الموضوع: حظيرة السيراتو :)

السلام عليكم
انا عاوز اقولكم ان السيراتو مغرقه الغردقه و كمان بقى فى معارض كتير اوى جديده هناك و عرضين السيراتو و غيرها
بس كل ما امشى 100 متر فى اى شارع اتكعبل فى 2 او 3 عربيات سيراتو
و فى كميات عربيات سيراتو تحت الدائرى عند محطة الزهراء بتاعة المترو اللى قبل دار السلام و بعد ماجرجس
و عند جامعة عين شمس بتوع جابر عبد الشهيد ..........
و غيرهم و غيرهم
الانتشار المعقول هو المطلوب فقط مش بغباوه كده
انا عندى فى الشارع 5 عربيات سيراتو و فى الجراج 4 و الشارع اللى بعدى 3 و اللى قبلى 2 حرام اوى ............
انا كنت اول واحد اجبها فى الدائره بتاعتنا بس دلوقتى خلاص دا العربيات اللى فى الجراش بخش اتلغبط فى عربيتى حتى جيبين نفس اللون بتاع العربيتين بتوعنا 2 سلفر تيتانيوم و 2 نبيتى هههههههههههههه
و مره شفت وحده منهم مخبوطه و اتخضيت طلعت مش بتاعتنا فى الاخر ههههههههههههه
الحمد لله السبب الازمه الاقتصاديه و غيرها من الغلو العام و عزوف الناس عن شراء العربيات و حملة خليها تصدى
جت السيراتو و كسرت كل ده و الناس مبقتش تجيب غيرها مع ان فى عربيات تانيه حلو زيها اتظلمت لانها اغلى شويه او مش معمول لها اعلانات
و ظواهر كتير بقى زى بتوع التك تك بيسرقو شعار العربيه و المرايات اللى كل شويه تتسرق و غيرها دى من ىعيوب الانتشار