الموضوع: حادث سيراتو هو في اية

حضرتك انا مالك و عارف العربيتين كويس
الصاج معروف ان البومه ورق ولله من لسان تاجر سيارات حوادث بيقول الفرنا شاسيها محمل عن البومه(كلام لا استطيع التصريح بيه و انا مالك للانسر)و هي فعلا ورق انزل اي منطقه سمركيه و اتفرج عليها اما السيراتو 1325 كيلو يا راجل راحو فين دول
اما عن الثبات انا كان معايا ال1.3 و شايف ان السيراتو اثبت منها بكتير اما ال1.6 عفشه رياضيه و وزنها زياده 100 كيلو اكيد هيكون في فرق بس انا مجربتش عشان كدا مش هقدر احكم لكن علي حد نظري ان الثبات في المنحنيات الشديده هيكون لصالح البومه ال1.6 لانه يعد عيب في السيراتو اصلا
اسف علي الاطاله
تقبل تحياتي
وشكرا

يا باشا بما انك كنت مالك للانسر البومة ف اكيد انت تحكم عليها اكتر منى بكتير بس انا كنت بتكلم يمكن من خلال تجربتى مع لانسر بومة 2006 الــ 1600 سى سى , لانها كانت معايا فترة و فعلا كنت و مازلت منبهر بيها كأداء و نعومة و ثبات و كل حاجة و ممكن اكون مش موضوعى ف الحكاية دى بس فعلا العربية دى بحترمها جدا ,

يا جماعة الخير ليه الخلاف

مفيش مشكله خالص كل واحد مشتري السيراتو وعجباه ربنا يباركله فيها ويديله خيرها ويكفيه شرها

أما بقى إنها مش ثابته وإنها وحشه دي وجهات نظر ومحدش يزعل

كل واحد بيحكم من وجهة نظره بس أغلب ملاك الكيا السيراتو مبسوطين جدا بثباتها وأنا واحد منهم وما بشتكيش من أي حاجه الحمد لله لا في ملفات ولا في غرز وعلى سرعات لحد 210 وربنا يسترها معاكم ومعانا
ويعوض عل صحاب العربيتين

قولو أمين :)

آميييييين الحمد لله يا think_pad مفيش خلاف من اللى بيزعل الناس من بعضها الحمد لله و انا مقتنع جدا بان كل عربية فيها مميزاتها و عيوبها اللى اكيد بتبقى مناسبة اللى سايقها جدا لسبب بسيط انه فضلها عن غيرها من فئتها السعرية , بس الخلاف اللى بيننا الخلاف اللى بيقولوا عنه لولا اختلاف الاسعار لبارت السلع , و الاختلاف ف الرأى لا يفسد للود قضية , و ربنا يديم بيننا كل خير و نستفيد من تجارب بعض , بس عموما يا سيدى انا بحب عربيتى و شايف انها احسن عربية ف الدنيا ( مش اوى كدة بهزر طبعا ) بس اقصد انى مقتنع بكلامك اوى اوى ,

معلش يا نورمال هو واضح كده انه موضوع متجدد بيتعمل مع كل دفعة سيراتو بتيجى من كوريا و تتباع فى البلد

على فكرة يا AmrStYliSh باشا و NoRmAl باشا ربنا يباركلكم ف عربياتكم و يديكم خيرها و يكفيكم شرها برغم انها يمكن جاية متأخر شوية بس انا مش بعيب ف عربياتكم بس يمكن هيا بمميزاتها و عيوبها متناسبنيش انا , بس انما هيا عربية عاجبة ناس كتير .