بالصور طريقة تركيب لمبة إضائة لكونتاكت الجين-2 والبيرسونا والساجا حصريا لنايل موتورز

**Abdelrahman.H** · 17-01-2011 02:34 AM

السلام عليكم ورحمة الله وبركاته

الحمد لله ركبت لمبة إضائة لكونتاكت الجين-2 وحأشرحلكم طريقة تركيبها

====================================

الأدوات المطلوبة :

1- مفك صليبة

2- لمبة تابلوه بدون كعب 12 فولت 1.2 وات بالدوايه بتاعتها

3- مترين سلك سمك 1مم

4- عدد 2 ترملة نحاس

5- بكرة شريط لحام

=========================================

الخطوات :

1- بإستخدام المفك الصليبة نقوم بفك عدد 5 مسامير في الجهة السفلى من غطاء عامود الدركسيون كما هو موضح في الصورتين التاليتين :

2- نقوم بفك الغطاء العلوي برفعه لأعلى وذلك بعد تحرير ذراع ضبط منسوب الدركسيون و إنزال الدركسيون لأسفل حتى نهاية مشواره

3- نقوم بعد ذلك بفك الغطاء السفلي وذلك بتحريره اولا من حول الكونتاكت ثم إنزال الغطاء لأسفل

تابع الموضوع في المشاركة التالية

**Abdelrahman.H** · 17-01-2011 02:35 AM

4- سنجد امامنا الكونتاكت محاط برينج دائري بلاستيكي شفاف وبه مكان فاضي مخصص لوضع لمبة الإضائه ( مكان اللمبة محاط بدائرة حمراء )

================================================
معلومة سريعة على الماشي كده

الصور التالية توضح شكل الإيموبلايزر

شرح طريقة عمله :

يقوم الملف الكهربي الموجود في الدائرة السوداء والمحيط بالكونتاكت يقوم بإلتقاط الشفرة الناتجة عن المجال المغناطيسي الموجود في الفحمة الموجوده داخل المفتاح ويرسل الشفرة إلى وحدة ال ECU الخاص بالسيارة ويتم مقارنتها بالشفرة الموجوده به ... إذا تطابقت الشفرتان يسمح ال ECU بإدارة المحرك

تابع الموضوع في المشاركة التالية

**Abdelrahman.H** · 17-01-2011 02:36 AM

5- نقوم بتقسيم السلك إلى نصفين طول كل منهم 1 متر .... ثم تركيب ترملة في طرف واحد لكل منهما وعزل الترامل جيدا بشريط اللحام أو وضع كل ترملة في جراب بلاستيك خاص ( نسيت أشتريه بصراحة وكسلت أرجع تاني أجيبه رحت عزلتهم بشريط لحام وخلاص ) .......

6- نقوم بتركيب اللمبة في الدواية و تركيب الترامل في مكانها بالدواية .

7- نقوم بتركيب اللمبة بالدواية في مكانها المخصص في الرينج

8- نقوم بتمرير طرفي السلك مع ضفيرة السيارة من داخل التابلوه ثم فك غطاء القايم الأيسر وإلتقاط الطرفين من بين التابلوه والقايم الأيسر

9 - حتلاقي في سلكتين من ضفيرة العربية ماشيين على القايم لونهم أزرق (بيوصل أرضي من زرار الباب) و أحمر (بيوصل كهرباء مباشر) حنقشرهم ونوصل اللمبة عليهم ونعزلهم كويس بشريط اللحام.

10- نركب كل حاجه فكيناها بالتتابع العكسي لطريقة الفك.

======================================

النتيجة النهائية

=====================================

التكلفة الإجمالية .........

سلك + ترامل + لمبة + دواية = 10 جنيه

=====================================

خيارات إضافية لمن أراد ........

أنا عملت دايرة ال Delay بتاعة لمبة الصالون اللي مشروح طريقتها في الموضوع ده ......

http://www.nilemotors.net/Nile/182015-a.html

إشتريت المكونات بتاعتها من محل المامون للإلكترونيات في مصر الجديدة ب 15 جنيه و جمعتها و ركبتها على لمبة الصالون و الكونتاكت

الدايرة مشابهة للدايرة اللي في الصورة دي بس مبسطة شوية عنها

..... لما بقفل الباب بيفضل الصالون منور 30 ثانية وبعدين يطفي بالتدريج زي ماهو موضح في الفيديو القادم:

[youtube]http://www.youtube.com/watch?v=X2pgA6Tq01w[/youtube]

================================================== ========

إعذروني مش حأعرف أشرح طريقة صنع الدايرة وتوصيلها على العربية .... علشان ما أبقاش مسئول عن أي أضرار تحدث
=============================================

في النهاية أرجو إن الموضوع يكون عجبكم
تـحـيـاتـي
م / عبدالرحمن

**Abdelrahman.H** · 17-01-2011 02:38 AM

إعذروني مش حأعرف أشرح طريقة صنع الدايرة وتوصيلها على العربية .... علشان ما أبقاش مسئول عن أي أضرار تحدث
=============================================

في النهاية أرجو إن الموضوع يكون عجبكم
تـحـيـاتـي
م / عبدالرحمن