انقلاب Accent RB 2011

**superb** · 18-01-2011 07:23 PM

المشاركة الأصلية كتبت بواسطة excel_team2000

أعتقد أن العربية دى حتقضى على الالنترا الموجودة دلوقتى تمهيدا لنزول الشكل الجديد

اختلف معاك كليا .. لأن فى فرق فى كل حاجه

- المساحه
-الفئه
كمان الألنترا الحاليه بتنزل بمحرك 124 حصان من التوكيل و 128 للخليجى .. يعنى تكسب و على فكره الألنترا الحاليه افخم بكتير بكتير من الأكسنت

**cdman11** · 18-01-2011 09:02 PM

بصراحة انا عايز أقول حاجة مهمة .. مع إحترامى طبعا لجميع الأراء بس من الطبيعى جدااا إن العربية مش هتكون كبيرة جدااا عن الأكسنت اللى قبل كده وإلا هتبقى فى حجم الألنترا .. وده غير طبيعى .. لأن كل موديل بيكون تطوير اللى قبله فى التصميم و الموتور و الكماليات
وإلا مكنش هيبقى فيه إلنترا و سوناتا و أكسنت و i 20 و i 30 و i 10 ..

أنا من وجهة نظرى العربية تصميمها محترم جدااا و سعرها طبيعى بالنسبة لأسعار السيارات التانية

و بصراح الشنطة أنا شايفها كبيره ومعقولة

لكن الخامات الداخلية هى الى مش رهيبة و تعتبر فقيره فى الخامات

**yoko** · 18-01-2011 09:09 PM

المشاركة الأصلية كتبت بواسطة cdman11

بصراحة انا عايز أقول حاجة مهمة .. مع إحترامى طبعا لجميع الأراء بس من الطبيعى جدااا إن العربية مش هتكون كبيرة جدااا عن الأكسنت اللى قبل كده وإلا هتبقى فى حجم الألنترا .. وده غير طبيعى .. لأن كل موديل بيكون تطوير اللى قبله فى التصميم و الموتور و الكماليات
وإلا مكنش هيبقى فيه إلنترا و سوناتا و أكسنت و i 20 و i 30 و i 10 ..

أنا من وجهة نظرى العربية تصميمها محترم جدااا و سعرها طبيعى بالنسبة لأسعار السيارات التانية

و بصراح الشنطة أنا شايفها كبيره ومعقولة

لكن الخامات الداخلية هى الى مش رهيبة و تعتبر فقيره فى الخامات

ازاي لما تبقى بسعر الإلنترا وقريبة من السيؤاتو ومفيهاش أي ريحة لمواصفات الأمان وفئة حجميه أصغر من كل الي في سعرها يبقى سعرها معقول

**yoko** · 18-01-2011 09:37 PM

المشاركة الأصلية كتبت بواسطة cdman11

أنا شوفتها فى المعرض و إتصلت بالتوكيل و عرفت مواصفتها

المانيوال ب 90 الف و الأتوماتيك ب 96 الف

فيها زجاج كهرباء و مرايات كهرباء و تعديل إرتفاع كرسى السائق و كاسيت cd . Mp3 . Aux و تكيف

ومافيهاش air bag و ِabs و فوانيس الضباب والبلوتوث

تمام هل مستعد تدفع في عربيه 96 الف وهيا من فئة الريو والفرنا!!! وكان مفيهاش مواصفات أمان عشان مجرد شكل

**amrseba** · 18-01-2011 09:49 PM

يا جدعان العربيه فى الصور حاجه و على الحقيقه حاجه تانيه معرفش بس التابلوه مش واو اوى ولا خاماته حلوه و ضيقه اعتقد ان الانترا و السيراتو افضل غير كده عربيه بالسعر ده و مفهاش اير باج ولا ابيى اس انا عربيتى فيها ايرباج و ايبى اس وموديل 96 كده الواحد يشترى صنى على الاقل اسمها نيسان و يابانى و موجود فيها و سائل امان

**yoko** · 18-01-2011 09:51 PM

المشاركة الأصلية كتبت بواسطة cdman11

معلش حضرتك .. سعر السيراتو الأتوماتيك العادية اللى زيها ب 107 الف .. يعنى 11 الف

و معلش السيراتو تصميم فقط .. لكن صاجها و نظام تعليقها مش كويسين .. وهى باعت كتير عشان التصميم الخارجى بتاعها اللى عاملوا مهندس كان بيصمم فى شركة أودى

و أى عربية هنشوفها فى مصر كاملة اتوماتك و فيها كل حاجة صاج و كماليات و نظام تعليق ممتاز هنلاقيها معدية 120 الف

ومين قالك إن النيوأكسنت تعليقها كويس ما الفرنا تعليقها مستقل ومع كده ثبات في الضياع
وانا مبقولش السيراتو تحفة (أنا كنت هجيبها وسبتها) بس أنا أدفع ال11 الف ويبقى معايا عربيه أكبر وفيها إيرباج على الأقل مش فرنا جديده (موتور قوي على عربيه خفيفة وزيرو مواصفات أمان)
أنا عن نفسي يستحيل أركب عربيه مفيهاش abs و 2 إيرباج على الأقل وجهات نظر برده
بس الي يخليني أدفع 96 الف في العربيه دي يخليني أدفعهم في بونتو إيفو وأستغني عن الموتور القوي أو أزود وأجيب حاجة فيها مواصفات امان

**yoko** · 19-01-2011 01:31 AM

المشاركة الأصلية كتبت بواسطة grey_fox

الاكسنت ار بي تعتبر نفس فئة الالنترا لانها 1600 و 124 حصان يعني قوة المحرك واحده والالنترا اعرض ب نص سم يعني مش اوسع بمراحل ... ياجماعه ياريت يكون الاعتراض بصوره عمليه يعني حد يقولنا على البدايل الافضل لعربيه سيدان في حدود 90 الف وفيها مواصفات الامان غير النيسان صني؟؟
انا عن نفسي مش لاقي بديل مناسب الاوبترا بنفس السعر ومافيش فيها امان غير ان شكلها قديم ,الياريس مفيش منها 2010 الفيات لينيا مش عارفين لسه سعرها هيبقى كم بس افتكر هتكون فوق ال 100

الموتور مالوش علاقة يعني البونتو بتنزل من أول 77 حصان لحد 200 حصان هل ده يغير فئتها؟
ومعاك إن السعر ده شبه فاضي من العربيات لكن أنا لو قدامي الأكسنت دي والصني هختار الصني بالتأكيد
اللينيا سعرها هيتراوح من 120 ل130 على حسب الأوبشنز
وممكن تجيبلي ابعاد الأكسنت دي كام بالظبط (جميع الأبعاد)
عشان نقارنها بالصني والإلنترا والأكسنت القديمة والفرنا ونشوف هيا فين منهم لإني فعلا معرفش أبعادها خصوصا قاعدة العجلات

الموضوع: انقلاب Accent RB 2011

LinkBack

أدوات الموضوع

عرض

-

-

-

-

-

المواضيع المتشابهه

مـا هـو الـفـرق بـيـن Accent RB 2011 & 2012 & 2013؟

new accent 2011 .........all over tuning

السيارة هيونداى أكسنت أر بى 2011 الجديدة Hyundai Accent RB 2011

Hyundai Accent RB concept car previews US-market Accent

صور New Accent 2011 مكشوفة بالكامل!

الكلمات الدلالية لهذا الموضوع

المفضلات

المفضلات

ضوابط المشاركة