معايا لانسر98 بس مش عارف

**zakihacker** · 18-01-2011 10:10 AM

انا معايا لانسر 98 وكنت عايز اظبط العفشه حاسس انها واطيه هى موتور 1300 وفى مطبات غبيه ساهات باضطر اخدها يمين فى شمال براحه واعدى بس ناس قالت فى حاجه اسمها كاوتشه 2 زومبه ومش بتاثر انا عايز راى الرجاله الى معاها العربيه دى ولو عايز اظبط الزجاج والابواب لانى حاسس انى راكب 28 مع انها حالتها حلوة عايز اظبط العزل بتاعها ياترى اعمل ايه

**FunnyMickey** · 18-01-2011 04:12 PM

فهمنا بس بالراحه انتا عاوز ايه
اولا بالنسبه لكاوتش العلايات فعلا حيعلي العربيه شويه
بس لو مطب عالي مش حيعمل حاجه
لازم تاخده بالورب
وده الصح اصلا خصوصا لو كان معاك ناس
اللانسر والياباني عموما كله واطي
عشان يدي ثبات افضل
و2 زومبه وزومبه واحده ده اول مره اسمع عنه

اما بالنسبه لموضوع الزجاج والابواب فمش فاهم عاوز تظبط فيه ايه بالظبط
وحوار العزل ده
هيا العربيه فيها عزل من اصله اساسا ؟
:)

ولا انتا عاوز تعزل الصوت

**FunnyMickey** · 18-01-2011 07:31 PM

ماهوو طبيعي انك تحس باللي بره
العربيه بقالها 12 سنه ياباشا
مش موديل 2010

موضوع العزل ده حوار
اللي اعرفه انك ممكن تعمله بايدك
بس متعب
انتا بتروح لسروجي يركبلك فوم في العربيه كلها بيحسن كتم الصوت شويه
وبعدها يقفل عليه بجلد
بس طبعا حتشيل الكراسي وشغلانه
وبردو الدنيا مش حتتكتم اوي لانك معزلتش العربيه كلها كامله

وموضوع انك حاسس انها واطيه يعتمد علي انك ركبت ايه قبلها
ممكن تكون راكب حاجات عاليه
عالعموم مفيش قدامك غير موضوع العلايات وفعلا حيفرق جامد

**FunnyMickey** · 19-01-2011 11:48 AM

انتا ساكن فين ياباشا
مفيش رخامه ولا حاجه

**FunnyMickey** · 20-01-2011 12:10 AM

اجدع ناس
بص هوا انا العفشجي بتاعي في السيده زينب
كان واحد صاحبي هنا في المنتدي معاه كريستاله بردو وعملناها عنده سوا
والحمد لله العربيه من ساعتها زي الفل

لو يوم جمعه كده والدنيا رايقه وتاخد بعضك وتروحله
يشوفلك العربيه فيها ايه
وهوا بردو ميكانيكي
يعني لو عيب ميكانيكا حيقولك عيب ميكانيكا

وبردو مش حنعتبره اسطي
تروح لعفشجي واتنين وتلاته

وتشوفهم اجمعوا علي ايه
لو الكلام اختلف يبقي تطلع عالتوكيل

انا عملت كده
مسبتش حد يفتي
واما عم عصام ده شاف العربيه وقاللي عاللي فيها من قبل ما اقوله عاللي حصل في التوكيل
عرفت انه بيفهم

عالعموم شوف وانا معاك