بخصوص مازدا 323 موديل من 1980 ل 1985
اولا انا ماركبتش العربية دى بصراحة بس من كلام كل الناس هنا فى المنتدى انها best value for money كعربية موديل قديم وانها كمان كمعظم اليابانى القديم سعرها رخيص عندنا فى اسكندرية وكل ده اقنعنى بيها طيب ---
ليا شوية اسئلة بعد اذنكم
العربية دى شاسيه ولا علب صاج ؟
هل شاسيه العربية قوى التحمل ؟
الصاج الخارجى الناس اختلفت عليه بين ضعيف ومتين طيب اللى معاه العربية رايه ايه ؟
بالنسبة لركوب 5 افراد او وجود شبكة سقف والتحميل عليها عادى ولا ياثر عليها ؟
الثبات والتسارع كويس ولا ايه ؟
العربية على علبة دركسيون ولا سكاترة ؟
ناس بتقول (المازدا فاسده ) ليه ؟!
اغلب المعروض فى السوق موتور 1300 هل الموتور ده ادائه كويس عليها ولا 1500 افضل ؟
مع العلم لما قريت بياناتها لقيت وزنها زى البولونيز
برضه ناس بتقول ان العربية كاربراتيرها حساس ايه المقصود بكده بيبوظ بسرعة ولا محتاج متابعة ؟
نسبة انضغاط المحرك 9.05 هل كدا لازم بنزين 90 ولا 80 يمشى فل ؟
سمعت ان اليابانى يفضل تغيير الموتور عن العمرة صح ؟
كام حاجة فى قطع الغيار عايز اسعارهم :
موتور استيراد 1300 و 1500 وفتيس استيراد
تيل فرامل وطنابير
فانوس
رفرف
كاربراتير جديد واستيراد
انا ساكن ف منطقة مكسرة واوقات بحمل في العربية بضاعة او العيلة وبحط بنزين 80 بس فى المقابل مش بستخسر فى عربيتى وقت او فلوس وحتى لو مستعملة بحب اعمل check up كل شهر او شهرين على كل حاجة وقطع الغيار الاستهلاكية بغيرها فى معادها مش بستنى تبوظ يعنى من الاخر مشاويرى مش كتير بس ساعة لما ياللا يبقى ياللا بفترى واللى هيا عايزاه عينيا كده الماذدا كده اختيار مناسب ولا ايه ؟
المفضلات