الموضوع: Byd f3 السعر االجديد والنصيحه هامه !!!!!!!!!!!!!!!!!!!!!!!!!!!!!!!!

المشاركة الأصلية كتبت بواسطة mmmmgogommmm

يا اخوانا---------كدة مينفعش-----------زيادة2000جنية فى اسبوع كتير جدا وقبلها بشهر 1000جنية---------يعنى 3000جنية فى40 يوم دة مش معقول------------وبعد كدة لو احتجتها تقسيط يقلولك فى الشركة اللى هتقسط انفى مبلغ من 1000 الى 2000جنية هتدفعهم زيادة عشان دى اقل نسبة خصم لاى شركة وشركة الامل مبتمنحهاش-----اى ان سعر العربية قبل حساب الفوايد هيكون 69000/70000----------------احط عليهم 5000واشترى حاجة اعلى او انقص منهم 10000 واشترى حاجة معقولة وزيرو وكلة قسط-------مش عارف لية الناس عدوة نفسها------يعنى لما العربية 3 سنين ملقيتش اللى يشتريها ولما جمعوها وربنا نفخ فى سورتها وبدات تبيع مخهم اشتغل ازاىي يوقفوا حالهم-----وكمان لازم نفهم ازاى الاوتوماتيك المستوردة ب82000جنية-----والمصرى اللى اتجمعت هنا عشان تبقى رخيصة تبقى ب80000جنية-----لو الفرق 2000جنية يبقى تعبوا نفسهم على الفاضى يا اما الفرق لمصلحتهم مش لمصلحة العميل-------واخيرا هقولهم (هما الحلوين علشان حلوين يعملوا كدهو --ولا الطعمين علشن طعمين يعملوا كدهو)---الرحمة---بجد بفكر اوفر ال10000جنية واشترى جيلىmk ب59500 او ازود6000جنية واحجزانجلون وكلة قسط

أحييك في كل كلمة قولتها .. وهو ما كان يدور في ذهني بالظبط .. وأحب أضيف لاختياراتك الفيرنا الأتوماتيك .. اللي سعرها 75 ألف تقريباً .. ويبقى أسمك راكب أتوماتيك .. صحيح البي واي دي تتميز بالوسع والأوبشن الأعلى (إن كان على الأوبشن يمكن إضافته بعد كدة على مهلك) .. ولكن الفيرنا ليست سيئة بالدرجة الكبيرة (وبكدة نبقى رجعنا لسياسة القطيع من تاني) .

والأنجلون والجاك (مانيوال) رغم أن سعرهم قارب على الثمانين .. إلا أن تقفيلهم يرقى للمستوى الجيد جداً .. وليس الجيد مثل البي واي دي .. وأداء عالي جداً ورفاهية ومنظر وكذلك كل ملاكها بيشكروا فيها وفي توكيلها .. ويا دار ما دخلك شر .

وأحب أعدل على الأغنية اللي قولتها وأقول (هما التييييييييت علشان تييييييييييييييت يعملوا كدة هو .. ولا التييييييييييييت علشان تييييييييييييييييت يعملوا كدة هو) .

أنا واحد من الناس نفسي قفلت من العربية دي رغم أني معجب بيها (ومعتقدتش أني لوحدي) .. ومش فكرة ألف ولا اتنين زيادة .. الفكرة في المبدأ وسياسة التوكيل الغير مبررة .

المشاركة الأصلية كتبت بواسطة memos

خي العزيز باسم احب اقول ان الفيرنا الاتوماتك اصبحت ب79900 اي 80000 ودي فيرنا مش بي واي دي انا مش بشكر في سيارتي انما انا فوجئت ان سعر الفيرنا الاتوماتك ارتفع كده ومش عايز التانين يرفعوا السعر واضح انه اتجاه عام في البلد اصلها ناقصه مش كفايه علينا الاكل لا العربيات كمان وبعدين هيجي يقولك اصل الجنيه انخفض امام الدولار عشان احداث تونس العمليه فيها شويه طمع

الفيرنا الأوتو (ستار) سعرها 79.250 "بيبقى فيها كماليات زيادة زي سبويلر + نواكل + شبكة ..إلخ حاجات شكلية فقط"

الفيرنا الأوتو (العادية كاملة) سعرها 77.250


الفيرنا الكاملة مانيوال سعرها 70.750

لاحظ بقى الفرق بين الأوتو والمانيوال كام في الفيرنا (حوالي 6 آلاف جنية) .. وفي البي واي دي كام (حوالي 13 ألف جنية) حتقولي أن الفتيس JATCO ياباني بس مش بالشكل ده خالص .. ده غير الدعم اللي بتقدمه الحكومة لتشجيع التجميع .. والمكونات المصرية الداخلة في صناعة السيارة .

المشاركة الأصلية كتبت بواسطة ozama22

الاخوة الاعزاء هذا ما يطلق علية الegyptology وهي حالة تنفرد بها السوق المصرية الدراسة الغير مبنية على اسس سليمة او معايير تسويقية
علمية ولكنها الطمع والجرى وراء جمع المال فقط وليس لها علاقة بالعرض والطلب فيا دوب اذا عملت احصاء لعدد السيارات تجدها لا تزيد عن 10000 سيارة في مصر من عام 2006 حتى الان اي مازلت في مرحلة التعريف وبدء الانتشار فلماذا الزيادة في السعر والاتوماتيك تسعيرها جاء صدمة وغالي جدا بالنسبةانة تم تجميعة محليا فاين ذهب الدعم الذي تعطية الدولة في صورة تسهيلات جمركية واعفاءات ضريبية لتخفيض السعر لصالح المستهلك وليس لصالح المنتج كلة واين سياسة التسعير من ذلك فالسعر العادل لهذة السيارة كان لابد الا يزيد عن 77000ج للاوتوماتيك
واخيرا دة يعتبر سمك-لبن- تمر هندي

المشاركة الأصلية كتبت بواسطة memos

يا باشا انت مقتنع بزمتك ان الفيرنا الكامله مانوال تستاهل 70000 ومش مقتنع ان البي واي دي تعلي 1000 كل شويه

ما أنا بقول تماشياً مع سياسة القطيع .. الناس رايحة فين ، وأروح معاهم من غير ما أفكر وأعقل الأمور .. وتقدر تقولي أيه المبرر أن البي واي دي تعلى 1000 جنية كل شوية .. بعد ما كانت بـ 64 ألف الكاملة .

بصراحة من وجهة نظري أن أخر سعر ممكن يكون عادل للمنتج والمستهلك هو 67 للمانيوال .. و77 للأتوماتيك .. أي زيادة عن كدة حيبقى فيها علامات استفهام كتيرة .