ان شاء لله اجيب اكسارا قريب

**kdosoki** · 18-01-2011 10:21 AM

المشاركة الأصلية كتبت بواسطة kalmah

هيا دي الل خضرا اللي في رابعة العدوية؟

لأ دى فى القاهرة الجديدة
وأنا أسف العربية موديل 2000 وده اعلانها على كونتكت كارز
ContactCars | السيارات المستعملة

**amrmaismail** · 19-01-2011 10:04 AM

المشاركة الأصلية كتبت بواسطة boory

أنا معايا إكسارا و هي عربية 10/10 حمالة قسية و بنت حلال بس مش جراية ... و التكييف عندي زبالة !!! بس ميزتها إنك بتركب قطعة الغيار بمشيئة الله تعالى مش بتحتاج تغيرها إلا بعد عمر طويل

اكشف عليها في التوكيييييييييييييييييييي يييييييل و استخير و توكل على الله

ياباشا مش جرايه ازاي بس ؟؟؟؟
اكيد عندك حاجة خانقة العربيه ممكن علبة البيئة
انا معايا اكسارا ١ عامله ٢٥٠ الف وبجيب بيها ال١٨٠ ولو اقدر ممكن تجيب اكتر بس بخاف ..
والتكييف عندي عمره ما بيأثر علي السحب وبشغله علي ٢ العربيه بتشبر

انت اكيد عندك مشاكل ماتسكتش عليها علشان تتمتع بالعربيه

وتحياتي ليك

**amrmaismail** · 19-01-2011 10:11 AM

المشاركة الأصلية كتبت بواسطة kdosoki

لأ دى فى القاهرة الجديدة
وأنا أسف العربية موديل 2000 وده اعلانها على كونتكت كارز
contactcars | السيارات المستعملة

ياباشا لو العربيه دي زي ما صاحبها بيقول تبقي لقطه وسعرها كويس لانك مش هتصرف عليها
ومين قالك ان سير التقسيمه ب ٦٠٠ جنيه ؟؟
انا شاريه فاليو فرنساوي ب٨٠ جنيه
والكاسيت اللي ب ٣٠٠٠ ده سعر توكيل يا باشا وما ادراك عز العرب .... اشتريها بالكاسيت بتاعها
والكوبلن عامل جديد فرنساوي ب ١٢٠٠ جنيه

وقطع غيارها مش غاليه وخد بالك ان كل القطع الميكانيكيه والموتور هو موتور البيجو ال٢٠٦ ال ١٦٠٠
والمكنه بتاعتها كلها استعمال ب ٤٥٠٠ جنيه بالجير بوكس

واي خدمه وتحت امرك في اي استفسار

**kalmah** · 21-01-2011 02:00 AM

الف شكر علي الردود و ربنا يخليكم
انا اتكمت مع الاستاذ HOnda lover أحمد سعد
قعدنا ندردش علي التليفون و استقريت علي اني ان شاء لله اجيب اكسارا 2
عشان موتور افضل و فرامل احسن و منظر احلي و تقفيل فرنساوي
قطع الغيار في منها المعقول وفي منها الغالي بس ان شاء لله تدبر انا بدور علي حاجة بيتي و كيلومترات قليلة و هفضل متابع معاكوا لو لاقيت حاجة و بردة اللي عندة معلومات زيادة ياريت يضيفها كلنا بنتعلم من بعض

**mohamemn** · 23-01-2011 11:28 AM

شوف دى

ContactCars | السيارات المستعملة

**amr_lamor** · 23-01-2011 08:01 PM

ازاي متورها موتور 206؟؟؟ انا كمان بفكر في الاكسارا بس الناس بتقولي قطع غيرها غاليه اوي و بتعطل كتير والكمبيوتر الي فيها بيخليها تعطل ومش اي حد بيشتغل فيها يريت حد يفيدني

**amrmaismail** · 24-01-2011 03:31 PM

المشاركة الأصلية كتبت بواسطة amr_lamor

ازاي متورها موتور 206؟؟؟ انا كمان بفكر في الاكسارا بس الناس بتقولي قطع غيرها غاليه اوي و بتعطل كتير والكمبيوتر الي فيها بيخليها تعطل ومش اي حد بيشتغل فيها يريت حد يفيدني

هاتلي واحد بس راكب الاكسارا بيقول الكلام ده
كل اللي بيقول كده ما ركبهاش اصلا .. مع احترامي لكل الناس وآراءها
وفي للأكسارا ١ موتور tu5 jp وده بيبقي ٨ فالف و ٩٠ هورس باور واحد كامه وده بالظبط موتور البيجو ال ٢٠٦ ال ١٦٠٠
والاكسارا ٢ فيها موتور ٢ كامه ١٦ فالف ١١٠ هورس باور وهو هو موتور البيجو ال ٣٠٧
وبرده الموتور ده بينزل للاكسارا ١ في بعض الموديلات في دول تانيه
والاكسارا نزلت ب ١٤ نوع موتور مختلف ما بين السعه اللتريه و الديزل والتربو وموجودين عند بتوع الاستعمال بينزلوا من بره
والكمبيوتر بتاعها مش بيعطل غير لما بليه بيلعب فيه
وتحت امرك في اي حاجه ... وتحياتي ليك

**amr_lamor** · 24-01-2011 07:13 PM

طب قطع غيارها والكلام ده متوافر؟؟؟؟ واسعاره غاليه ولا رخيصه؟؟؟؟ واي حد بيشتغل فيها؟؟؟ واعاده بيعها :) اسف لو طولت عليكم بس انا ادامي واحده

**redredzone** · 24-01-2011 11:07 PM

الاكسارا عربيه رائعة لا تقارن باي عربيه في فئتها....وقطع غيارها كتير في دمشق....انا كنت خايف قبل مشتريها..بسبعد مجربتها دي فوق توقعاتي...وفي ناس بتفهم اوي فيها..يعني مفيش مشكلة

**kalmah** · 25-01-2011 02:58 AM

يا استاذ amr_lamor

انا كنت زيك كدة محتار حيرة صعبة خصوصا اني نازل من هوندا SI و مش معايا الا المبلغ دة 37 فلاقيت ان الاكسارا افضل حاجة من كل النواحي

الحاجتين اللي واقعين شوية سع اعادة البيع و انها تقيلة في بيعها حبتين و موضوع قطع الغيار عالية شوية بس معمرة فمحصلة الرخيص اللي بيضررب اول ب اول

انا لسة بدو علي حاجة Manual اكسارا 2
لو انتا بتحب الاتوماتيك خش علي كونتاكت كاز هتلاقي حاجات جميلة علية