YouTube - ‫ط.ط§ط¯ط«ظ‡ ظپظ‰ ظ…ط¯ظٹظ†ظ‡ ط§ظ„ط¹ط§ط´ط± ظ…ظ† ط±ظ…ط¶ط§ظ†‬‎
الهم احفظنا
هو فية اية انا كانت دماغي بتزقزق نحيتها لكن دي اكتر عربية عمال اشوف لهيا حوادث
لكن بصراحة والحق يتقال واضح ان السفتي بتاع العربية عالي
عرض للطباعة
YouTube - ‫ط.ط§ط¯ط«ظ‡ ظپظ‰ ظ…ط¯ظٹظ†ظ‡ ط§ظ„ط¹ط§ط´ط± ظ…ظ† ط±ظ…ط¶ط§ظ†‬‎
الهم احفظنا
هو فية اية انا كانت دماغي بتزقزق نحيتها لكن دي اكتر عربية عمال اشوف لهيا حوادث
لكن بصراحة والحق يتقال واضح ان السفتي بتاع العربية عالي
نسيت دول
YouTube - ‫ط.ط§ط¯ط« ظƒظٹط§ ط³ظٹط±ط§طھظˆ ظˆط¨ظٹط¬ظˆ‬‎
___________________________________________
YouTube - kia cerato Accident
لا حول والا قوه الا بالله ربنا يسترها علينا جميعا
لا حول ولا قوة الا بالله اللهم ارحمهم جميعا واشفى المريض منهم
بصراحة مش لاقى كلام اقوله بس ده ممكن يحصل لاى عربية مش السيراتو بس
ياريت يا جماعة بلاش جرى مهما كانت العربية ايه لان 90 % من الحوادث السرعة الجنونية
يا جماعة لازم نعترف بان السيراتو اثبتت فشلها الزريع فى العفشة وفى الثبات بتاعها والسوق كله يعلم ده دلوقتى وغير كده تبقى نزعة غير صادقة للدفاع الغير فعال للسيراتو
السلام عليكم
حضرتك ثبات اه اللى على 160 و داخل على صنيه فيها قضبان قطار و بيخمس فيها على 160
اتحد اى عربيه متتقلبش اصلا فى الحركه دى دى الكوتشات مفرقعه و السبب اتقال انه كان على سرعه عاليه و فقد السيطره
و ده ممكن يحصل مع اى عربيه لانه خطا سواق
و لو عوزيم اجبلكم حوادث كتير لانواع مشهوره و غاليه بملايين و مقلوبه و مفعوصه و مطبقه خالص عادى جدا
بس هل ساعتها هتقدر تقول على فرارى او لامبورجينى او بورش او غيرهم عامتا بسبب حادثه فرديه انها اثبتت فشلها و ما الى ذلك و انها مفيهاش ثبات و كده ..........
حضرتك الكاوتشات مفرقعه فى اول حادثه و بتاع ال 131 هو اللى غلطان و دخل فى السيراتو و الكاوتش فرقع و اكيد على سرعه لو كاوتك فرقع و انت على سرعه و معرفتش تتصرف ممكن تتقلب طبعا ,لا دا كمان واحد خبط جامد و ساعة انت ما تتخبط مبتبقاش فاهم حاجه و مخضوض و مبتعرفش تتصرف اصلا و بعديد لما واحد يخبط و يطلعك على الرصيف و كاوتشك يفرقع اكيد ممكن تتقلب خصوصا انهم كده شكلهم دخلو فى بعض من تقاطع 90 درجه
و بالنسبه للحادثه بتاعه قضيب القطار غلطة سواق اكيد لانى عمرى ما شفت المنظر ده قبل كده
و عموما يا جماعه فى الحادثه التالته السيراتو الحمرا الكابينه سليمه مش زى العربيه التانيه الكابينه راحت فى داهيه و اللى فيها ربنا يتولاه
و فى الاو و الاخر ده عمره و قدره باذن الله
ان لله و ان اليه راجعون
و نصيحه باش المواضيع دى
و حوادث اعربيات كترت اصلا اوى
و اكيد الحوادث الاكتر من نصيب الفرنا و الانسر و الالنتر و السيراتو و اى عربيه منتشره
و ده ميعبهاش و لكن بما ان كل الشعب ركبها فهتلاقى عيال ركبوها و قلبوها او ناس اول مره تركب او ناس ماجره عربيات و مش هاممها او ناس طايشه او ظروف حادثه او غيرها و غيرها .....
و نسبة الحوادث بتقل فى العربيات الغاليه اوى عشان محدش قادر يجبها و عددها قليل جدا بالمقارنه بالعربيات الكورى
يعنى على طريق السفر عمرى ما شفت عربيه مرسيدس او باسات و انواع غيرها تانيه بتزود عن 90 او 80 او 100( فى طريق السفر)(( و نادر اوى لما تلاقى حد بيجرى منهم و غالبا بيكون شاب روش و بيروش)).لان اغلبهم بسواق خصوصى او تبع شركه و اكيد بيسوق بقاله سنين و خبره جمده و مبيجريش عشان يحافظ على اكل عيشه او عشان العربيه اى حاجه فيها غاليه جدا ,او راجل كبير وخد العربيه انها منظره فقط زى رجال الاعمال ,و على النقيض بنلاقى الشباب اللى معاهم العربيات الكورى بيجرو جامد جدا و يقفلوا عدادات و سرعات فى طرق مينفعش الجرى فيها
يعنى المشكله مشكلة سلوك اللى سايق و قلة خبره و انتشار العربيات لنوع معين بكثره رهيبه زى الانواع اللى انا ذكرتها
انا مش بنتقد حضرتك بس انا كنت حيادى و ذكرت الاسباب اللى انا شايفها من وجهة نظرى
و لازم نفرق ان العربيات بيركبها اى فئه من الناس و بعد كده تحكم
يا راجل الواحد بيبقى واقف على جنب او راكن و تلاقى حد متهور بتاكسى او مكروباص عمل الواجب و جرحلك العربيه و بهدلها و عمرك اصلا فى اى حادثه ما هتاخد مليم احمر من اللى غلطان لان القانون اخره يعملك محضر و شكرا على كده
و اللى خبطك و غلطان يمشى عادى دا غير البهدله فى القسم و حجز العربيات لمده كام يوم و فى الاخر ترجع(( بخفى حنين))
و ناس كتير بتطلع رخصه و هى ملهاش فى السواقه و بتبهل الشوارع و هى بتتعلم و الناس دى كترت اوى اوى
بجد خلاص الواحد زهق و هو ماشى بالعربيه او على رجله حتى فى الشارع
تلاقى اللى بيرمى العربيه عليك و اللى بياخد غرزه و مبيبصش فى المرايا اصلا و غير كده شتيمه رهيب و قلة ادب و هما غلطانين ,و كمان سلوك الناس بقى وحش او اوى فى اى حته و زحمه و محدش مستحمل حد اصلا,
و ارجوا ان تتقبل كلامى بصدر رحب و كلامك كله على عينى و على راسى
و السلام ختام
العربيه دي جميله جدا بجد
بس الحق يتقال ثباتها وحش بجد
وفي حاجة مهمة وسيئه جدا فيها والي مجربها هيفهمني
طبعا الاسفلت بتاع جمهورية مصر 80% بايظ بسبب النقل وفيه تعريجات كتيره .... لو مسافر علي طريق مستقيم وفيه التعريجات دى هتلاقي العربيه بتحدف حدفه غبيه معاه وغير ثابته عليه اطلاقا من بعد ال90 100 ومبتحسش بحدفات الكاوتش اصلا في الطارة بتلاقي العربيه بكاملها حدفت فجآة عن مسارها
انا جربتها مرة وقلبي وقع في رجليا خصوصا اني كنت لسه ماشي علي نفس الطريق بلانسر والاختلاف شاسع بجد
وكراسيها غير مريحه
انما العربيه كااستجابه وشكل ورفاهيه ممتازة
يا جماعه الموضوع و ما فيه ان السيراتو حلت محل البومه اي ان
البومه اول ما نزلت في نهايه 2003 حصل بيها بردو حوادث جامده كتير و طلع عليها نفس الكلام بس الفرق ان البومه ورق و كان الي فيها بيتبهدل اما السيراتو بسم الله ما شاء الله محمله كويس و باين اوي في الفيديوهات ان الصاج بتعها محمل كويس
دا شئ عادي كدا شوفو كام سيراتو في البلد انا اراهن ان لو في عربيات مرسيدس في البلد بالعدد ده اكيد هتعمل حوادث صعبه جدا لان السفلي فيها معدي ال200 يعني الحادثه مدمره بمعني الكلمه هنقول بقا سعتها المرسيدس فشله(ملحوظه انا من عشاق مرسيدس للأبد)دا طبيعي للأنتشار يا جماعه زيها زي البومه و الكورولا و الانترا مع فروق طبعا لمن كلهم بيرمو في مصب واحد و هو الانتشار
اما بقا الفرق الي الوم عليه سيراتو ان فعلا عفشتها متخلفه نوعا ما و الكنترول بتاع الدركسيون بتعها مش زي البومه يعني مثلا
انا ايام البومه كنت داخل ملف علي 170 و هو ملف صعب اوي العربيه زحفت و عرضت شويه و كملت ليه؟
لان البومه عفشتها نعمه و بتاخد و تدي يعني بتعمل ليونه علي الملف بتقرص علي المساعد اوي و بتخلي العجل ياكل في الارض جامد و ده الي حصل لي العجل حسيت ان في فيل اعد عليه لان المساعد ضغط عليه اوي و دا بجانب شكل البومه الانسياربي الي بعد السفك علطول في الانسيابيه الي بتخلي العربيه ثابته في الارض كويس
السيراتو ارتفاعها و دي ممكن من اكبر المشاكل الي فيها لان بدي العربيه ممفوخ لوحده زي الكورولا كدا لكن يذيد في دي ان وزنها اتقل و عشان نتغلب علي مشكله الارتفاع لازم نسقط العربيه شويه عشان نعوض فرق الارتفاع لفوق فهتكون انسيابيه الهواء من فوق السياره اعلي و ده انا لحظته امبارح و انا بجرب العربيه علي ملف قاصي علي سرعه لا تدعدي 60كم لكنه قاصي جدا و في مطلع و هنقل التجربه في البومه ال1.3 و السيراتو
البومه كانت زي ما قلت بتاكل في الارض جامد بس كانت بتعدي اما الشئ الوحيد الي خوفني في السيراتو ان العربيه كانت بتحدف في الاتجاه المخالف زياده عن اللزوم دي الي زعلتني منها و طبعا محدش يقول الجنط ال17 معملشي حاجه ليه اظن ان وزن العربيه الكبير ده مش جنط هو الي هيقف ادامه و الحاجه التنيا الي خوفتني ان كان في كمين بعد الملف لكن عديد و الحمد لله
في ملخص من غير فتي
عفشته السيراتو متخلفه نوعا ما لكنها مرضيه
انسيابيه السياره مش اد كدا لكن ممكن اتغلب عليها بالتسقيط
الكنترول بتاع الدركسيون مش اد كدا او ممكن لاني متعود علي دركسيون البومه الاصغر من السيراتو بكتير هي عوزه تركيز و فن و تعود شويه بس
في النهايه السيرتو فعلا عربيه جميله لكن عوزه الي يسقها يكون فهمها كويس زي الفرنا كدا مع فرق كبير طبعا الفرنا بشوف ناس علي 180 اعدين يغرزو غرز موت و مش رحمين الطريق لأنهم عرفين عربيتهم كويس اما الي بيكيب سيراتو لما بيسمع موتورها و يشوف الجنط و الفرامل يقول دي مفيش منها 2 لكن انا صحبي بكورولا الشكل القديم جنط 17 و مخبط تهبيطه سوده علي الطريق عجله فرقعت العربيه ختدها شألبظات في الجو ولا نفع لا 17 ولا تهبيط و من فتره قريبه كرستله معروفه جا عندي في المنصوره جنط 18 و العربيه لو حطيت تحتها ظلته هتحط عامت و طيرت 3 عربيات معاها
المشكله يا جماعه ان الناس بتتغر في السيراتو اوي و ده الي بيسبب كل الحوادث دي و ده ذمب الي اتغر مش العربيه ما الكورولا مفهاش ثبات بمعني كلمه مفهاش ثبات و بتتقلب كتير مع شباب ليه مسكين في السيراتو مش فاهم هي اتعرفت نظمها ايه خلاص ميغركشي ال17 ولا الشكل ولا الفرامل العربيه بردو علي ادها في الثبات شويه اشطا كدا
و حاجه اخيره السياره في الاستريد واي و الملفات العاديه لو ماشي علي 160 ثباتها معقول لكن في الملفات الصعبه و الغرز الصعبه دا فرق اليباني من الكوري لكن لو انت مخترف مش هتخلي في فرق خالص
علشي طولت عليكم يا شباب
ربنا يستر
و كله من ( زقزقة دماغك ) دي
هههههههههههههههههه
انت راجل عسل و اللـه
ده انت طلعت من الزقازيق كمان يا باشا
ههههههههههههههههههههههههه ههههههههههههههههههههههههه ههههه
انا حابب اتكلم عن ظاهرة غريبة ف بلدنا
1000 عربية سيراتو من 2 ونص مليون عملوا حوادث.... تسبتهم قد ايه؟ والشريحة العمرية اللي راكباها شكلهم ايه... يبقى العربية اللي وحشة؟ يا جماعة انا جريت مع العربية دي لحد 205... ف بلاش كل ما عربية تعمل حادثة حالاً نطلق الاحكام "أصل السيراتو دي عربية فاشلة"... لأ هو الفشل فينا... الشباب الصغير اللي انا بشوفة راكبها ده... لقى 115 ألف فييييين؟ اكيد الشاب اللي لسة في الجامعة مبيعملش بيزنس بالشكل ده... يبقى هو مش دافع فيها حاجة... ف يبقى العيب مش في العربية العيب في اهمالنا...اللي يخمس في ميدان ده يستاهل اللي يجراله الصراحة.
الموت مش بعيد على حد... وصدقوني كل عربية في الدنيا ليها حد في السرعة بعده بتلاقي عزرائيل قاعد على الكرسي اللي جنبك وبيقولك اهلاً بيك يا مان
انا مجربتش السيراتو الجديده
لكن تجربتي مع السيراتو كانت عربية اخويا موديل 2006 اوتوماتيك
وفعلا العربية كانت فوق ال 80 ممكن تحدف مني لو الطريق لافف
وكنت بستغربلها جدا جدا
انا سقت عربيات كتير لكن تحدف على 80 و 90 ده يأكدلي ان في حاجه في العربية
اما الموديلات الجديده فمعنديش فكره مطلقا عنها
لكن لو نظام التعليق فيها هوا نفسه المستخدم في القديمه يبقى عليه العوض ومنه العوض....
علما باني سقتها بره مصر مش هنا خالص في شوارع انضف من هنا ب 100 مره
لكن يتبقى حاجه واحده...
اني فعلا بحترم كيا جدا جدا
للعلم
كيا بالكوري يعني الآولى,,,,
تحياتي
اه صحيح
في حاجه عقدتني برضو
من اسبوع كنت مروح للبيت
وجوه الحاره عندنا لقيت سيراتو جديده المهم راكن في نص الشارع فزمرتله
جالي البواب قالي لا دي عطلانه هنا
قلتله ازاي يعني طب زقوها على جنب
قالي مش عارفين نزقها المقصين مقطومين وكل عجله لافه لاتجاه غير التاني
وفعلا بشوفها
عجله رايحه يمين وعجله رايحه شمال
فهل ياترى عربية جديده زي دي تعمل كده ولا ايه ممكن تكون حكايته؟؟؟
تحياتي
السيراتو بفت سلحفه مقلوبه على ظهرها لا حول ولا قوة الا بالله
الشاهين بطحت السيراتو
:(
بصراحة انا مش بحب السيراتو الشكل الجديد و ده لعدة اسباب:
1 - انا مش بدفع المبلغ الكبير اللى هدفعه فيها علشان الاقى عيب ف العفشة و الثبات قليل شوية و الجنط الـ 17 بيحتاج اسلوب معين ف السواقة .
2 - انا مش بشترى عربية عايز لما اجى ابيعها ادوخ , ده انا حتى لو مش من هواة التغيير ف العربيات ببص على مجلة الوسيط او على مواقع تجارة العربيات الاقى ف قسم الكيا - السيراتو كل اللى معروض هو الشكل الجديد و مش لاقى اللى يشتريه .
3 - انا عن نفسى بعشق المواصفات الخليجى , ف ايه اللى يخلينى اشترى العربية يا اما اتنازل عن المواصفات الخليجى يا اما مش هدخل الضمان .
4 - و اخيرا انا مش بحب الجرى و الشد بس لو حكمت , احب ان العربية تجمع معايا بسرعة و متخذلنيش .
بس موضوع الحوادث و الحكاية دى ف ده موضوع مختلف , اى عربية معرضة للحوادث لان الحادثة بتحصل ف ثانية واحدة و بتبقى نتيجة غلط ف معظم الحالات و لو مش غلط السواق يبقى غلط السواق التانى , و عموما ربنا يستر علينا جميعا و يباركلنا ف عربياتنا .
انا اسف اسف انى اعترض على حاجة انت قولتها يا medoakefالموضوع ده مش صحيح خالص و بالعكس تمام انا شايف ان البومة قمة الثبات و صاج كويس جدا جدا .اقتباس:
الفرق ان البومه ورق و كان الي فيها بيتبهدل اما السيراتو بسم الله ما شاء الله محمله كويس و باين اوي في الفيديوهات ان الصاج بتعها محمل كويس
اقتباس:
انا مجربتش السيراتو الجديده
لكن تجربتي مع السيراتو كانت عربية اخويا موديل 2006 اوتوماتيك
وفعلا العربية كانت فوق ال 80 ممكن تحدف مني لو الطريق لافف
وكنت بستغربلها جدا جدا
انا سقت عربيات كتير لكن تحدف على 80 و 90 ده يأكدلي ان في حاجه في العربية
اما الموديلات الجديده فمعنديش فكره مطلقا عنها
لكن لو نظام التعليق فيها هوا نفسه المستخدم في القديمه يبقى عليه العوض ومنه العوض....
علما باني سقتها بره مصر مش هنا خالص في شوارع انضف من هنا ب 100 مره
لكن يتبقى حاجه واحده...
اني فعلا بحترم كيا جدا جدا
للعلم
كيا بالكوري يعني الآولى,,,,
تحياتي
انا مختلف معاك شوية كتير يا hm414 لان العربية سيراتو 2006 معايا بس مواصفات خليجى و شغلى على الدائرى و بيتى جنب الدائرى يعنى معظم مشيى بيها على الدائرى , المهم , انا الطبيعى ف سواقتى انى بين الـ 80 و الـ 120 و منبهر بصراحة بثباتها و معرفش يمكن السبب ان عربيتى خليجى و سبورت ف قريبة اوى من الارض و لا علشان الاعتاب و لا علشان وزنها اللى كبير اوى مقارنة بعربيات كتير من نفس الفئة زى على سبيل المثال لا الحصر اوبترا و النترا 2006 اللى بالذات ( النترا 2006 ) مقارنة بيها ( سيراتو 2006 ) الالنترا 2006 ثبات اقل بس تجميع سرعة اعلى و ده راجع لفرق الوزن اللى اتكلمت عنه .
الشاهين بهدلت صاحبها ودمه نازل على الأرض .. فعلا وسائل الامان بتفرق ولها لزوم في وقتها
كيا بالكورى معناها القادمة للعالم من اسيا او الخارجة للعالم من اسيا و ده من دليل المستخدماقتباس:
للعلم
كيا بالكوري يعني الآولى,,,,
The first syllable, Ki, in the word “Kia” means “to arise from to
the world” or “to come up out of to the world.” The second syllable,
a, means “Asia.” So, the word Kia, means “to arise from”
or “to come up out of Asia to the world.”
العربيات الكوري عباره عن مواتير جرايه + ثبات
بدوون فرامل تتحمل الجري ده كله
طب بصوا الكيا سيراتو لما باست الادا بوسه عاديه ايه اللي حصل في الادا
http://img146.imageshack.us/img146/2937/20100911788.jpg
http://img522.imageshack.us/img522/7516/20100911785.jpg
http://img225.imageshack.us/img225/6881/20100911787.jpg
دى بوسة عادية ؟؟؟؟ ههههههههههههههههههههههههه هههههههههههه
مش ممكن بوسة تعمل كدة ف لادا , مستحييييييييييييل , و لا دى اثار التوابع ؟؟؟؟اقتباس:
مشيها بوسه عاديه علشان محدش يتوقف
او حضن اخوي
ربنا يعوض على صاحبك يا باشااقتباس:
وعلي فكره دي عربيه واحد صاحبي
يا باشا لما تكون انت ماشي علي 80 وواحد جاي من وراك ماشي علي 180
ويجي بس يخبط بوسه من العربيه ويخليها تلف تبقي ايه؟؟
في الاخر طلعت بوسه بس غشوميه
وعلي فكره العربيه اتباعت علي حالتها دي ب14000جنيه
+ان الواد اللي خبط فيه ادله 6000جنيه علشان يتنازل عن المحضر والقضيه
يعني طلعله 20000جنيه منها
والسيراتو كل اللي حصل فيها
الوش ادعك لحد السدر و الفوانيس طارت زي ما هي بس مكان تثبيتها اتكسر
والكبوت عمل تمانيه
وعلي فكره اللاد هي والشاهين قوتهم في اجنابهم مش في وشهم ولا شنطتهم
حضرتك انا مالك و عارف العربيتين كويس
الصاج معروف ان البومه ورق ولله من لسان تاجر سيارات حوادث بيقول الفرنا شاسيها محمل عن البومه(كلام لا استطيع التصريح بيه و انا مالك للانسر)و هي فعلا ورق انزل اي منطقه سمركيه و اتفرج عليها اما السيراتو 1325 كيلو يا راجل راحو فين دول
اما عن الثبات انا كان معايا ال1.3 و شايف ان السيراتو اثبت منها بكتير اما ال1.6 عفشه رياضيه و وزنها زياده 100 كيلو اكيد هيكون في فرق بس انا مجربتش عشان كدا مش هقدر احكم لكن علي حد نظري ان الثبات في المنحنيات الشديده هيكون لصالح البومه ال1.6 لانه يعد عيب في السيراتو اصلا
اسف علي الاطاله
تقبل تحياتي
وشكرا
عزيزي العربية كانت مواصفات خليجي برضو
وللعلم الدائري ده مش طريق خالص يحكم على اللفات
انا سقتها في الاردن
طبيعة الاردن جبال ومنحدرات وطرق ملتفه
يعني محتاجه سواقه بحق وحقيق ومحتاجه عربية كويسه جدا
وهناك كان يبقى الطريق لافف حوالين جبل تلاقي العربية بتتزحلق وانا واخد الملف على 80
اساسا نادرا اما عربية دفع امامي تتزحلق في الملفات وده اشهر مع الدفع الخلفي
لكن كان واضح ان فيها understeer عالي جدا جدا
بالمقارنه بعربيات تانيه كتير سقتها في نفس الظروف بأكدلك ان العربية مش راسيه اطلاقا...
بس احساس السواقه فيها ايا كان كنت بحبه...
جزاك الله خيرا على التعديل
في الاردن واحد من توكيل كيا هوا اللي قالنا معلومة ان معناها الاولى
تحياتي
ربنا يستر علينا السرعة هى السبب الاساسى فى اى عربية
يا جماعة الخير ليه الخلاف
مفيش مشكله خالص كل واحد مشتري السيراتو وعجباه ربنا يباركله فيها ويديله خيرها ويكفيه شرها
أما بقى إنها مش ثابته وإنها وحشه دي وجهات نظر ومحدش يزعل
كل واحد بيحكم من وجهة نظره بس أغلب ملاك الكيا السيراتو مبسوطين جدا بثباتها وأنا واحد منهم وما بشتكيش من أي حاجه الحمد لله لا في ملفات ولا في غرز وعلى سرعات لحد 210 وربنا يسترها معاكم ومعانا
ويعوض عل صحاب العربيتين
قولو أمين :)
الموضوع دا المفروض كان يتعمل السنه الى فاتت :)
ولو فى عضو قديم شويه هيعرف قصدى :)
الشعب راكب سيراتو يا رجاله
فشل أيه صباح الفلللللل
اقتباس:
يا باشا لما تكون انت ماشي علي 80 وواحد جاي من وراك ماشي علي 180
ويجي بس يخبط بوسه من العربيه ويخليها تلف تبقي ايه؟؟
في الاخر طلعت بوسه بس غشوميه
وعلي فكره العربيه اتباعت علي حالتها دي ب14000جنيه
+ان الواد اللي خبط فيه ادله 6000جنيه علشان يتنازل عن المحضر والقضيه
يعني طلعله 20000جنيه منها
والسيراتو كل اللي حصل فيها
الوش ادعك لحد السدر و الفوانيس طارت زي ما هي بس مكان تثبيتها اتكسر
والكبوت عمل تمانيه
اوعى تكون زعلان يا باشا انا بس بهزر مش اكتر , وارد جدا ان كدة يحصل و ربنا يسترها مع الجميع , و بالنسبة لصاحبك الحمد لله انه طلع منها سليم لان زى ما بيقولوا اى حاجة تيجى ف الحديد تتعوض
يا باشا انا معاك 100% , بس كدة الكلام اختلف لان مفيش مقارنة بين ثباتها على الطرق ف مصر و بين الطرق الجبلية بس موضوع الانزلاق ده برغم انى متعاملتش معاها كتير على طرق منحدرة الا المقطم فانا شايف انى لما بحكمها بالغيار l او الغيار 2 ف بيكون ثباتها ممتاز فعلا , و بالمناسبة طريق المقطم كله ملفات متخلفة بس الحمد لله مخذلتنيش خالص عليه , المهم فعلا انك تكون فاهم العربية و واخد عليها و هيا واخدة عليك , لانى ساعات بحس ان العربية معايا مش جماد , يعنى ساعات بحس انها ممكن تعمل معايا حاجات مش ممكن تعملها لما يكون اخويا سايقها او والدى مثلا لما بيكون سايقها مش بتأدى معاه نفس الاداء اللى بتأديه معايا , و ربنا يباركلك ف عربيتك و يباركلنا كلنا ف عربياتنا و يحفظنا من كل سوء .اقتباس:
عزيزي العربية كانت مواصفات خليجي برضو
وللعلم الدائري ده مش طريق خالص يحكم على اللفات
انا سقتها في الاردن
طبيعة الاردن جبال ومنحدرات وطرق ملتفه
يعني محتاجه سواقه بحق وحقيق ومحتاجه عربية كويسه جدا
وهناك كان يبقى الطريق لافف حوالين جبل تلاقي العربية بتتزحلق وانا واخد الملف على 80
اساسا نادرا اما عربية دفع امامي تتزحلق في الملفات وده اشهر مع الدفع الخلفي
لكن كان واضح ان فيها understeer عالي جدا جدا
بالمقارنه بعربيات تانيه كتير سقتها في نفس الظروف بأكدلك ان العربية مش راسيه اطلاقا...
بس احساس السواقه فيها ايا كان كنت بحبه...