ساعات بشتااااااااااق

**ahmed4000** · 19-01-2011 01:08 PM

المشاركة الأصلية كتبت بواسطة funnymickey

يعني بمعني اصح
هل احنا بطلنا نزور اهالينا عشان احنا اللي بقينا وحشين ولا الظروف هيا اللي مش مساعدانا

ياريت الاجابات تكون من جوه القلب
يعني صادقه مش متزوقه

اعتقد الناحيتين
زمان الموظف كان يخلص شغله الساعة2 ويروح البيت فعنده وقت يعمل حاجات كتير اوى ومكنش فى تلفزيون كتير زى دولقتى ولا انترنت ولا...الخ فكانت الناس عندها بركة فى الوقت وبتتزور بعض

لكن دلوقتى شغلى رسمى بيخلص 5 لكن عمليا 7 او 8 وشغل جمعة وسبت

زمان كانت الظروف صعبة بس الاب مطلوب يوفر اكل وشرب ومدارس ولبس وخلاص

دلوقتى المجتمع بقى استهلاكى والعربية لازم تبقى ايه ولازم يبقى فى لاب توب ولازم العيال يلبسوا ايه ويخرجوا يتغدوا فين ويروح ملاهى مش عارف ايه فى مول ايه..فعلشان اوفى احتياجتهم يبقى لازم اشتغل واشتغل وحتى لو مبشتغلش يبقى الوقت ليهم هما بس

وانا ساكن فى اخر الدنيا واى حد من قرايبى ساكن فى حتة تانية خالص علشان اروحله فى الزحمة حاخد ساعة رايح وساعة جاى فطبعا مفيش وقت خالص

وطبعا الاخلاق اللى كانت موجودة زمان مبقتش موجودة يعنى احنا منعرفش حكاية التعييد على بعض بالزيارات دى...كفاية اوى تليفون...زيارة المريض والمجاملات بقت حاجة قديمة ومحدش فاضى لحد حتى بين الاخوات

**FunnyMickey** · 19-01-2011 01:30 PM

والله العظيم عندك حق في كل كلمه قلتها
فعلا مكانش حوالينا التطور ده ولا كم التلاهي اللي عند الناس ده
ده انا احمد ربنا اني بشوف عماتي في الاعياد بقي
:)

حاجه بقت قذره موضوع تجرد الانسان من المشاعر والاحسايس وتحوله لمكنه عايشه تجيب فلوس تتجوز مكنه تشتغل في البيت تمسح وتكنس وتطبخ
يخلفوا مكن يذاكر ويكبر يبقي زيهم

والله احنا نتحول روبوتات احسن
علي الاقل حنتبرمج علي حاجه عدله

طب وبعدين
مفيش حل ؟
حنفضل ساكتين
؟
انا مش عاوز اخلف ولد او بنت يتربي في البيئه دي
ومش عاوز اسيب البلد
ومش عاوز اهاجر

نروح فين؟
نربي ولادنا علي ايه
علي اللي اتربينا عليه ويطلعوا عندهم اكتئاب من اللي حيشوفوه من اللي حواليهم ؟؟؟
ولا نربيهم علي انهم وحوش كاسره معندهاش قلب ولا احساس
ويطلعوا يدوسوا علي اي حد عشان يعلوا درجه
الواحد مبقاش عارف يعمل ايه

ياخوفي لبعد 30 40 سنه العيال تطلع تقول ياااااااااااااااه فين ايامك ياست نانسي ولا هيفا
اما كان المايوه قطعتين

**FunnyMickey** · 20-01-2011 11:46 AM

والله فيه يااحمد
فعلا عندك حق

انا عشت التجربتين ومش عاوز اقولك علي كم السعاده اللي كنت فيها
عندي اهل مراتي قرايبهم في مكان علي خط المناشي
قريه صغيره كده اسمها وردان
ورحت هناك يوم ورحت بالقطر
ومش عاوز اقولك بقي حتي طريق القطر متعه

والله ما كنت عاوز ارجع
منظر الخضره هناك يرد الروح
والبساطه اللي هما عايشنها
والحمير بقي والبقر والجاموس
ولا الارانب

حاجه كده تخليك تقعد هناك متتحركش
نفس الحكايه في مزرعه خالي علي الطريق الصحراوي
خضره وعزله

ممكن والله الواحد كل ما يتخنق يروح يغير جو هناك واهو اسمه تغيير

**A7MED_PHARMA** · 20-01-2011 01:23 PM

عجبك الجو في الأرياف ياعم صبحي

تعالى ياخويا وإتمسمر فيها ...وشوف هتحبها ولا لأ
بص
لما كنت بنزل البلد أجازات ..كنت بحبها أووووووووووووووي
لكن لما الحج طلع معاش ..ورجعنا البلد
تييييييتتتتتتتتتتتتت
كل أنواع التيت إلي ممكن تشوفه..تيت مقلي ..وتيت مسلوق ..وتيت باللحمة المفرومة
ياراجل

تغيير الجو أو العزلة ..ماتكونش في الريف
تكون في مكان معزوووووول عن الناس
أنا ناوي أطلع سافاري لوحدي أو مع واحد من إصحابي ...لكن مش عارف أروح فين لسه
صاحبي بيقولي شرم..بس شرم السافاري فيها هيكلف فلوس...ومش هكون مبسوط
أنا عاوز أطلع لوحدي في حتة كده....أنام في خيمة وأولع نار بالليل ..وأسمع الراديو وأنا قاعد ملفوف في بطانية قدام النار
أنا جربتها مرة في بيتنا إلي في القنطرة شرق...بيت وسط الهوووووو
بس كانت تجربة جميلة

**No Comment** · 20-01-2011 01:32 PM

المشاركة الأصلية كتبت بواسطة ahmed4000

انا علشان كده امنيتى انى اعمل مزرعة واقعد فيها وابعد عن الدوشة والزحمة والتلوث وتعيش هادية حتى لو "مملة" لا فيها اشارات مرور ولا مولات ولا هايبر ولا اى مظهر من مظاهر المدنية اللى بتقتل كل حاجة حلوة
اعتقد ان الوقت فى القرية (لو لسه فى قرية) زى زمان فيه بركة اكتر من المدينة بكتير

**No Comment** · 20-01-2011 01:36 PM

ده حلمى .... اللى انشاء الله هأعمله فى يوم من الأيااااااااااام ان كان للواحد عمر
مزرعة فيها كل ما يحتاجه الواحد فى الأكل ( خضروات وخلافه ) ... وكمان ممكن يتعمل مزرعة للفواكه والخضروات بدون كيماويات ودى هخليها للتجارة وممكن للتصدير .... علشان الواحد يجييب فلوس لمتطلبات الحياة .
ويربى كمان حبة فراخ وطيور ومعيز وخرفان وبقر وجاموس تشكيلة كدة لزوم التغذية هههههههههههههه ( آل يعنى الواحد بياكل ومقطعها أكل ) .
ويتعمل فيلا محترمة بحمام سباحة لو أمكن وتكون معزولة بشكل ما عن المزرعة ولاكن داخل أطارها بردوا .
وعيش بقى حياة نضيفة صحية هادية بعيد عن منغصات الحياة اللى الواحد بقى فيها .
ربنا يكرم .... قولوا آمييين .

**FunnyMickey** · 20-01-2011 01:49 PM

المشاركة الأصلية كتبت بواسطة a7med_pharma

عجبك الجو في الأرياف ياعم صبحي

تعالى ياخويا وإتمسمر فيها ...وشوف هتحبها ولا لأ
بص
لما كنت بنزل البلد أجازات ..كنت بحبها أووووووووووووووي
لكن لما الحج طلع معاش ..ورجعنا البلد
تييييييتتتتتتتتتتتتت
كل أنواع التيت إلي ممكن تشوفه..تيت مقلي ..وتيت مسلوق ..وتيت باللحمة المفرومة
ياراجل

تغيير الجو أو العزلة ..ماتكونش في الريف
تكون في مكان معزوووووول عن الناس
أنا ناوي أطلع سافاري لوحدي أو مع واحد من إصحابي ...لكن مش عارف أروح فين لسه
صاحبي بيقولي شرم..بس شرم السافاري فيها هيكلف فلوس...ومش هكون مبسوط
أنا عاوز أطلع لوحدي في حتة كده....أنام في خيمة وأولع نار بالليل ..وأسمع الراديو وأنا قاعد ملفوف في بطانية قدام النار
أنا جربتها مرة في بيتنا إلي في القنطرة شرق...بيت وسط الهوووووو
بس كانت تجربة جميلة

ياعم ايه جو الغرب المتوحش اللي انتا عايش فيه ده
حاجه من الاتنين حتتعمل فيك
ياعرب المنطقه حييجوا يقلبوك
يادوريات شرطه حييجوا يعملولك زي كراكون في الشارع

انا جو الارياف فعلا عجبني
ومهدئ للاعصاب
بس معرفش العيشه فيه عامله ازاي
اكيد ليه مشاكله يعني
الموضوع عندي كان فسحه مش اكتر

-

-

-

الموضوع: ساعات بشتااااااااااق

LinkBack

أدوات الموضوع

عرض

-

-

-

-

المواضيع المتشابهه

ساعات للبايكات

ساعات ؟؟؟

حد جرب ساعات q & q بتصدى ولا لأ

لمبة الزيت بتنور ساعات و ساعات لا

ساعات غريبة

الكلمات الدلالية لهذا الموضوع

المفضلات

المفضلات

ضوابط المشاركة