المشاركة الأصلية كتبت بواسطة venus
بسم الله الرحمن الرحيم
----------------------------------
------------------------------------------------------------------------------------------------------------------
1
- صوت صوصوة بالخلف بيظهر في المطبات الرفيعه ياعني لو ماشي علي طريق غير ممهد تحس ان في كتكوت ورا في الشنطه ههههههههههه بس بيروح لما تغسل العربيه و برجع لما يكون في شتاء و طينه كانت عندي .... بس احقاقا للحق الراجل بتاع تكنو سرفيس اسكندرية و هوا بيعملي صيانة ال15 اديتو ورقة ب 5 جنيه ولا 10 مش فاكر قام مريح كل الصواميل و حاطط شحم عادي "شحم تقيل مش زيت" و ربط كويس و من يومها زي الفل حتي و انا بعمل صيانة ال20 الصواميل مكنت محتاجة تحريق و مكنتش بتلف خالص فربنا يباركله ان شاء الله ------------------------------------------------------------------------
2
- سقوت المرايه الموجودة في الشماسه بجوار السائق لوحدها بس الحمد لله متكسرتش و دبل فيس ونقطه امير رجعت زي الفل حصل ..... اديتها امير بس
----------------------------------------------------------------------------------
3-
دخلت في كلب و كنت ماشي علي 130
بس الحمد لله جات سليمه الكلب اتخبط عند الفانوس اليمين ومحصلشي حاجه غير اللمبه للنور الواطي و لمبه الرمش ولمبه الشابورة اتحرقو التلاته و الاكصدام الامامي دخل لجوة من الخبطه ورديته بيدي في نفس اللحظه والحمد لله جات سليمه جبت لمبه الفانوس والشابورة زي الي راكب فيهم الشابورة ب 15
جنيه ولمبه فانوس ب 25
جنيه و الرمش ب 3
جنيه بس نور الرمش مش عاجبني مصفر شويه
الحمد لله الراجل بتاع قطع الغيار قالي حجبلك واحدة زي الاصلي ب 8
جنيه .... الحمد لله حصل من غير اصاباتن "حادثة الكلب يعني " بس خبط في عربية بالرفرف الامامي يمين فالرمش اتحرقو القربة اتشرخت ... لسة جايبه امبارح صيني ب 1.5 جنيه صيني نفس درجة اللون .... لمبة 12 فولت 10 واط .... ليه يعني 8 جنيه دي لمبة من غير دواية .... لمبة كبس ...اظن انك مسكتها بايدك ... حرام 8 جنيه
---------------------------------------------------------------------
4-
لبمه الفرامل في الفانوس الشمال ورا اتحرقت جبت غيرها ب 3
جنيه و معطيه نفس النتيجه الحمد لله مفيش
----------------------------------------------------------------------------
5-
الكاوتش بدأ يخف شويه بس بتاع الكاوتش اخر مرة من اسبوع كنت بصلح عندة فردة قالي لسه بادري خالص قالي 10
شهور او سنه كمان و نبدأ نفكر -- ياعني علي حسباتي كمان 15
او 20
الف كيلو كمان انا عامل 22 ولسة بشوكه الحمد لله ...بس اتخرم كذا مرة .... و اتلحم عصببس الحمد لله سادد زي الفل .... انت عارف ان العجلة الواحدة عندنا مش هتقل عن 550-600 جنيه ؟؟؟؟؟؟؟
----------------------------------------------------------------------------------
6 -
تيل الفارمل بدأ يخف - كشفت عليه عند ميكانيكي من برة قالي كويس يمشيك خمس الف كيلو كمان بأمان - ان شاء الله اغير في صيانه 30
الف
عندي برضه بس هفضل لحد ال30 او ال25 حسب ظروفي
-------------------------------------------------------------------------------
7-
في شهر سبعه الماضي سافرت بالعربيه مشاور شخن حوالي رايح جاي 600
كيلو وكان صد رد ولما جيت من المشوار مباشرة ركنت وسايس المنطقه عشان يعمل معايا واجب غسل الاربع فرد بالمايه بس هوة مغسلهمشي دول حماهم مكنتش اعرف ان دة غلط علي الطنابير تخليها ""تفأع" معرفتش غير من واحد صحبي كان معايا في المشوار ولما نزلنا من البيت عشان اروحه وشاف الاربع فرد مستحمين بعد المشوار السخن دة قالي بغضب طنابيرك يا معلم باظووو . عربيه صحبي متسوبيشي لانسر 2008
غيرلها طنابير بسبب نفس الموضوع . ا
لمهم بعديها علي طول في السرعات العاليه لما اضرب فرامل الطارة ترج في ايدي
المهم رحت علي شهر 9 ا
لتوكيل وقلتلهم علي العيب وبعد التجربه قالولي حنطلبلك طنابير اماميه --- حتي وقتنا الطنابير مجتشي كل شويه اتصل بيهم يقولولي انا وراهم والزمن طويل انا عملتها في اسكندرية بسبب السيول ... بس انا غيرتهم في تاني صيانة علطول .... علي ال 10000 تقريبا
-------------------------------------------------------------------------------------------
8-
ثقافه المجتمع عن السيارات الصينيه ضعيفه او منحازة ضدها ليه مش عارف المهم من العيوب هذة السيارة ان نظرة المجتمع لها تراها انها عربيه ليست لها حق في الوجود كونها صناعه صيني
طالما احنا مقتنعين خلاص ... لولا اختلاف الزواق لبارت السلع
------------------------------------------------------------------------------------------
9-
في الصيف كنت عالي طول قافل الزجاج و مشغل التكيف دلوأتي عشان الشتاء بفتح الزجتاج حاجه بسيطه مع سير السيارة بيدخلي صوت عالي بالداخل لو بكلم في التلفون لازم اقفل الزجاج بحس بعد شويه ان الاكسجين قل وحتخنأ لو حد عندة حل للموضوع يقولي خلي الزرار اللي مرسوم عليه عربية في نص زرار المروحة مش منور
---------------------------------------------------------------------------------------
10- ي
نقصها سنسور للكرن خلفي ----
الشنطه عاندي واخدة نغزة من موتوسيكل كان راكن ورايا و مشفتوش
ان شاء الله هركب dvd و معاه parking cam
11- ريموت السيارة بطاريته ضعفت فتحته بصعوبه و غيرتله البطاريه اشتغل حوالي شهرين و البطاريه ضعفت تاني جبتله بطاريه يباني سوني وحتي الان زي الفل الحمد لله
نفسي اعرف فكيته ازاي .....؟؟؟؟؟
-------------------------------------------------------------------------------
12- مفيش حاجه تانيه والله انا عصرت دماغي عشان اشوف اي عيب تاني والله مش لاقي
انا بقي كمان سوستة الشكمان كانت بتزن .... و من رجة الخبطة بتاعتي القربة اتشرخت .... و طبعا اخر 3 شهور كان عندهم مشكلة في دخول قطع الغيار بسبب شهادات مطابقة المواصفات بس الحمد لله الحمد لله بعد جهاز حماية المستهلك زن شوية ...ركبت كل حاجة امبارح و زي الفل
-------------------------------------------------
------------------------------------------------
المميزات الحديثه
------------------------------------------------
---------------------------------------------------
1-
استهلاك للصفيحه "20لتر" في المدينه من 190 الي 210 كيلو متر .. علي الطريق السريع متوسط السرعه 100 الي 130 كيلو في الساعه حوالي من 240 الي 270 كيلو متر """ ملحوظه هامه """ نفس المعدل يقل حوالي 10 كيلو مع التكيف معدل الاستهلاك دة مكنشي موجود قبل كدة كان اقل بكتير بدأ الاستهلاك يتحسن حوالي بعد صيانه 15 الف وبحس انه كل يوم بيتحسن عن اليوم الي قبل كدة
-------------------------------------------------------------------------------------
2-
أخر عهد لي للتكيف في الصيف كان تلاجــــــــــــه
------------------------------------------------------------------------------
3-
التكيف الدافي ولا اجمل ويا سلام عند الرجلين ولا اروع بس طبعا بفتح الشباك حاجه بسيطه عشان الاكسجين
-------------------------------------------------------------------------
4-
ثبات العربيه فوق فوق فوق الممتاز بسم الله ماشاء الله الحمد لله لازال ثبات العربيه زي ما هوة متغيرشي .... الميزة انك كل ما تركب عربيه في نفس الفئه السعريه مثل الافيو او الفيرنا او الاكسينت تحس بالفرق الشاسع .... الحمد لله
-----------------------------------------------------------------------------
5-
سنسور المطر رائع جدا في ايام الشتا يعمل بكفائه وبذكاء
----------------------------------------------------------------------------------
6-
العفشه متهيألي انها زي ما هيا ياعني بعد مرور حوالي سنه وكام شهر و حوالي 30 الف كيلو استهلاك في الطرق المصريه مفيش جديد فيها متوسطه النعومه ياعني مش ناشفه زي السيراتو ولا ناعمه زي التويوتا
التقيم :- العفشه والمساعدين الحمد لله مفيش مشاكل لازالو يعملو بكفائه عاليه ولله الحمد
--------------------------------------------------------------------------------------------------
7-
باقي اجزاء العربيه لم يطرأ عليها جديد ولله الحمد * الماتور زي ما هوة شديد وسحبه زي ماهوة بيشرف في جميع المواقف * الفتيس و جميع أوالي الجر تمام والحمد لله لم يطرأ عليها اي جديد
-----------------------------------------------
8-
من صيانه 20 الف و حتي الان بسم الله ماشاء الله لم يطرأ اي جديد والحمد لله رب العالمين
-----------------------------------------------
---------------------------------------------
ان شاء الله في حدود اقل من شهر حعمل صيانه 30 وان شاء الله اعمل تقرير مفصل عن هذة الصيانه لتعم الفائدة
ولكم مني جزيل الشكر أخوكم ابو احمد من دمنهور - البحيرة
محمد ابراهيم من القاهرة
المفضلات