الموضوع: ايه افضل كاميرا ديجيتال؟

المشاركة الأصلية كتبت بواسطة mxz911

بس انت جيت فى الوقت الصح بس هتزود شويه بتاع 70 جنيه ...



هات نفس الكاميرا اللى معايه وهيه canon power shot a490

ومستقبلا ممكن اما تحوش شويه تشترى شاحن ببطاريات rechargeable .. انا كان عندى بس باظ وماشى دلوقتى ببطاريات عاديه energizer

الكاميرا تحفه بكل المقاييس ... بصراحه انا كنت شاريها غاليه من حوالى 5 شهور .. لكن من يومين شوفتها ف compu me ف سيتى ستارز بسعر ذهلت منه بصراحه !!!

كانت ب 570 جنيه !!! وبصراحه سعر لقطه على كاميرا بالمواصفات دى

على فكره انا كان معاى قبلها الجيل السابق منها وهو canon powershot a470

وكان معاى برضه sony t500 تاتش سكرين وامكانيات خرافه بس بصراحه حاسس انها مش فارقه كتير عن ال a490

دى مواصفات ال a490 :
canon powershot-a490 review: Overview

وهنا هتلاقى التقييم على موقع كانون واخده 4 نجوم ونص من 5

canon - a490

على فكره انا مش بقولك كده عشان تشترى نفس الكاميرا اللى معايه ( اكيد مليش مصلحه يعنى بس احنا فى منتدى نحب الخير لبعض ونحب نفيد ونستفيد من خبره بعض ) .. و والله انا عشان اشترى كاميرا بقعد فتره طويله جدا اعمل ابحاث واقارن بينها وبين حاجات كتير ف نفس الفئه السعريه غايت ما اوصل لاحسن حل .. وبالمناسبه انا بصور من 5 ابتدائى وهاوى تصوير .. عندى كاميرا حتى تحت الميه وكاميرات من بتوع الافلام بتوع زمان كتييييييييييير اوى وكاميرا slr بس قديمه جدااااااا . ونفسى بصراحه ف حاجه بروفيشنال بس مفيش فلوس ليها بصراحه لانها ف حدود 5 الاف جنيه

شكرا يا باشا عالرد الجميل ده , بس كنت عاوز أعرف امكانياتها ايه؟ على فكرة أنا اول مرة أشترى و استخدامى لها ان شاء الله لا يتعدى المناسبات و الصور مع الأهل , وعايز أعرف تأثير الشمس عالصور وبالليل بتكون كويسه والا ظروفها ايه؟ وتصوير الفيديو بتاعها رايق؟والصوت واضح؟
معلش انا اسئلتى كتير

ياترى بقى الاخوه اللى قالو ان الكانون a480 احسن من a490 قالوا انها احسن على اساس ايه ؟ .. هل على اساس تجربه للكاميرات ؟ اما على اساس " انا سمعت مش عارف مين بيقول انها احسن " .............. انا مش معارض ردكم بس دلوقتى حاسس انى وسط خبراء كاميرات ف أحب اعرف وجهه نظركم ؟
اصل الاتنين بيصوروا ب Max Resolution وهوه 3648 فى 2736
والاتنين ال Total Pixels بتاعهم 10.3 ميجا بيكسل ... وال Effective Sensor Resolution .. بتاعهم الاتنين 10 ميجا بيكسل
وبالنسبه للعدسه الاتنين Canon zoom lens 3.3 x

فأحسن منين بقى ؟؟؟؟؟

شكرا يا باشا عالرد الجميل ده , بس كنت عاوز أعرف امكانياتها ايه؟ على فكرة أنا اول مرة أشترى و استخدامى لها ان شاء الله لا يتعدى المناسبات و الصور مع الأهل , وعايز أعرف تأثير الشمس عالصور وبالليل بتكون كويسه والا ظروفها ايه؟ وتصوير الفيديو بتاعها رايق؟والصوت واضح؟
معلش انا اسئلتى كتير

دى مواصفات ال a490 :
canon powershot-a490 review: Overview

صورها فى الشمس تحفه ... بالعكس انت اما تصور صور فى الشمس هتطلع بنقاء فظيع بس طبعا وانت بتصور هتخلى الشمس فى ظهرك مش فى وش الكاميرا ... وبليل بتكون كويسه اه وحسب اضاءه المكان نفسه ... يعنى لو الضوء ضعيف والمكان مش كبير واللى بتصوره مثلا مش بعيد اوى عن الكاميرا الفلاش هيقوم بالواجب .. لو نازل تصور مثلا على الكورنيش بليل وانت مثلا بينك وبين اللى بتصوره 3 متر هتصور بس مش هتبان اوى لكن ليها حل اوى وهوه مود فى الكاميرا بتظبطه مانيوال .. بتخش تخليها على SCN وتخلى المود بتاع الكاميرا Night snapshot .. وفى الحاله دى عشان تطلع الصوره بنقاء فظيع هتحطها على حاجه تثبتها وتعمل timer.. المود ده بالذات بليل لازم اللى فى الصوره ميتهزوش غايت ما الصوره تتصور عشان ده ببساطه شديده جدا بيجمع الضوء اللى حواليك فى كل حته وهتلاقيه كله فى الصوره ..... فالصوره هتطلع منوره جدا وكل حاجه واضحه جدا وبصراحه ده من احسن الmodes اللى بصور بيها بليل فعلا فوق الفظيع ......

بالنسبه للفيديو بتاعها معقول بصراحه مش هقولك ممتاز لانى مهتم بتصوير الصور اكتر من الفيديو .. بس الفيديو بتاعها حلو والنقاء بتاعه كويس اوى خصوصا لو فى ضوء والصوت برضه حلو

هتلاقى المواصفات تحت شويه تحت صوره الكاميرا .. اهى عموما

Canon Powershot A490 Features:

• 10-Megapixel, 1/2.3-inch CCD imaging sensor
• Digic III image processor
• 3.3x optical zoom lens: 35mm equivalent of 37-122mm
• TTL Autofocus
• 2.5-inch, 115,000 dot LCD
• Face Detection AF/AE/FE/WB
• Intelligent Contrast Correction
• Red-eye Correction
• Low-Light shooting
• Smart Flash Exposure
• 15 - 1/2000 sec. Total shutter speed range
• ISO - Auto, 80, 100, 200, 400, 800, 1600
• Smart Auto with 13 predefined shooting modes
• Shooting Modes: Auto, P, Special Scene (Portrait, Night Snapshot, Kids & Pets, Indoor, Low Light, Beach, Foliage, Snow, Sunset, Fireworks, Long Shutter), Movie
• Self-Timer
• Movie Recording at 640x480 and 320x240
• SD/SDHC compatible
• Powered by 2 AA-Type batteries
• PictBridge
• Exif Print

وكمان حاجه ..... معظم الكاميرات الديجيتال مش بتطلع الصور بنقاء الوان 100% بيبقى فى نسبه تحسها غامقه شويه ودى حاجه عاديه بس عشان تخلى الالوان تحس انها مشعه كده او مزهزه هتحتاج مثلا برنامج للصور زى ده
Microsoft Office Picture Manager

بينزل مع اوفيس 2007 وسهل اوى للتعامل مع اى حد مبتدئ هتخش تعمل Auto correct بس وشوف الفرق الرهيب .. او لو عاوز ممكن تتعلم شويه فوتوشوب برضه سهل مش صعب

يوم أمس 01:28 PM ahmed_oth محدش يعرف مكان لتصليح كاميرا ديجيتال ماركه البا؟

بصراحه انك تشترى كاميرا جديده احسن ما تصلح ا لكاميرا نفسها لان التصليح فى مصر غالى جدا ........والبا فى الكاميرات اصلا مش كتير فلا اعتقد انك هتلاقى ..

mazagngi2010
انا عايز كاميرا بتصور hd مش اقل من 10 ميجا وصورها كويسه بالليل وبتشتغل بحجاره قلم وللاسف ال jv110 مش حجاره قلم حد ممكن يساعنى فى الموضوع ده

عشان تجيب كاميرا HD نظيفه هتكون غاليه ومش هتكون فى حدود الاسعار دى خالص ..وانا بصراحه معرفش انهى كاميرات HD حلوه لانى زى ما قلت مهتم بالصور العاديه ومش مهتم اوى بالفيديو ....


اتمنى اكون قدرت اساعد

المشاركة الأصلية كتبت بواسطة mxz911

ياترى بقى الاخوه اللى قالو ان الكانون a480 احسن من a490 قالوا انها احسن على اساس ايه ؟ .. هل على اساس تجربه للكاميرات ؟ اما على اساس " انا سمعت مش عارف مين بيقول انها احسن " .............. انا مش معارض ردكم بس دلوقتى حاسس انى وسط خبراء كاميرات ف أحب اعرف وجهه نظركم ؟
اصل الاتنين بيصوروا ب max resolution وهوه 3648 فى 2736
والاتنين ال total pixels بتاعهم 10.3 ميجا بيكسل ... وال effective sensor resolution .. بتاعهم الاتنين 10 ميجا بيكسل
وبالنسبه للعدسه الاتنين canon zoom lens 3.3 x

فأحسن منين بقى ؟؟؟؟؟

أقول لك أنا على أساس الناس اللى جربت الكاميرتين ولو عملت بحث هتلقى مواضيع كثير في منتديات بتتكلم في الموضوع ده ومقارنات بالصور للكاميرتين وطبعاً انا بتكلم على جودة الصور فقط، و لو معرفتش توصلها ابقى اجيب لك اللينكات عشان تبقى متأكد

حد قبل كده قالك ان انت نجم؟
كنت فى كارفور النهارده ومسكت ال av100 فعلا كنت عايز ارميها فى وش الراجل وفعلا ال hd لازمله حاجه غاليه
اللى مكرهنى بامانه فى الكانون شاشتها صغيره
ودى ياجماعه اخر الاسعار من كارفور لكوداك وليومكس (باناسونيك مش اى كلام المفروض) وبيتقال عليها كلام وحش
http://www.cnet.com.au/panasonic-lum...-339300762.htm
lumix f2 اندونيسى 4X hd movie 10 mega ب 700
lumix f3 اندونيسى 12 ميجا 28mm wide angle 4X hd ب 849
كوداك c143 ب500
كوداك c142 ب 400
كوداك c183 ب 600 -14 ميجا
كوداك md30 ب 666

ايه رايك فى الانواع دى وامكانيتها بالنسبه للسعر؟

ربنا يخليك يا باشا ...وبالنسبه لكوديك بصراحه انا قلتلك الموديلات اللى دايما بشوفه ف كارفور ودايما ينزل جديد منها نفس الاسطمبه كلهم فى رأى مش حلوين

ال Lumix معرفش عنها كتير بس بصراحه الكاميرا سمعتها حلوه جدا وموجود مع ابن خالتى فى نيوزلاند هو شاريها من هناك وشفتها اما نزل بيها مصر الاجازه اللى فاتت كانت فظيعه بس للاسف مش فاكر اسم الموديل بس هيه كانت بحوالى 1500 مصرى ....

M_Nabil
أقول لك أنا على أساس الناس اللى جربت الكاميرتين ولو عملت بحث هتلقى مواضيع كثير في منتديات بتتكلم في الموضوع ده ومقارنات بالصور للكاميرتين وطبعاً انا بتكلم على جودة الصور فقط، و لو معرفتش توصلها ابقى اجيب لك اللينكات عشان تبقى متأكد

اسمحلى اقولك ان اللى حضرتك بتقوله ده مستحيل تقارن الصورتين ببعض بالكاميرتين a480 , a490 , a495 !!!!!!
حضرتك ازاى هتقارن 3 كاميرات بنفس الكفائه ونفس الجوده هتقارن ازاى جوده الصور .. ده كلام مستحيل يكون منطقى .. انت بتقارن 3 صور بنفس الريزوليوشن ولو قلنا فى حتى اختلاف بين ال 3 هيكون 1% فحضرتك ازاى شفته 1% ده .. الكلام ده لو فرضنا انك جبت الصور على اقصى ريزوليوشن وعملت Compare pixels to each other !!!!

وبرضه اقول ماشى فى فرق بس مستحيل توصل انك تعرف الفرق !!

وعموما روح جوجل بنفسك واكتب

difference between canon a480 and a490


هتلاقى ف معظم ال results اللى طالعه واولها amazon مكتوب فى ال snippet بتاع اول نتيجه :

No real difference between A480 and A490

عموما دى مقارنه بين الكاميرتين ولو شفنا هنلاقى نفس الخصائص المهمه تقريبا

Compare Canon PowerShot A495 and Canon PowerShot A480 Digital Cameras. / Popular Comparisons / Digital Cameras' Comparisons / Camera-Catalog.com

ودى مقارنه تانيه ..

http://www.shopping.com/xSBS-Canon-P...97350-95229763

وحتى بالحااجات البسيطه المختلفه .. لا تؤثر اطلاقا على جوده الصوره .. طب ده انا ياراجل لحد دلوقتى معايه ال كانون A470 اللى هيه 7 ميجا بيكسل والفرق بين صورتها وصوره ال A490 اللى هيه 10 ميجا بيكسل .. مش بيبان فى الحالات العاديه على شاشه عاديه مثلا كمبيوتر او لاب توب .!!!!!!!


مستحيل جدا جدا جدا توصل لنتيجه يا M Nabil حتى لو لقيت حد كاتب على النت انه جرب الاتنين ولقى a480 احسن ف دى افتكاسه سورى يعنى فى الكلام !!!!!

مجهود رائع