من كل قلبي شكرا ليكي يا كيا

**simon659** · 15-01-2011 10:28 PM

بعد مسا الخير لاحلي منتدي
كنت دايما اقري تقارير عن العربيه السيراتو عن العربيه دي الي فيها مناقض والي فيها مشجع وناس تحببني فيها وناس تخوفني منها لدرجه اني اقول لنافسي انا ايه الي خلاني اجيب العربيه دي وانا المشاوير الي كنت بعملها بلعربيه كانت يادوب 10 كيلو وكان الطريق مش بيحسسني بلعربيه خااالص وانا اساس من الشرقيه وكنت بروح بيها لغايه الزقازيق او لغايه القاهره يعني مشاوير صغيره وجالي مشوار مرسي مطروح يعني حوالي 600 كيلو تقريبا وقلت لازم اجرب العربيه دي واشوف العربيه دي حلال فيها الفلوس ولا عربيه عاديه مجرد شكل حلو وخلاص.
ابتديت من بلدي اسمها منيا القمح ببنها بصر الزراعي للدايري لمصر اسكندريه الصحراوي ومن هنا ابتدت معايا العربيه تعند معايا وتؤل انا مش مجرد عربيه من ثبات الي الانطلاق للفرامل للثبات علي الطريق للسحب بصراحه الي اقول عليه اني رهيب ولدرجه اني مش غاوي لعب للدرجه وخليتني اعيش بيها مع عربيات من كل الانواع من ماتسوبيشي لالنترا واسكودا a4 جريت معاهم ونهزر شويه واهدي فعلن جميله وبقول الكلمه دي وانا مبسوط بلعربيه فعلن جميله.وصلت لطريق العلمين ولفيت ومشيت والعربيه قافل الازاز لا يوج اي شئ سوا المتعه وانا ماشي جيه مزلقان تقريبا كان فاضل علي مطروح 40 كيلو وشوفتوو قلت هشربو اكيد دست فرامل وكان فيه قبل المزلقان رمل العربيه فرملت وعند الرمل العربيه اول لما زحفت حسيت صوت خبط كده زي صاج او حاجه بتخبط في بعضها والعربيه وقفت دخلت البلد شوفت البحر واستريحت نفسيا واول ما وصلت طلعت الجماعه والشنط وبجد من غير ما احس بنافس نزلت تاني وبيني وبين نافسي قلت اسف اني شكيت فيكي للحظه شكرا لكيا ولكل مصممين العربيه دي

**NoRmAl** · 15-01-2011 10:40 PM

هههههههه
موضوع جميل
ربنا يباركلك يا باشا وكويس أنك يبقى عندك ثقه فى عربيتك
بالنسبالى دا أهم من كل شىء
ربنا يباركلك فيها ويكفيك شرها وشكرا على الموضوع

**yasso0101** · 15-01-2011 11:21 PM

ربنا يباركلك فيها

**tarekmaher** · 15-01-2011 11:52 PM

ربنا يبارك لك فيها
ويكفيك شرها
انا بجد محتار اشتريها ولا لأ
ولا اجيب لانسر او النترا
وعلي فكرة انا من منيا القمح برده بس قاعد في الزقزيق

**nour_nrc** · 16-01-2011 12:02 AM

سبحانك اللهم وبحمدك ، أشهد أن لا إله إلا أنت أستغفرك وأتوب إليك

**spectra_2006** · 16-01-2011 12:23 AM

ربنا يباركلك فيها يا باشا , و بما انك وصلت للدرجة دى من الثقة ف عربيتك يبقى ده اهم شئ , و متسمعش لكلام حد لان انت مش زى اى حد و بالتالى عربيتك ممكن تبقى مريحاك انت اوى بس متريحش حد غيرك و ده مش بسبب عيب فيها , اسف إن طولت عليك بس فعلا انت نقلتلى احساسك بعربيتك اللى هو على فكرة وصللى بالنسبة لعربيتى من زمان و من ساعتها استريحت و هديت اوى و عارف كمية راحتك النفسية دلوقتى .

**ahmed_201091** · 16-01-2011 01:05 AM

ربنا يكفيك شرها و يديك خيرها ياباشا و هى فعلا عربية تستحق كل التقدير و الاحترام و انا فعلا بحبها جدا و مقدرش يعدى يوم من غير ما اسوقها سواء بسرعة او هدوء و مفيش اجمل من المشى براحة فى طريق هادى و تشغل اغانى حلوة بحس انى مرتاح نفسيا بعد اللى بشوفوه فى المزاكرة

**shod90** · 16-01-2011 07:57 AM

المشاركة الأصلية كتبت بواسطة ahmed_201091

ربنا يكفيك شرها و يديك خيرها ياباشا و هى فعلا عربية تستحق كل التقدير و الاحترام و انا فعلا بحبها جدا و مقدرش يعدى يوم من غير ما اسوقها سواء بسرعة او هدوء و مفيش اجمل من المشى براحة فى طريق هادى و تشغل اغانى حلوة بحس انى مرتاح نفسيا بعد اللى بشوفوه فى المزاكرة

+11111111 و بالذات حتت المزاكرة دى ههههههههه

**spectra_2006** · 16-01-2011 11:06 AM

+11111111 و بالذات حتت المزاكرة دى ههههههههه

انا كنت بكره المذاكرة موووووووووت ,,,,,, لحد ما اتخرجت و اشتغلت , قولت يا ريت ارجع اذاكر تانى

**kar!m** · 16-01-2011 01:13 PM

المشاركة الأصلية كتبت بواسطة spectra_2006

انا كنت بكره المذاكرة موووووووووت ,,,,,, لحد ما اتخرجت و اشتغلت , قولت يا ريت ارجع اذاكر تانى

و لو رجعت تذاكر تانى هتقول يا ريتنى ما رجعت.
دى طبيعة الانسان دايما حاسس ان اللى مش فى ايده احسن من اللى معاه.

الموضوع: من كل قلبي شكرا ليكي يا كيا

LinkBack

أدوات الموضوع

عرض

-

-

-

-

-

-

المواضيع المتشابهه

مفاجأة رائعة من شركة الأمل . تحقق بها الأمل . شكرا .. شكرا .. ثم شكرا .

الحمد لله استلمت اللوجان ورخصت .. تقييم صغير + شكرا رينو+ شكرا داتشيا

الحمد لله اولا واخيرا ........ ثم شكرا رينو ..... شكرا مصر للتأمين

قلبي يا جدعان قلبي حد يطلب الدكتور يا جدعان

شكرا توكيل رينو العبور- شكرا م/أحمد

الكلمات الدلالية لهذا الموضوع

المفضلات

المفضلات

ضوابط المشاركة