سؤال لمالكي إسبرانزا a 620 وأصحاب الخبرة بالمنتدى

**ahmedatef2008** · 15-01-2011 10:48 PM

إيه أخبرا سحب العربية a620 أوتو ماتيك على الطلعة الأولى بمعنى

مثلا سحب ميين أعلى اللانوس ولا a 620 أوتوماتيك؟؟؟؟ في الطلعة الأولى

سؤال تاني أخبار تكيفها إيه (وهيا ماشية مش واقفة) ؟؟؟؟

**rzk** · 16-01-2011 01:21 PM

العربيه دي اكتر من ممتازه واعطالها عادية جدا زي اي عربيه....وبلاش نذكر مشاكل العربيات التانيه لان فى جعبة كل واحد قصص وحكايات

**ahmedatef2008** · 16-01-2011 01:39 PM

لو حضرتك عندك عربية a620 يا ريت تجوبلي على سؤالي.....مين التسارع والعزم بتاعو أعلى هيا ولا الشيفروليه لانوس عند الطلعة الأولى؟؟؟
أنا المقارنة دي حتفرق معايا أوي وتوضحلي حجات كتير

**ALshahba** · 22-01-2011 05:19 AM

اكيد 620 هيا الاكثر تسارع ولكن تكون علي وضع المانيوال فى الاستب ترونك
ومن ناحية اخري ...كيف تقارن سياره من الفئه الكبيره مع سياره من الفئه الاصغر ؟؟!! 1600 مع 2000 ؟؟!! مقارنه غير عادله
فارق المتور والوزن مختلف اختلاف كبير

**ahmedatef2008** · 22-01-2011 05:38 PM

مع حضرتك حق في إن المقارنة مش عادلة بس أنا كنت عاوز أقارن سحبها بسحب عربية أنا عرفو بس مش أكتر .....أصل ناس كتير بتقول سحبها ضعيف جدا ومتعرفش إن سحب العربية قوي ولا ضعيف دا موضوع نسبي يختلف من حاجة واحد للتاني

**ALshahba** · 22-01-2011 11:47 PM

^^^^^^^^^^^^^^^^^^^^^^^^
احسنت الكلام
سحبها ممكن يكون ضعيف بنسبة, يعني كما ذكرت عمليه نسبية , ولكن ااكد لك ان مع تشغيل وضع مانيوال ستجد السحب مختلف تماما

**faragalla** · 27-02-2011 11:11 PM

انا مالك للعربيه وبقولك العربيه سحبها اكتر من ممتاز دا موتور ميتسوبيشى 2000 سى سى بس وزن العربيه 1400 ك جم
انا معرفش اللانوس وزنها كام بس اكيد سحب اللانوس احسن لفرق الوزن

**ALshahba** · 04-03-2011 02:52 PM

وانا اصبحت الان من مالكي 620 والحمد لله
وبقول لكل السائلين ..... سحبها جيد جدا يكاد يكون ممتاز ولا يقارن بالانوس ابدا او اي 1600 الا من بعض الانواع حاملة فتيس acs فهو تقنيه حديثة جدا تمكن من التسارع فى 300مللي ثانيه للنقله الواحده وتصل قدرة السيارة 1600 الي اعلي من 2000 سي سي

**ALshahba** · 07-03-2011 05:59 AM

ملحوظه....
الفتيس اسمه dcs ...اعذروني علي الخطأ الفني

**saddam** · 24-04-2011 06:58 PM

أنا عندي وحده موديل 2010 ومعلش يا أخي اللانوس تعتبر مفيهاش سحب مقارنة باللإسبيرانزا a620 وأنا تقريبا أملك أحلى عربية إسبرانزا a 620 بشهادة التوكيل بالكماليات اللي أنا مركبها عليها ولسه فاضل عليها شوية إضافات إتكل على الله وخدلك إسبرانزا الموديل ده بس نصيحة أما ييجي المساعدين بتوع العربية ينتهي عمرهم متغيرش أصلي غير بمساعدين زيت فقط لا غير ومتقعدش تسأل كتير خد النصيحة من الخبراء ولك مني كل تقدير وإعتزاز وإحترام