الموضوع: ايه افضل كاميرا ديجيتال؟

بس انت جيت فى الوقت الصح بس هتزود شويه بتاع 70 جنيه ...



هات نفس الكاميرا اللى معايه وهيه Canon Power shot A490

ومستقبلا ممكن اما تحوش شويه تشترى شاحن ببطاريات ReChargeable .. انا كان عندى بس باظ وماشى دلوقتى ببطاريات عاديه Energizer

الكاميرا تحفه بكل المقاييس ... بصراحه انا كنت شاريها غاليه من حوالى 5 شهور .. لكن من يومين شوفتها ف Compu me ف سيتى ستارز بسعر ذهلت منه بصراحه !!!

كانت ب 570 جنيه !!! وبصراحه سعر لقطه على كاميرا بالمواصفات دى

على فكره انا كان معاى قبلها الجيل السابق منها وهو Canon Powershot A470

وكان معاى برضه Sony T500 تاتش سكرين وامكانيات خرافه بس بصراحه حاسس انها مش فارقه كتير عن ال A490

دى مواصفات ال A490 :
Canon Powershot-A490 Review: Overview

وهنا هتلاقى التقييم على موقع كانون واخده 4 نجوم ونص من 5

Canon - A490

على فكره انا مش بقولك كده عشان تشترى نفس الكاميرا اللى معايه ( اكيد مليش مصلحه يعنى بس احنا فى منتدى نحب الخير لبعض ونحب نفيد ونستفيد من خبره بعض ) .. و والله انا عشان اشترى كاميرا بقعد فتره طويله جدا اعمل ابحاث واقارن بينها وبين حاجات كتير ف نفس الفئه السعريه غايت ما اوصل لاحسن حل .. وبالمناسبه انا بصور من 5 ابتدائى وهاوى تصوير .. عندى كاميرا حتى تحت الميه وكاميرات من بتوع الافلام بتوع زمان كتييييييييييير اوى وكاميرا SLR بس قديمه جدااااااا . ونفسى بصراحه ف حاجه بروفيشنال بس مفيش فلوس ليها بصراحه لانها ف حدود 5 الاف جنيه

mazagngi2010 باشا ..

بخصوص الكاميرا دى انا شفتها واتفرجت عليها

اولا .... أبسط حاجه .. عاوزك تمسكها بأيدك !!!!! أيوه روح كارفور مثلا امسكها وشوف الخامات بتاعتها !! . خامتها رديئه جدا جدا !

ثانيا : انا عاوزك متبصش على الامكانيات بتاعت الكاميرا على قد ماركه الكاميرا نفسها ..
على سبيل المثال العربيات ا لصينى يعد يقولك ABS , Airbag , EBD مش عارف ايه .. ماشى انا موافق معاك جدا ان فيها كل الحاجات دى .. لكن هل تشترى عربيه صينى بالحاجات دى ولا تشترى عربيه المانى مثلا BMW فاضيه من الكماليات دى ؟؟؟
دى المقارنه .. فشوف انت عاوز الحاجات بتاعت الكاميرا ال فوجى دى بجوده مش هقولك سيئه ولكن معقوله الى حد ما ولا تجيب حاجه زى الكانون او السونى وال 10 ميجا بيكسل بتاعتها تبقى احسن من 50 ميجا بيكسل زى كاميرا بتاعت الفوجى دى



وبينى بينك .. اى حد عادى مش محتاج كاميرا ديجتال اكتر من 7 ميجا بيكسل ..... لان الموضوع كله متعلق بالبيكسلز و لا اعتقد ان انت او اى حد عادى هيصور الصور عشان يعرضها مثلا على شاشه 42 بوصه صح ؟؟؟؟؟

يعنى من الاخر لو لقيت سونى او كانون 7 ميجا بيكسل هتكون احسن من الفوجى دى


وعلى فكره انت لو بصيت فى اللينكات اللى انت جيبتهالى

ف اللينك ده
ايهما افضل Fuji FinePix AV100 او codak c142 ولماذ - موقع الدي في دي العربي - DVD4ARAB.MAKTOOB.COM

هتلاقى واحد كاتب

TheInfernal TheInfernal غير موجود حالياً

أنا شخصيا منصحكش تشتري أقل من الCanon A480. صحيح هي فوق الميزانية و لكنها على حد علمي أحسن بكتير من الكاميرات التانية

مع الاخد بالاعتبار ال A480 مش موجوده خلاص وعشان كده انا اتكلمت على A490 .


من الاخر عاوز كاميرا ديجتال .. يبقى كانون او سونى .. متبصش لباقى الحاجات من اساسه .. وعلى فكره انت لو رحت كارفور هتلاقى هناك دايما كل شويه ينزلوا كاميرا كوداك بمواصفات تحس انها خارقه وسعر وهمى رخيص لكن الفكره مش ف الكلام الفكره ف الاداء ولازم الواحد يجرب ويعرف ايه الحلو من الوحش

وربنا يكرمك

خد وقتك يا باشا .. انا هقوم انام عشان عندى شغل بكره :d

الأفضل في السعر ده هو كانون a480 وعلى فكرة هيا صورها أفضل من موديل a490 وموديل a495 مع انها موديل أقدم ودى عن تجارب ناس وهتلقيها في محلات وسط البلد او كمبيومى بس ممكن تلف عليها شوية عشان فعلاً بدأت تشطب من السوق

وممكن لو عاوز حاجه فوجى فيلم كويسة و الميزانية تزيد 200 جنية شوف الموديل ده jv110

انما موديل فوجى av100 سيبك منه

طيب ايه رأيكم يا جماعة في سامسونج es30 أو es75

انا كان عندي سامسونج es15 ودي اقل من كل الموديلات اللي كتبتها و لكن كانت معقولة بس للاسف حصلها حادثة و عايز اجيب واحدة تاني ,

و ايه رأيكم لو هجيب واحدة من السعودية أجيب سامسونج و لا حاجة تانية مع العلم اني مش عايزها تزيد عن 700 ج

-----------------------------