الموضوع: إستشارة بخصوص ال sx4 sedan

متابع باهتمام، و ان كنت مهتم اكثر بالهاتشباك. و أحب أضيف سؤال اخر، ما هو رأى الاعضاء فى التوكيل و هل الموديل الموجود حاليا ده 2011 ولا 2010؟

المشاركة الأصلية كتبت بواسطة ahmedezar

السلام عليكم قسم suzuki
انا الحقيقة أول مرة أدخل علي القسم هنا
كنت في معرض الاهرام يوم الجمعة وشوفت ال sx4 sedan
الحقيقة عجبتني وخصوصا أني عايز اجيب عربية جديدة في حدود ال 120 ألف وكنت بفكر في السيراتو جامد بس في شوية حاجات قلقاني منها
المهم انا محتاج من الاخوه هنا يفيدوني بأي معلومات عنها عشان تقريبا معرفش حاجه عنها خالص كمان انا قريب الموضوع المثبت هنا بس تاريخه قديم من 2007 وملفات ال pdf مش بتفتح



يمكن تساعدوني في إتخاذ القرار اللي بقالي شهور مش عارف أخده

وشكرا ليكم مرة أخرى

اولا منور قسم سوزوكى و المنتدى كله يا استاذ احمد
انا كنت زيك كده يا استاذ احمد فى حيرتى و كانت عجبانى جدا السوزوكى sx4 السيدان و خصوصا انها يابانى بالكامل و واسعة و كويسة جدا و الكلام ده بش كلامى,,الكلام ده كلام الاعضاء الكرام اللى ممتلكينها
و انا كنت عملت موضوع قديم شوية بس بش اوى يعنى,,عملته فى شهر 7 سنة 2010
و سألت عن العربية فى كل شىء و الموضوع اهو:

http://www.nilemotors.net/Nile/165611-sx4.html
و انا كنت حشتريها,بس حصل مشكلة فى الفلوس اللى معايا عشان كده اجلت موضوع الشراء شوية
و ربنا يوفقك للى فيه الخير ان شاء الله

المشاركة الأصلية كتبت بواسطة OldVic

متابع باهتمام، و ان كنت مهتم اكثر بالهاتشباك. و أحب أضيف سؤال اخر، ما هو رأى الاعضاء فى التوكيل و هل الموديل الموجود حاليا ده 2011 ولا 2010؟

اولا:اهلا بحضرتك

ثانيا:الموديل اللى موجود فى المعرض,,انا سألت فى المعرض,,قالولى ان ده موديل 2011
اما بالنسبة للتوكيل,,حضرتك ممكن تبص على الموضوع اللى سيبته فوق للعضو احمد
و فيه لينك كمان ححطوه لحضرتك لواحد مالك العربية و كان بيعمل تقييم ليها
و هو ده اللينك:

http://www.nilemotors.net/Nile/32386...an-3000-a.html

و الهاتشباك بش وحشة على فكرة و هى هى نفس الكماليات و الموتور و العفشة و كل حاجة,,الفرق بس انها هاتشباك و فيه هاتشباك نزل دفع رباعى,دى بقى شكلها جامدة جدا و ربنا يوفقك ان شاء الله
و تقبل مرورى

المشاركة الأصلية كتبت بواسطة basemsaeed

اولا منور قسم سوزوكى و المنتدى كله يا استاذ احمد
انا كنت زيك كده يا استاذ احمد فى حيرتى و كانت عجبانى جدا السوزوكى sx4 السيدان و خصوصا انها يابانى بالكامل و واسعة و كويسة جدا و الكلام ده بش كلامى,,الكلام ده كلام الاعضاء الكرام اللى ممتلكينها
و انا كنت عملت موضوع قديم شوية بس بش اوى يعنى,,عملته فى شهر 7 سنة 2010
و سألت عن العربية فى كل شىء و الموضوع اهو:

http://www.nilemotors.net/nile/165611-sx4.html
و انا كنت حشتريها,بس حصل مشكلة فى الفلوس اللى معايا عشان كده اجلت موضوع الشراء شوية
و ربنا يوفقك للى فيه الخير ان شاء الله

متشكر لمرورك أ/باسم
الحقيقة العربية عجباني وقريت الموضوع اللي حضرتك حطيت اللنك بتاعه
بس برضه مش عارف فين بقيت الناس هي العربية مش منتشرة اوي كده
ياريت الناس اللي معاها العربية ترد عشان الواحد يستفيد
ومشكور لمرورك مره اخرى

المشاركة الأصلية كتبت بواسطة ahmedezar

متشكر لمرورك أ/باسم
الحقيقة العربية عجباني وقريت الموضوع اللي حضرتك حطيت اللنك بتاعه
بس برضه مش عارف فين بقيت الناس هي العربية مش منتشرة اوي كده
ياريت الناس اللي معاها العربية ترد عشان الواحد يستفيد
ومشكور لمرورك مره اخرى

الشكر لله
هى فعلا العربية جميلة,بس للاسف بش منتشرة زى الفيرنا و السيراتو و العربيات دى,,اللى واكلة السوق
هما فعلا فى المنتدى كام واحد اللى معاه العربية دى,بش كتير يعنى
بس انا بعتلهم على الخاص عشان ينزلوا تقييم خاص ليها كل فترة عشان الناس تعرف العربية اكتر و اللى بيفكر فيها,يقدر يحكم عليها من خلال تقييمهم
و ربنا يوفقك ان شاء الله للى فيه الخير
و انا تحت امرك فى اى شىء

المشاركة الأصلية كتبت بواسطة basemsaeed

الشكر لله
هى فعلا العربية جميلة,بس للاسف بش منتشرة زى الفيرنا و السيراتو و العربيات دى,,اللى واكلة السوق
هما فعلا فى المنتدى كام واحد اللى معاه العربية دى,بش كتير يعنى
بس انا بعتلهم على الخاص عشان ينزلوا تقييم خاص ليها كل فترة عشان الناس تعرف العربية اكتر و اللى بيفكر فيها,يقدر يحكم عليها من خلال تقييمهم
و ربنا يوفقك ان شاء الله للى فيه الخير
و انا تحت امرك فى اى شىء

ا/باسم متشكر ليك مرة تانيه
المعلومات برضه قليله قوي
كمان انا اتصلت بمودرن موتورز وسألت قالولي لازم تحجز لانها قليلة اوي وبتجي بالحجز
وده كمان معناه ان قطع غيارها غير متوفرة وغاليه جدا
ربنا يسهل لما نشوف

المشاركة الأصلية كتبت بواسطة ahmedezar

ا/باسم متشكر ليك مرة تانيه
المعلومات برضه قليله قوي
كمان انا اتصلت بمودرن موتورز وسألت قالولي لازم تحجز لانها قليلة اوي وبتجي بالحجز
وده كمان معناه ان قطع غيارها غير متوفرة وغاليه جدا
ربنا يسهل لما نشوف

الشكر لله يا استاذ احمد و حضرتك زى اخويا
هى فعلا المعلومات قليلة عنها من حيث تقييم العربية
هى قطع الغيار متوافرة فى التوكيل ده اكيد و تقريبا كمان موجودة فى التوفيقية او الحرفيين
و سعرها فى التوكيل معقول,,يمكن ارخص من قطع غيار عربيات تانية فى نفس الفئة
و ربنا يوفقك ان شاء الله للاختيار السليم