar

مش كفايه السادات اللى استضاف الشاه- بس والله فكره - اهو الشاه كان وشه حلو - ومشى من هنا وصاحبه حصله -

اهلا بالريس زين العابدين -

+111111111111

اهلا اهلا اهلا اهلا بأعز الحبايب اهلا

اهلا

اهلا

أعلن مصدر سعودى اليوم، السبت، أن الطائرة التى تقل الرئيس التونسى زين العابدين بن على، الذى فر من بلاده إثر انتفاضة شعبية، حطت فى مطار جدة غربى المملكة العربية السعودية.

وقال المصدر لوكالة فرانس برس، طالبا عدم الكشف عن هوايته، أن الطائرة التى تقل الرئيس بن على حطت فى جدة"، بعدما غادر الرئيس زين العابدين بن على تونس إثر أسابيع من الاحتجاجات الدامية، فيما أعلن رئيس الوزراء محمد الغنوشى تولى السلطة مؤقتا.
اليوم7

**karim fathy** · 15-01-2011 02:40 AM

اة تونس اختارت التغير و مصر برضو اختارت اختارت شيبسى بالجمبرى يعنى احنا كمان اتحركنا اهو و مش سكتين !!!!!!!!!

**AhMeD EzZ** · 15-01-2011 02:42 AM

المشاركة الأصلية كتبت بواسطة salmay

بجد شباب ميه ميه الكلام ده مش هيطلع غير من ناس فاض بيها.

هو احنا لسه مافضش بينا ولا ايه؟؟؟؟ :copy of rfds::copy of rfds::copy of rfds:

انا الدور فاتنا من زمااااااااااااااااااااااا اااان
رجالة تونس الي ثارت دي دخل الفرد فيها 3 اضعاف الفرد في مصر
يبقي دورنا فات و لا لا

**samcar** · 15-01-2011 02:47 AM

المشاركة الأصلية كتبت بواسطة dr zezo

حضرتك افتح قناة تونس 7 الان و استمع الي استغاثات المواطنين من العصابات المنتشرة و السرقات و التعدي
و مطالبة البعض للجيش - علي الجزيرة - بحماية الامن العام

هذه اعراض جانبية للحدث تحدث في كل مكان

بص دول يا ما اسر الفاسدين وخايفيين من انتقام الشعب
او فى مليشيات موضبها النظام لترويع الناس علشان تبقى حجه لاستخدام السلاح وقمع الثوره الحقيقيه

- المفروض القوى الوطنيه تلحق تتدخل قبل ما باقى كلاب السلطه- اللى باسهم بينهم شديد ما حد منهم يركب الموجه ويضيع على الشعب صحوته

المشاركة الأصلية كتبت بواسطة wawoo

لية ميكونش فى ايدى خفية هى اللى حركت الثورة دى فى تونس
و كلنا شوفنا ازى الحادث الارهابى تحول الى مظاهرات بعد ايام قليلة فى القاهرة و كأن الهدف كان احداث نفس الفوضى اللى حاصلة فى تونس الان

اصل مش ممكن تكون صدفة ان الجزائر و تونس و مصر و كمان فى الاردن مظهارات فى وقت واحد كدة و اببداية كانت جريمة ارهابية فى الاسكندرية طيبة لية اسكندرية لية مش القاهرة لية مش اى كنيسة فى اى محافظ

ببساطة للان الاسكندرية كانت محتقنة بالفعل بسبب حاادث خالد سعيد من قبل

واضح ان هناك من يخطط بعناية لهدف واضح

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!- لو الهدف حتكون نتيجته الاطاحه بالانظمه الفاسده - اهلا وسهلا
ولا انت شايف ايه ؟؟؟؟؟؟؟؟؟؟؟؟؟؟؟؟

**ahmed1981** · 15-01-2011 02:50 AM

الحمد لله والشكر لله
ونعوذ بالله أن نكون من الشامتين

المشاركة الأصلية كتبت بواسطة karim fathy

اة تونس اختارت التغير و مصر برضو اختارت اختارت شيبسى بالجمبرى يعنى احنا كمان اتحركنا اهو و مش سكتين !!!!!!!!!

ههههههههههههههههههههههههه ههههههههههههههههههههههههه ه

فعلاً مصر إختارت طعمها برضه
إحنا ما بنلعبش
إحنا بنقرمش

**samcar** · 15-01-2011 02:52 AM

المشاركة الأصلية كتبت بواسطة akramlail

حد فاكر حلقة 90 دقيقة اللى عملها فى تونس من كام شهر وكانوا طالعين يقولوا ان الدنيا وردى وتونس زى الفل والمراة واخدة حقها وكلة تمام ياريس وشكر وتفخيم فى الرئيس وبعدين يحصل كدة !!

معتز ده اصله مذيع كفته - البركه فى محلول معالجة الجفاف اللى ماما كريمه كانت بترضعه له