حبيبى..واللى عارف معزتو عندى كويس
واللى ياما هزرنا مع بعض..وشاركنا بعض آراء ووجهات نظر...وايدنا بعض..واختلفنا مع بعض بكل ود لاجل الصالح العام......
........
اولا انا والله حاسس بيك من امبارح..مش عارف ليه...حسيت من كام رد ليك..ان فى حاجه مديءاك ومن هناا..
..............
وانا بقرا الموضوع دا ...كنت كل كلمه اقرأها بستنتج اللى بعديها وغالبا كانت بتطلع صح....كنت حاسس ان انا اللى بتكلم..
..
انت عارف انا اد ايه بحب العربيات والتعديل...والاهم البيجو...وعارف ان انا والحمد لله ليا خبره كويسه فيها.....
ورغم كده الاءى ناس بتدخل على الموضوع تنتقد....ومش عارفه اى حاجه....ولما تحرجها ترد عليك بمعلومه خطأ...عشان تهرب من المزنء...تخيل ..!!!!!
انك تكون مثلا بتقول على عربيه 1600cc يدخل واحد وماتعرفش ليه وايه اللى هيستفادو...ويؤلك انت ياعم يتألف دى العربيه دى 1400 بس...!!!!!
طب انت ياعم مين اللى قالك كده؟
ه...يروح مديلك اسم موقع...تروح انت تدخل عليه..
تكتشف انو موقع وهمى....تروح ترجعلو...تلاقيه فص ملح ودااااب!!!!!!
وقيس على كده حاجات كتير....
طب انا هقولك حاجه تانيه...عشان تعرف الواحد بيستحمل اد ايه :(:(
انا فى واحد كان داخل موضوع معين...وطلب معلومه من واحد بالاسم
والواحد دا معرفش الاجابه...انا كنت عارف بس والله مارديت اجاوب عشان ما احرجش الشخص اللى كان موجهلو السؤال..رحت كاتب الاجابه بشرح مطول وصور وبلاوى...ورحت باعتهملو على الخاص....وما تتخيلش كم المعلومات اللى كانت فى الرساله وكم التعب اللى تعبتو...وخليك فاكر انى بعتهالو على الخاص...وبعد مرور حوالى 3 ايام ..بعتلى الرد...وكان..
.ايه ياعم كل دا ..طب انت فاضى وقعدت تكتب كل دا..طب انا مش فاضى زيك عشان اقرا كل دا!!!!!!!!!!!!!!!!!!!!!!!!!!!! :(:(:(:(:(:(
خدت الرد دا فى قلبى ....وؤلت والله منا رادد تانى على حد ولا هعمل مواضيع ولا داخل هنا تانى اصلا....
وفضلت يومين مادخلش..لقيت واحد حبيبى باعتلى على الياهو..انت فيم ياعم ..واحشتنا
وعايزينك فى قسم البيجو....ماتتخيلش كمية السعاده اللى حسيتها...ورجعت تانى ورجلى فوق رقبتى ونسيت كل حاجه....
....
انا اسف انى طولت...بس انا كنت بس عايز اوصلك...انك ياما هتلاقى...
وزى ماهتقابل واحد يحبطك..هتقابل 3 يشجعوك...وزى ماتلاقى واحديحرق دمك..هتلاقى 3 يفرفشوك....وزى ماتلاقى واحد يتجاهلك وينكر تعبك...هتلاقى 1000
واحد يقدرك.........
وعلى وزن....اعمل الخير وأرميه فى البحر..وماتستناهوش يشكرك
..اكتب المعلومه وأرميها فى المنتدى...ومتستناش..حد يشكرك
هتستريح جامد..وهتريح دماغك من حاجات كتير...بتحرق دم الواحد وتحبطو....
....................................

وياريت تسيبك من اللى فى دماغك..وانت عارف انا بتكلم عن ايه
...
.احنا اخوات...ياعمرو باشا
ولو فى 1 بس بيحبك..وبيقدرك...وبيستنى معلومه منك...دى كفايه اوى..وبالدنيا كلها
.....
اخوك هانى محمد