الموضوع: وحوش m11 إليكم تقرير سريع قبل صيانه 30 الف

بسم الله الرحمن الرحيم
----------------------------------
أخباركم ايه جميعا ملاك الرائعه M11 مش لاقي مواضيع جديدة عن العربيه انا بقالي فترة طويله مدخلتش علي المنتدي بسبب ظروف الشغل .
------------------------------------
انا الحمد لله تمام وبالنسبه عن اخبار العربيه
------------------------------------------------
العداد عامل تقريبا 28500 كيلو متر يزيد شويه ياعني داخل علي صيانه 30 الف . انا بعمل الصيانه في عيسي طنطا ناس محترمه انا معاهم من صيانه 5 آلاف
------------------------------------------------
أداء السيارة حتي الان ايجابيات وسلبيات ونبدأ بالسلبيات
------------------------------------------------------------------------------------------------------------------
1- صوت صوصوة بالخلف بيظهر في المطبات الرفيعه ياعني لو ماشي علي طريق غير ممهد تحس ان في كتكوت ورا في الشنطه ههههههههههه بس بيروح لما تغسل العربيه و برجع لما يكون في شتاء و طينه
--------------------------------------------------------------------------------
2- سقوت المرايه الموجودة في الشماسه بجوار السائق لوحدها بس الحمد لله متكسرتش و دبل فيس ونقطه امير رجعت زي الفل
----------------------------------------------------------------------------------
3- دخلت في كلب و كنت ماشي علي 130 بس الحمد لله جات سليمه الكلب اتخبط عند الفانوس اليمين ومحصلشي حاجه غير اللمبه للنور الواطي و لمبه الرمش ولمبه الشابورة اتحرقو التلاته و الاكصدام الامامي دخل لجوة من الخبطه ورديته بيدي في نفس اللحظه والحمد لله جات سليمه جبت لمبه الفانوس والشابورة زي الي راكب فيهم الشابورة ب 15 جنيه ولمبه فانوس ب 25 جنيه و الرمش ب 3 جنيه بس نور الرمش مش عاجبني مصفر شويه
الحمد لله الراجل بتاع قطع الغيار قالي حجبلك واحدة زي الاصلي ب 8 جنيه .... الحمد لله
---------------------------------------------------------------------
4- لبمه الفرامل في الفانوس الشمال ورا اتحرقت جبت غيرها ب 3 جنيه و معطيه نفس النتيجه
----------------------------------------------------------------------------
5- الكاوتش بدأ يخف شويه بس بتاع الكاوتش اخر مرة من اسبوع كنت بصلح عندة فردة قالي لسه بادري خالص قالي 10شهور او سنه كمان و نبدأ نفكر -- ياعني علي حسباتي كمان 15 او 20 الف كيلو كمان
----------------------------------------------------------------------------------
6 - تيل الفارمل بدأ يخف - كشفت عليه عند ميكانيكي من برة قالي كويس يمشيك خمس الف كيلو كمان بأمان - ان شاء الله اغير في صيانه 30 الف
-------------------------------------------------------------------------------
7- في شهر سبعه الماضي سافرت بالعربيه مشاور شخن حوالي رايح جاي 600 كيلو وكان صد رد ولما جيت من المشوار مباشرة ركنت وسايس المنطقه عشان يعمل معايا واجب غسل الاربع فرد بالمايه بس هوة مغسلهمشي دول حماهم مكنتش اعرف ان دة غلط علي الطنابير تخليها ""تفأع" معرفتش غير من واحد صحبي كان معايا في المشوار ولما نزلنا من البيت عشان اروحه وشاف الاربع فرد مستحمين بعد المشوار السخن دة قالي بغضب طنابيرك يا معلم باظووو . عربيه صحبي متسوبيشي لانسر 2008 غيرلها طنابير بسبب نفس الموضوع . المهم بعديها علي طول في السرعات العاليه لما اضرب فرامل الطارة ترج في ايدي
المهم رحت علي شهر 9 التوكيل وقلتلهم علي العيب وبعد التجربه قالولي حنطلبلك طنابير اماميه --- حتي وقتنا الطنابير مجتشي كل شويه اتصل بيهم يقولولي انا وراهم والزمن طويل
-------------------------------------------------------------------------------------------
8- ثقافه المجتمع عن السيارات الصينيه ضعيفه او منحازة ضدها ليه مش عارف المهم من العيوب هذة السيارة ان نظرة المجتمع لها تراها انها عربيه ليست لها حق في الوجود كونها صناعه صيني
------------------------------------------------------------------------------------------
9- في الصيف كنت عالي طول قافل الزجاج و مشغل التكيف دلوأتي عشان الشتاء بفتح الزجتاج حاجه بسيطه مع سير السيارة بيدخلي صوت عالي بالداخل لو بكلم في التلفون لازم اقفل الزجاج بحس بعد شويه ان الاكسجين قل وحتخنأ لو حد عندة حل للموضوع يقولي
---------------------------------------------------------------------------------------
10- ينقصها سنسور للكرن خلفي ---- الشنطه عاندي واخدة نغزة من موتوسيكل كان راكن ورايا و مشفتوش

11- ريموت السيارة بطاريته ضعفت فتحته بصعوبه و غيرتله البطاريه اشتغل حوالي شهرين و البطاريه ضعفت تاني جبتله بطاريه يباني سوني وحتي الان زي الفل الحمد لله
-------------------------------------------------------------------------------
12- مفيش حاجه تانيه والله انا عصرت دماغي عشان اشوف اي عيب تاني والله مش لاقي

-------------------------------------------------
------------------------------------------------

المميزات الحديثه
------------------------------------------------
---------------------------------------------------
1- استهلاك للصفيحه "20لتر" في المدينه من 190 الي 210 كيلو متر .. علي الطريق السريع متوسط السرعه 100 الي 130 كيلو في الساعه حوالي من 240 الي 270 كيلو متر """ ملحوظه هامه """ نفس المعدل يقل حوالي 10 كيلو مع التكيف
معدل الاستهلاك دة مكنشي موجود قبل كدة كان اقل بكتير بدأ الاستهلاك يتحسن حوالي بعد صيانه 15 الف وبحس انه كل يوم بيتحسن عن اليوم الي قبل كدة
-------------------------------------------------------------------------------------
2- أخر عهد لي للتكيف في الصيف كان تلاجــــــــــــه
------------------------------------------------------------------------------
3- التكيف الدافي ولا اجمل ويا سلام عند الرجلين ولا اروع بس طبعا بفتح الشباك حاجه بسيطه عشان الاكسجين
-------------------------------------------------------------------------
4- ثبات العربيه فوق فوق فوق الممتاز بسم الله ماشاء الله الحمد لله لازال ثبات العربيه زي ما هوة متغيرشي .... الميزة انك كل ما تركب عربيه في نفس الفئه السعريه مثل الافيو او الفيرنا او الاكسينت تحس بالفرق الشاسع .... الحمد لله
-----------------------------------------------------------------------------
5- سنسور المطر رائع جدا في ايام الشتا يعمل بكفائه وبذكاء
----------------------------------------------------------------------------------
6- العفشه متهيألي انها زي ما هيا ياعني بعد مرور حوالي سنه وكام شهر و حوالي 30 الف كيلو استهلاك في الطرق المصريه مفيش جديد فيها متوسطه النعومه ياعني مش ناشفه زي السيراتو ولا ناعمه زي التويوتا
التقيم :- العفشه والمساعدين الحمد لله مفيش مشاكل لازالو يعملو بكفائه عاليه ولله الحمد

--------------------------------------------------------------------------------------------------
7- باقي اجزاء العربيه لم يطرأ عليها جديد ولله الحمد * الماتور زي ما هوة شديد وسحبه زي ماهوة بيشرف في جميع المواقف
* الفتيس و جميع أوالي الجر تمام والحمد لله لم يطرأ عليها اي جديد
-----------------------------------------------
8- من صيانه 20 الف و حتي الان بسم الله ماشاء الله لم يطرأ اي جديد والحمد لله رب العالمين
-----------------------------------------------
---------------------------------------------

ان شاء الله في حدود اقل من شهر حعمل صيانه 30 وان شاء الله اعمل تقرير مفصل عن هذة الصيانه لتعم الفائدة
ولكم مني جزيل الشكر

أخوكم ابو احمد من دمنهور - البحيرة

المشاركة الأصلية كتبت بواسطة mosamer

استاذى المهذب venus انا طبعا مش اقصد التريقه خالص "ولكن زى ما بيقولو القفيه بتحكم " ولاكنى والله كنت بمزح معاك وانا فعلا كنت مستمتع باسلوب طرحك لمميزات العربيه وعيوبها على العموم سامحنى ان كنت سببتلك اى مضايقة عذرا

أخي الفاضل mosamer لا يهمك شيئ انا إلي فهمت غلط وسامحني علي سؤ ظني في كلامك
لك مني كل تقدير وإحترام