صيانه 10000 في فرع سموحه الجديد

**frhateg** · 18-01-2011 02:10 PM

لسه جاي من صيانه ال 10000 كم من فرع سموحه الجديد . بصراحه منبسطتش كروتوا العربيع و اخذوا 440 جنيه . 234 زيت + 35 فلتر + 3 جوان = 270 و 170 جنيه مصنعية و ضريبه ( طبعا مبلغ كبير جدا ) و مغسلوش العربيه و لما كلمت المسئول قال الدنيا بتمطر و مينفعش نغسلها قلت له ماشي طب الماتور و العربيه من جوه قال لي الماتور لو حنعسله حناخذ 30 جنيه ثمن الغسيل . قلت له انا عامل صيانه ال 1000 و ال 5000 في العامريه غسلوالي العربيه و سلموهالي زي الفل عموما انا حتصل بالفرع الرئيسي و حبلغهم بالكلام ده و اخذت بعضي و مشيت .

**hobby10** · 18-01-2011 04:31 PM

خسارة فعلا كنت فاكرة المشاركة حتبقى شكر فى الفرع ... عموما حضرتك فعلا حاول انك توصل الصورة للعامرية علشان كده هم اللى حيخسروا كتير مش حضرتك لو محدش راح الفرع الجديد ده

**ahmedabotalb33** · 18-01-2011 05:12 PM

الى خلا التوكيلات افترت على الناس ان كل ميعملوا حاجه ضد العميل العميل مش بيهتم ويقول اهوا انا رحلهم مره ولا اتنين فى السنه وخلاص
نصحتى لازم تبلغ فرع العامريه ورينو الام لو لزم الامر

**MOUSTAFA_SAAD** · 18-01-2011 06:53 PM

يعنى كده الواحد يبقى يروح فرع العامريه احسن من سموحه رغم انه بعيد عنى ولا العامريه نفس المشكله
ممكن تليفونات سموحه والعامريه لو سمحت لانى لسه معملتش صيانة ال 5000 ومحتار اروح فين

**isso** · 19-01-2011 09:24 AM

معلش استفسار
اه صيانة 1000 ده
انا اللى اعرفه ان صيانة اللوجان الاولى 5000
ولا انا غلطان ؟

**tamer61** · 19-01-2011 10:23 AM

عموما يا فرحات باشا ما تضايقش نفسك و كمان لازم تتصل بخدمة العملاء الخاصه ب رينو - مصر و تقدم فيهم شكوي علشان يتظبطوا من أولها و يعرفوا إن العمليه ممكن تتقلب عليهم إذا ما إهتموش بالعملاء بتوعهم يا إما يا ريتهم ما فتحوه. و إن شاء الله حتلاقي رد فعل كويس منهم. و تقبل تحياتي.